Daraja la Maudhui

Madaraja ya maudhui kwenye Google Play hutolewa na Muungano wa Kimataifa wa Ukadiriaji wa Maudhui kulingana na Umri (IARC) na yamebuniwa kuwasaidia wasanidi programu kutoa habari kuhusu madaraja ya maudhui yanayofaa watumiaji katika maeneo waliko. Mamlaka ya kimaeneo ya IARC hudumisha mwongozo ambao hutumika kubaini kiwango cha ukomavu wa maudhui kwenye programu. Haturuhusu programu ambazo hazina daraja la maudhui kwenye Google Play.

 

Jinsi daraja la maudhui linavyotumika Daraja la maudhui hutumika kuwafahamisha wateja, haswa wazazi, kuhusu maudhui ambayo huenda hayafai ndani ya programu. Pia, husaidia kuchuja au kuzuia maudhui yako kwenye maeneo au watumiaji mahususi ambapo itahitajika kisheria na kutathmini ufaafu wa programu yako katika mipango maalum ya wasanidi programu.

 

Jinsi daraja la maudhui linavyokabidhiwa Ili upokee ukadiriaji wa maudhui, ni lazima ujaze dodoso la ukadiriaji kwenye Dashibodi ya Google Play lililo na maswali kuhusu hali ya maudhui ya programu yako. Programu yako itakabidhiwa daraja la maudhui kutoka mamlaka mbalimbali za ukadiriaji kulingana na majibu utakayojaza kwenye dodoso. Usipotoa maelezo sahihi kuhusu maudhui ya programu yako, inaweza kuondolewa au kusimamishwa. Kwa hivyo, ni muhimu utoe majibu sahihi katika dodoso la ukadiriaji wa maudhui. Ili kuzuia programu yako isiorodheshwe kuwa “Haijakadiriwa”, ni lazima ujaze dodoso la daraja la maudhui kwa kila programu mpya unayowasilisha kwenye Dashibodi ya Google Play, pamoja na programu zote zilizoko zinazotumika kwenye Google Play. Programu zisizo na daraja la maudhui zitaondolewa kwenye Duka la Google Play. Ukibadilisha maudhui au vipengele vya programu yako ambavyo vitaweza kuathiri majibu kwenye dodoso ya ukadiriaji, ni lazima uwasilishe dodoso jipya la ukadiriaji wa maudhui katika Dashibodi ya Google Play. Tembelea Kituo cha Usaidizi ili upate maelezo zaidi kuhusu mamlaka mbalimbali za ukadiriaji na jinsi ya kujaza dodoso la ukadiriaji wa maudhui.

 

Rufaa za ukadiriaji Ikiwa unapinga ukadiriaji uliokabidhiwa programu yako, unaweza kukata rufaa moja kwa moja kwa mamlaka ya ukadiriaji ya IARC ukitumia kiungo ulichotumiwa kupitia barua pepe yenye cheti chako.