Unganisha Akaunti yako ya Msanidi Programu wa Google Play na wasifu wako wa malipo

Ili uuze programu zinazolipishwa na ununuzi wa ndani ya programu kwenye Google Play, unahitaji kuweka wasifu katika Kituo cha malipo ya Google. Baada ya kuweka wasifu wa kituo cha malipo, utaunganishwa kiotomatiki kwenye Dashibodi ya Google Play. Kisha, unaweza kudhibiti mauzo ya programu, kuona ripoti za mauzo, kupokea malipo kutoka kwa mauzo na zaidi.

Kumbuka: Iwapo uliweka mipangilio ya maelezo ya akaunti ya malipo au akaunti ya Kituo cha Wauzaji hapo awali, tayari akaunti hiyo imeunganishwa kwenye Dashibodi ya Google Play.

Ili uunganishe Dashibodi ya Google Play kwenye maelezo ya akaunti ya malipo:

1. Fungua Dashibodi ya Google Play.
2. Bofya Pakua Ripoti  > Fedha.
3. Chagua Weka mipangilio ya akaunti ya muuzaji sasa.
4. Andika maelezo ya biashara yako ili ukamilishe kuweka mipangilio.

Baada ya kuweka maelezo ya akaunti ya malipo, hakikisha kuwa unauza programu zako kwa kutumia kodi inayofaa katika eneo uliko.

Kama huishi katika mojawapo ya maeneo ya wauzaji yanayotumia huduma hii na huna akaunti ya benki inayotakikana ya kupokea malipo, Google haitaweza kukulipa pesa za mauzo yanayofanyika katika akaunti hiyo kwa njia nyingine yoyote.

Unaweza kuunganisha Dashibodi ya Google Play na taarifa za malipo mara moja tu. Baada ya kuziunganisha, haziwezi kutenganishwa au kubadilishwa. Ikiwa unahitaji kuzitenganisha au kufanya mabadiliko, utahitaji kujisajili katika akaunti mpya ya msanidi programu ukitumia maelezo ya akaunti mpya ya malipo, ulipe ada nyingine ya usajili na uhamishe programu zilizomo kwenye akaunti mpya ya msanidi programu.