Kung nag-sign up ka sa programang Mga Reward sa Rush Hour, awtomatikong ia-adjust ng iyong Google Nest thermostat ang iskedyul ng heating o cooling at ang mga temperatura mo habang may Rush Hour sa Paggamit ng Kuryente.
Nagkakaroon ng Rush Hour sa Paggamit ng Kuryente kapag sabay-sabay na nag-o-on ng air conditioning (AC) o heating ang lahat ng tao sa isang partikular na lugar. Gumagawa ito, bukod pa sa lahat ng karaniwang paggamit ng kuryente sa bahay (pagpapagana sa refrigerator, TV, mga ilaw, computer, at iba pa), ng peak sa demand sa kuryente at pinapalaki nito ang mga gastusin.
Sa Mga Reward sa Rush Hour, dinaragdagan o binabawasan ng iyong Nest thermostat ang heating o cooling nang ilang degrees para makatipid ng kuryente kapag mataas ang demand sa kuryente. Kasabay nito, pinapanatili ka rin nitong kumportable sa bahay mo.
Tip: Kung hindi ka nag-sign up para sa Mga Reward sa Rush Hour sa iyong kumpanya ng kuryente, hindi ka makakatanggap ng mga mensahe para sa Rush Hour o ng mga reward mula sa kumpanya mo ng kuryente.
1. Tinataya ng iyong kumpanya ng kuryente na magkakaroon ng Rush Hour
Tinataya ng iyong kumpanya ng kuryente na tataas ang demand sa kuryente o natural gas dahil sa isang cold snap o heat wave. Para makatulong na bawasan ang demand at maiwasan ang mga posibleng brownout at blackout, may Rush Hour sa Paggamit ng Kuryente na nakaiskedyul at ipapadala sa lahat ng Nest thermostat na nasa programang Mga Reward sa Rush Hour.
2. Makakatanggap ka ng notification para sa Rush Hour
Makakatanggap ka ng mensahe sa iyong Nest thermostat at sa app na magsasabi sa iyo kung kailan magsisimula at matatapos ang nalalapit na Rush Hour.
-
Kung sa umaga nakaiskedyul ang Rush Hour, makakatanggap ka ng mensahe sa gabi pa lang.
-
Kung sa hapon nakaiskedyul ang Rush Hour, makakatanggap ka ng mensahe hindi bababa sa isang oras bago ito.
-
Kung mayroon kang 2 o higit pang thermostat sa programang Mga Reward sa Rush Hour, makakatanggap ka ng notification para sa bawat isa.
Tip: Para magamit ang display ng thermostat para i-on o i-off ang mga mensahe para sa Rush Hour:
- Piliin ang MGA SETTING
MGA PROGRAMA SA KURYENTE.
MGA PROGRAMA SA KURYENTE.Kung ginagamit mo ang Google Home app:
- I-tap ang Mga Setting
Kung ginagamit mo ang Nest app:
- Mga Setting
3. Ipe-preadjust ng iyong thermostat ang temperatura sa bahay mo
Kapag alam na ng iyong thermostat na may nalalapit na Rush Hour, puwede nitong i-preadjust ang temperatura sa bahay mo bago ito magsimula. Ito ay para mabawasan ang kinakailangang heating o cooling sa panahon ng Rush Hour na event.
Kapag nangyari ito, may makikita kang gold na gear sa iyong thermostat at sa app na may mga salitang “PRE-COOLING” o “PRE-HEATING.”
Ang oras ng pag-preadjust ng iyong thermostat sa temperatura ng bahay mo ay puwedeng maiba mula sa ibang bahay.
Tip: Lalabas lang ang pre-cooling o preheating para sa Rush Hour sa umaga kung naka-on sa iyo ang I-on nang Maaga at ginagamit mo ang isa sa mga sumusunod na thermostat:
- Nest Learning Thermostat 1st gen
- Nest Learning Thermostat 2nd gen
- Nest Learning Thermostat 3rd gen
- Nest Thermostat E
Ito ay para maiwasang magising ka sa isang maingay na system o pagbabago sa karaniwang temperatura ng bahay mo.
Sa oras na magsimula ang isang Rush Hour, may lalabas sa display ng iyong Nest Thermostat at sa app na gold na gear na may Nest Leaf sa loob at mga salitang “Rush Hour sa Paggamit ng Kuryente.”
Puwedeng patuloy na patakbuhin ng iyong thermostat ang system kung kinakailangan.
Halimbawa ng cooling nang may at walang Mga Reward sa Rush Hour
Sa halimbawa sa ibaba, nakatakdang magpalamig ang Nest thermostat hanggang sa 76ºF (25ºC).
Ipinapakita ng unang graph na kapag walang Mga Reward sa Rush Hour, patuloy na papalamigin ng iyong thermostat ang bahay mo sa panahon ng Rush Hour kasabay ng pag-init ng araw. Makakabigat ito sa electricity grid dahil nagpapalamig din ng kani-kanilang bahay ang lahat ng iba pang tao para malabanan ang mga tumataas na temperatura.
Ipinapakita naman ng ikalawang graph na kapag may Mga Reward sa Rush Hour, ino-off ang cooling sa mga partikular na oras para mabawasan ang paggamit ng iyong system habang napakataas ng demand sa kuryente. Sa kumbinasyon ng pre-cooling at maiikling panahon ng cooling sa panahon ng Rush Hour, ibig sabihin, mas madalang kang gagamit ng air conditioner kumpara sa kung hindi ka nakibahagi sa Mga Reward sa Rush Hour.
Kapag tapos na ang Rush Hour, babalik ang iyong thermostat sa regular nitong iskedyul ng temperatura.
Puwede kang pumunta kinabukasan sa iyong History ng Paggamit ng Kuryente para makita kung paano nagbago ang mga temperatura sa panahon ng Rush Hour. May highlight na gold na ring ang mga ito:
Puwede ka ring pumunta sa iyong buwanang Ulat tungkol sa Bahay para sa higit pang impormasyon tungkol sa natitipid mong kuryente mula sa Mga Reward sa Rush Hour.
