Matuto tungkol sa pag-detect ng tunog para sa mga speaker at display

 

Sa pamamagitan ng subscription sa Nest Aware, made-detect ng iyong Google speaker o display (Google Home Mini, Google Nest Hub, atbp.) ang tunog ng anumang smoke o carbon monoxide alarm at mapapadalhan ka nito ng alerto mula sa Home app. Puwede ring ipaalam sa iyo ng speaker o display mo kapag naka-detect ito ng nababasag na salamin (tulad ng bintana) sa iyong bahay. Sa pamamagitan nito, maaabisuhan ka ng iyong speaker o display kapag may nangyari, kahit nasa malayo ka.

How to turn on Sound Detection

Mahahalagang bagay na dapat malaman

• Hindi nagagamit ang pag-detect ng tunog para maka-detect ng usok o carbon monoxide ang iyong speaker o display. Tunog lang ng smoke o carbon monoxide alarm ang made-detect nito. Hindi pamalit ang pag-detect ng tunog para sa alarm system at hindi nito magagawang makipag-ugnayan sa mga serbisyong pang-emergency, tulad ng pulisya o fire department, para sa iyo.

• Dapat ay mayroon kang subscription sa Nest Aware at address sa US na naka-save sa Hone app para magamit ang pag-detect ng tunog sa iyong speaker o display.

• Hindi available ang pag-detect ng smoke at carbon monoxide alarm at pagkabasag ng salamin sa pamamagitan ng subscription sa 1st gen na Nest Aware.

• Kailangan mo ang Home app para i-on ang pag-detect ng tunog para sa iyong speaker o display at baguhin ang mga setting.

Iba pang device

Magagawa rin ng mga Nest camera na mag-detect ng tunog at abisuhan ka. Para matuto pa, basahin ang aming artikulo tungkol sa Pag-detect ng paggalaw at tunog ng Nest camera.

Nakaka-detect din ng pagkabasag ng salamin ang Nest Secure. Basahin ang artikulong pag-detect ng pagkabasag ng salamin ng Secure para alamin kung paano ito gumagana at kung paano ito i-set up sa Nest app.

Paano gumagana ang pag-detect ng tunog

Gamit ang pag-detect ng tunog, maaabisuhan ka ng iyong speaker o display kapag naka-detect ito ng tunog ng anumang smoke o carbon monoxide alarm o pagkabasag ng salamin, kahit kapag wala ka sa bahay.

Halimbawa, kung umalis ka sa bahay pero may naiwan kang nakasalang sa kalan, dapat tumunog ang iyong smoke alarm kapag naka-detect ito ng usok. Sa pamamagitan ng subscription sa Nest Aware, made-detect ng speaker na nasa kuwarto kung nasaan ang smoke alarm mo ang tunog na gagawin ng iyong smoke alarm.

Ire-record ng iyong device ang alarm at magse-save ito ng audio clip sa Home app. Kung na-on mo ang mga notification, makakatanggap ka ng notification mula sa Home app.

Puwede mong gamitin ang notification para direktang pumunta sa event ng pag-detect ng tunog sa Feed. Mula roon, puwede mong i-tap lang ang event ng pag-detect ng tunog para suriin ang audio clip sa Home app. Puwede mo pa ngang pakinggan ang live na audio para subukang i-verify ang tunog ng alarm sa iyong bahay.

Kung kailangan, puwede mong gamitin ang emergency na pagtawag sa Home app para mabilisang makipag-ugnayan sa call center ng 911 na malapit sa iyong bahay, kahit nasa malayo ka.

Puwedeng gumana sa parehong paraan ang iyong speaker kung maka-detect ito ng tunog ng nababasag na bintana sa bahay mo. Sa pamamagitan nito, kung may manloloob, puwede kang makipag-ugnayan sa mga serbisyong pang-emergency para magpa-dispatch ng tulong sa iyong bahay.

Mga kinakailangan para magamit ang pag-detect ng tunog

• Subscription sa Nest Aware. Hindi available ang pag-detect ng tunog sa pamamagitan ng subscription sa 1st gen na Nest Aware.

• Ang Home app

• Address sa United States

• Alinman sa mga sumusunod na speaker o display:

  • Google Home

  • Google Home Max

  • Google Nest Mini

  • Google Home Mini

  • Google Nest Audio

  • Google Nest Hub

  • Google Nest Hub Max

  • Google Nest Wifi point

Mga alituntunin sa pagpupuwesto para sa pag-detect ng tunog

Para sa pinakamahuhusay na resulta ng pag-detect ng tunog, nasa kuwarto dapat ang iyong device kung nasaan din ang smoke alarm, carbon monoxide alarm, o bintana mo.

Kung hindi iyon posible, natatanaw dapat ang alarm o bintana mula sa kinapupuwestuhan ng device mo. Ibig sabihin, hindi dapat maharangan ng mga pader, pinto, at kagamitan ang tunog ng alarm o bintana papunta sa iyong device.

Tingnan ang mga event ng pag-detect ng tunog sa Home app

Sa Home app, puwede kang maghanap at pumili ng mga event ng pag-detect ng tunog para masuri ng mga audio clip na na-record ng iyong speaker o display.

Mula sa notification

Puwede mong gamitin ang notification para direktang pumunta sa event ng pag-detect ng tunog sa Feed. Mula roon, puwede mong i-tap lang ang event ng pag-detect ng tunog para suriin ang audio clip sa Home app.

Sa Feed

Ang Feed ang seksyon ng Home app na nagpapakita ng mga event na na-detect ng iyong sinusuportahang produkto ng Nest. Matuto pa tungkol sa Feed sa aming help center.

1. Para pumunta sa Feed, i-tap ang sa kanang sulok sa ibaba ng screen.

2. Hanapin at piliin ang event ng pag-detect ng tunog para buksan ang sound clip. Posibleng kailangan mong mag-scroll pababa para mahanap ang gusto mong event ng pag-detect ng tunog.

   • Awtomatikong ipapakita ang mga event ng smoke at carbon monoxide alarm at pagkabasag ng salamin sa ilalim ng Mga priyoridad na event sa itaas ng Feed.

   • Ililipat ang mga mas lumang event ng smoke at carbon monoxide alarm at pagkabasag ng salamin sa Mga kamakailang event sa Feed.

Mga kasalukuyang nangyayaring alarm

Kung maka-detect ang iyong speaker o display ng smoke o carbon monoxide alarm at Kasalukuyang nangyayari ang event, ipapakita ito sa itaas ng Home app. Ipapakita sa itaas ng Feed ang kasalukuyang nangyayaring event ng pag-detect ng tunog.

Mag-dismiss ng event ng pag-detect ng tunog

Kapag nag-dismiss ka ng event ng pag-detect ng tunog sa Feed, ililipat ito sa itaas ng Mga kamakailang event.

• Kung nasa Mga priyoridad na event ang isang event ng pag-detect ng tunog sa Feed, i-tap ang I-dismiss.

• Kung may na-detect ang iyong speaker o display na smoke o carbon monoxide alarm at Kasalukuyang nangyayari ang event, ipapakita ito sa itaas ng Feed. Pumunta sa Feed i-tap ang I-dismiss sa event.

Tingnan ang History ng bahay

Puwede kang pumunta sa history ng iyong bahay para tingnan at i-filter ang mga event ng pag-detect ng tunog. Kapaki-pakinabang ito kung gusto mong tingnan ang mga event na hindi masyadong bago at hindi ipinapakita sa Mga priyoridad na event o Mga kamakailang event.

1. Pumunta sa Feed.

2. Piliin ang Pumunta sa history sa itaas ng screen.

3. Gamitin ang mga sumusunod na filter sa History ng bahay para tukuyin kung anong uri ng aktibidad ang gusto mong suriin:

   • Device

   • Uri ng event

4. Hanapin at piliin ang event ng pag-detect ng tunog para buksan ang sound clip. Posibleng kailangan mong mag-scroll pababa para mahanap ang gusto mong event.

Mga audio clip

Pumili ng event ng pag-detect ng tunog sa Home app para buksan ang audio clip na na-capture ng iyong speaker o display.

Mag-delete ng audio clip

1. Mag-tap ng event ng pag-detect ng tunog para buksan ang audio clip nito.

2. I-tap ang Mga Opsyon sa kanang sulok sa itaas ng screen.

3. Piliin ang I-delete ang audio clip.

Pakinggan ang live na audio

Kung may event ng smoke o carbon monoxide alarm o pagkabasag ng salamin na nangyari kamakailan, puwede kang Makinig nang live para pakinggan kung ano ang nade-detect ng iyong speaker o display.

Tandaan: Kapag nagsimula kang makinig nang live, iaanunsyo ng speaker ng device na may nakikinig nang live.

1. Pumili ng event ng pag-detect ng tunog para buksan ang audio clip nito.

2. I-tap ang Makinig nang live. Mapapakinggan mo ang audio nang hanggang 3 minuto.

Gamitin ang mikropono ng iyong telepono para magsalita sa pamamagitan ng device mo

Kapag nakikinig sa live na audio, i-tap ang Mikropono para i-on ang mikropono, saka magsalita. I-tap ito ulit para i-off ang mikropono.

Gamitin ang emergency na pagtawag

Kung nakikinig ka sa live na audio sa Home app, puwede mong i-tap ang Emergency na pagtawag para tumawag sa mga serbisyong pang-emergency na malapit sa iyong bahay.

Tandaan: Tiyaking naka-enable ang emergency na pagtawag sa Home app. Kung naka-disable ito, hindi mo makikita ang opsyong gamitin ang emergency na pagtawag.

Alamin kung paano gamitin ang emergency na pagtawag

Baguhin ang mga setting para sa iyong speaker o display

Pumunta sa mga setting ng pag-detect ng tunog sa Home app:

1. I-tap ang Mga Setting sa Home app.

2. Piliin ang Nest Aware.

3. Piliin ang Pag-detect ng tunog. Mula roon, mababago mo ang mga setting ng pag-detect ng tunog.

Basahin ang mga seksyon sa ibaba para alamin kung paano baguhin ang mga partikular na setting.

I-on o i-off ang pag-detect ng tunog

Tandaan: Kailangan mong i-on ang mikropono ng iyong speaker o display para gumana ang pag-detect ng tunog.

Kapag na-on mo ang pag-detect ng tunog, magagawa mo ang mga sumusunod:

• Piliin kung aling mga tunog ang made-detect.

• Piliin kung aling mga speaker at display ang makikilahok sa pag-detect ng tunog.

Tandaan: Malalapat ang mga setting na ito sa lahat ng tao sa iyong bahay. Hindi makakapagtakda ang mga miyembro ng bahay ng mga sarili nilang kagustuhan sa pag-detect ng tunog. Gayunpaman, makakapagtakda ang bawat miyembro ng bahay ng mga sarili nilang kagustuhan sa notification.

1. I-tap ang Mga Setting sa Home app.

2. Piliin ang Nest Aware.

3. Piliin ang Pag-detect ng tunog.

4. I-toggle ang switch para i-on o i-off ang Pag-detect ng tunog.

Baguhin kung aling mga tunog ang gusto mong ma-detect

Kapag binago mo ang mga tunog na gusto mong ma-detect, malalapat ito sa lahat ng speaker at display na itinakda mong maka-detect ng tunog.

1. I-tap ang Mga Setting sa Home app.

2. Piliin ang Nest Aware.

3. Piliin ang Pag-detect ng tunog.

4. Sa “Mga Tunog,” lagyan ng check o i-uncheck ang kahon sa tabi ng Mga smoke alarm, Mga carbon monoxide alarm, at Pagkabasag ng salamin para itakda ang mga tunog na gusto mong ma-detect ng iyong device.

Itakda kung aling mga device ang makikilahok sa pag-detect ng tunog

Kapag binago mo kung aling mga speaker at display ang makikilahok sa pag-detect ng tunog, malalapat ito para sa lahat ng miyembro ng pamilya. Hindi hiwalay na maitatakda ng miyembro ng bahay kung aling mga device ang makikilahok sa pag-detect ng tunog.

1. I-tap ang Mga Setting sa Home app.

2. Piliin ang Nest Aware.

3. Piliin ang Pag-detect ng tunog.

4. Sa “Mga Device,” i-toggle ang switch para i-on o i-off ang pag-detect ng tunog para sa bawat device.

Baguhin ang mga setting ng notification

Mapipili ng bawat miyembro ng bahay kung makakatanggap siya ng mga notification kapag may device na naka-detect ng smoke o carbon monoxide alarm o pagkabasag ng salamin sa iyong bahay.

1. I-tap ang Mga Setting sa Home app.

2. Piliin ang Nest Aware.

3. Piliin ang Pag-detect ng tunog.

4. I-tap ang Mga notification sa pag-detect ng tunog.

5. I-toggle ang switch sa tabi ng Mga smoke alarm, Mga carbon monoxide alarm, at Pagkabasag ng salamin para i-on o i-off ang mga notification para sa bawat tunog.

Mag-troubleshoot

Kung hindi gumagana ang pag-detect ng tunog sa iyong speaker o display, pumunta sa aming artikulong I-troubleshoot ang pag-detect ng tunog.