Ang Matter ay ang bagong pangkalahatang pamantayan sa industriya ng smart na tahanan na ginawa para mas mapadali para sa mga user na; malaman kung aling mga device para sa smart na tahanan ang compatible, mabilis at consistent na mag-set up ng mga smart device, at ma-enjoy ang mga experience sa smart na tahanan na mas responsive at mapagkakatiwalaan.
Mga benepisyo ng mga Matter-enabled na device
- Gumagana sa isa't isa at sa Google Home ang lahat ng Matter device
- Mabilis at iisang proseso ng pag-set up para sa lahat ng iyong Matter-enabled na device para sa smart na tahanan
- Lokal na kumokonekta sa isa't isa ang mga Matter device sa pamamagitan ng iyong kasalukuyang Wi-Fi sa bahay, Ethernet, o Thread network - para sa mas mabilis na pagiging responsive at pagiging mas maaasahan
- Puwedeng gamitin ang mga Matter device sa maraming platform ng smart na tahanan (Google Home, Apple HomeKit, at higit pa) nang sabay-sabay
Paano gumagana ang mga Matter-enabled na device
Idinisenyo ang Matter para lokal na gumana sa iyong kasalukuyang Wi-Fi sa bahay, Ethernet, at mga Thread network. Kapag nagdagdag ka sa iyong Google Home ng Matter-enabled na device, sasali ito sa parehong network kung saan nakakonekta ang Google device mo na gumagana bilang hub ng Matter. Binibigyang-daan ka nito na kontrolin ito nasa bahay ka man o wala.
Halimbawa, kapag hiniling mo sa iyong Nest Mini na mag-on ng smart light na Gumagana sa Google Home o iba pang device para sa smart na tahanan, karaniwang ipapadala ng Nest Mini ang request na iyon sa mga serbisyo sa cloud ng Nest sa pamamagitan ng internet kung saan karaniwan itong ire-relay sa partner na cloud ng manufacturer ng ilaw mo na siya namang magpapadala ng command sa pamamagitan ng internet, pabalik sa iyong bahay na magsasabi sa ilaw mong mag-on.
Sa mga Matter-enabled na device, mas kaunti ang mga hakbang, kaya mas mabilis ang mga command kahit wala ka sa bahay. Sa Matter, kapag ginawa mo ang parehong request, matatanggap ng Google Home ang iyong request sa pamamagitan ng Google device mong nagsisilbing hub para sa Matter. Sasabihan lang ng hub na ito ang ilaw na mag-on kaagad sa pamamagitan ng iyong kasalukuyang Wi-Fi sa bahay, Ethernet, o Thread network nang hindi kinakailangang i-relay ang command mo pabalik sa Google cloud, pagkatapos ay sa cloud ng manufacturer ng iyong device, at pabalik ulit sa internet papunta sa bahay mo at pabalik sa iyong ilaw.
Paano gumagana ang Matter sa Google
Kontrolin ang mga Matter device gamit ang Home app
Para makontrol ang isang 3rd party na Matter-enabled na device gamit ang Google Home app o Google Assistant, kailangan mo ng Google device na nagsisilbing hub para sa Matter. Nakatanggap ang mga Google device na ito ng mga update sa software para gumana bilang hub para sa Matter:
- Mga Speaker: Google Home, Google Home Mini, Nest Mini, Nest Audio
- Mga Display: Nest Hub (1st gen), Nest Hub (2nd gen), Nest Hub Max
- Mga Wi-Fi router: Nest Wifi Pro (Wi-Fi 6E)
Bilhin ang mga device na ito sa Google Store.
Kontrolin ang mga Google device gamit ang ibang app
Nakatanggap din ang Nest Thermostat ng mga update sa software para gawin itong makokontrol sa Matter.
Para makontrol ang mga Matter-enabled na Google device gamit ang isang 3rd party na platform o app, posibleng kailanganin mo ng device na magsisilbing hub para sa Matter mula sa gumawa sa 3rd party na device na iyon.
Suriin ang compatibility sa Matter
|
Para suriin kung compatible sa Matter ang isang device, hanapin ang logo ng Matter sa package ng produkto, o sa website ng kumpanya. |
 |
Paano kinokonekta ng Google Home ang mga Matter device sa Thread
Ang Thread ay isang protocol sa pagkakonekta sa wireless na mesh na may malaking pagkakatulad sa Wi-Fi, pero sadyang idinisenyo ito para sa pagkonekta ng mga device para sa smart na tahanan nang sa gayon ay maging mas mabilis, mas maaasahan, at mas maayos ang performance ng mga ito.
Hindi lahat ng Matter-enabled na device para sa smart na tahanan mula sa mga third-party na manufacturer ay magkakaroon ng Thread radio. May ilang Matter device na kokonekta lang sa iyong Google Home sa pamamagitan ng kasalukuyan mong Ethernet o Wi-Fi network sa bahay. Para makuha ang pinakamagagandang experience at performance sa Matter sa pamamagitan ng Thread sa Google Home, kakailanganin mo ng compatible na Google device na may built in na border router ng Thread.
Ikokonekta ng border router ng Thread sa iyong Google device ang network ng smart device ng Thread mo sa iba mo pang device sa iyong Wi-Fi o Ethernet; kaya tiyak na makikipag-ugnayan ang lahat ng ito bilang iisa para sa Google Home.
Puwedeng magsilbing border router ng Thread sa Google Home ang mga sumusunod na Google device:
- Mga Display: Nest Hub (2nd gen), Nest Hub Max
- Mga Wi-Fi router: Nest Wifi Pro (Wi-Fi 6E), Nest Wifi
Para matuto pa tungkol sa mga benepisyo ng Thread para sa iyong mga device para sa smart na tahanan, at sa kung aling mga Google device ang may built in na border router ng Thread - pakibasa ang Paano ginagamit ng mga produkto ng Google ang Thread.
Para matuto pa tungkol sa Google at Matter, pumunta sa Gumawa ng mga koneksyon sa Matter sa Google Home.