Tungkol sa mga tema ng keyword sa mga Smart campaign

Google Ads Smart campaigns | Selecting keyword themes

Para sa mga subtitle sa iyong wika, i-on ang mga caption sa YouTube. Piliin ang icon ng mga setting sa ibaba ng video player, pagkatapos ay piliin ang "Mga Subtitle/CC" at piliin ang iyong wika.

---

Ang mga tema ng keyword ay mga salita o pariralang nakakatulong sa iyo na itugma ang mga ad mo sa mga paghahanap sa Google. Nakakatulong sa iyo ang pagpili sa mga tamang tema ng keyword na maabot ang mga tao kapag naghahanap sila ng mga produkto at serbisyong iniaalok mo. Ipinapaliwanag ng artikulong ito kung paano gumagana ang mga tema ng keyword at nagbibigay ito ng mga tip para sa pagpili sa mga tamang tema ng keyword para sa iyong mga Smart campaign.

Paano ito gumagana

Kumakatawan ang isang tema ng keyword sa maraming magkakatulad na salita at parirala. Halimbawa, sa tema ng keyword na “bakery,” magiging kwalipikadong lumabas ang iyong ad kapag may mga naghanap ng “bakery malapit sa akin,” “lokal na bakery,” at “tindahan ng cake.”

Kapag aktibo na ang iyong ad, puwede mong masuri ang mga termino para sa paghahanap ng iyong campaign at i-off ang anumang hindi nauugnay sa negosyo mo. Ikaw ang may kontrol sa kung kailan lalabas ang iyong mga ad.

Tandaan: Kung pamilyar ka sa mga keyword sa iba pang uri ng mga Google Ads campaign, katulad ng mga keyword ang mga tema ng keyword. Gayunpaman, sa mga Smart campaign, puwedeng kumatawan sa maraming keyword ang isang tema ng keyword. Makakatipid ka ng oras dahil hindi na kailangang maglagay ng komprehensibong listahan ng mga keyword, at makakuha ka pa rin ng mga ad na may mahusay na performance na lalabas sa mga naaangkop na paghahanap sa Google.

Magdagdag ng mga tema ng keyword na may mataas na value sa iyong mga Smart campaign

Narito ang ilang pinakamahuhusay na kagawian sa pagdaragdag ng mga tema ng keyword sa iyong campaign:

Subukang magkaroon ng maximum na 7-10 tema ng keyword

Dahil ipinapakita namin ang iyong ad sa maraming magkakatulad na salita at parirala, bigyan kami ng ilang tema ng keyword, at kami na ang bahala sa iba pa. Kapag nagdagdag ka ng masyadong maraming tema ng keyword, baka lumabas ang iyong mga ad sa mga paghahanap na wala masyadong kaugnayan.

Kapag nagbibigay ng mga tema ng keyword, tiyaking:

• Walang bantas ang mga ito.
• Walang URL ang mga ito.
• Walang numero ng telepono ang mga ito.
• Hindi lumalampas ang mga ito sa 20 character (10 character para sa Japanese at Chinese).

Mag-isip tulad ng iyong mga customer

Ano ang malamang na hinahanap ng mga customer kapag hinahanap nila ang mga produkto at serbisyong iniaalok mo? Kung may mga ginagamit na partikular na salita o parirala ang iyong mga customer, pag-isipang isama ang mga ito bilang mga tema ng keyword.

Tandaan ang iyong diskarte sa pag-advertise

Ang buong negosyo mo ba ang iyong ina-advertise, o isang partikular na produkto o serbisyo? Sabihin nating nag-aalok ka ng mga mainit na inumin sa iyong bakery, pero mas gusto mong i-advertise ang mga iniaalok mong cake at iba pang na-bake na specialty. Tiyaking lilimitahan mo ang iyong mga tema ng keyword sa kung ano lang ang ina-advertise mo — sa sitwasyong ito, mga cake at kaugnay na item, at hindi mga inumin.

Mainam din kung ilalagay mo ang mga salitang ito sa iyong ad text, at tiyaking sa pinakanauugnay na page ng website mo nagli-link ang iyong ad.

Gumawa ng magkakahiwalay na campaign para sa iba't ibang pangkat ng mga tema ng keyword.

Kung nagbebenta ang iyong negosyo ng iba't ibang uri ng mga produkto o serbisyo, puwede kang magpagana ng maraming campaign anumang oras, na bawat isa ay nagta-target ng kani-kaniyang hanay ng mga tema ng keyword. Puwede mo ring ilaan ang mas malaking bahagi ng iyong badyet sa pag-advertise sa isa sa mga campaign mo kung gusto mong i-highlight ang aspetong iyon sa iyong negosyo.

Para baguhin ang iyong mga tema ng keyword:

1. Buksan ang Google Ads app para sa Android.
2. I-tap ang menu na sa itaas, pagkatapos ay piliin ang Mga Campaign.
3. Hanapin ang campaign na gusto mong makita ang data, at pagkatapos ay i-tap ang Tingnan ang campaign sa ibaba ng card ng campaign.
4. Mag-scroll pababa at i-tap ang I-edit sa card na "Ulat sa mga tema ng keyword at termino para sa paghahanap."
5. I-edit ang iyong mga tema ng keyword.
6. I-tap ang I-save.

Mga kaugnay na link

• Mga setting ng lokasyon sa mga Smart campaign
• Tungkol sa mga termino para sa paghahanap sa mga Smart campaign