Google Brand Lift - Measure Every Moment that Matters
Para sa mga subtitle sa iyong wika, i-on ang mga caption sa YouTube. Piliin ang icon ng mga setting sa ibaba ng video player, pagkatapos ay piliin ang "Mga Subtitle/CC" at piliin ang iyong wika.
Ang Brand Lift ay isang libreng tool para sa pagsukat sa pagiging epektibo ng iyong mga video ad, na magagamit mo para isaayos at pahusayin ang iyong mga Video campaign.
Dahil nakatuon ito sa mga sukatang gaya ng pagkakatanda sa brand, kaalaman sa brand, at pagsasaalang-alang (sa halip na mga tradisyonal na sukatang gaya ng mga pag-click, impression, o view), makakatulong sa iyo ang Brand Lift na iayon ang mga campaign mo sa iyong mga layunin sa marketing. Ang pamamaraan ng pagsubok at malaking sample ng Brand Lift ay makakapagbigay sa iyo ng mga detalyadong insight sa posibleng maging impluwensya ng mga campaign mo sa saloobin ng mga tao tungkol sa iyong produkto o brand.
Ipinapaliwanag ng artikulong ito ang mga pakinabang ng Brand Lift, at kung paano ito gumagana.
Paano gumagana ang Brand Lift
Available ang Brand Lift para sa mga in-stream at bumper ad na binili sa pamamagitan ng auction. Kasalukuyan itong hindi available para sa mga outstream and in-feed video ad.
Para magamit ang Brand Lift, dapat ka munang gumawa ng Produkto o Brand na kumakatawan sa ina-advertise mong bagay. Isipin ito bilang pagpapangkat ng lahat ng iyong campaign na may pare-parehong katangian. Puwedeng isa itong brand, produkto, tindahan, serbisyo, o anupamang gusto mong i-advertise. Gamit ang mga detalyeng ibibigay mo tungkol sa iyong ina-advertise na bagay, tutulungan ka ng Google sa pagbuo ng isang hanay ng mga tanong sa survey na ipapakita sa target na audience mo para masukat ang Brand Lift.
Kapag nagsimula nang gumana ang iyong mga ad campaign, sisimulang ipakita ng Google ang mga Brand Lift survey mo sa YouTube, bago magsimula ang isang video. Ipapakita ang mga survey na ito sa mga sumusunod na pangkat:
- Mga taong nakakita sa iyong mga ad
- Mga taong kwalipikadong makita ang iyong mga ad, ngunit hindi nakakita sa mga ito
Maaaring gumawa ng maraming survey para sa iba't ibang sukatan na ipapakita sa mga user sa iba't ibang pagkakataon. Tutukuyin ng pagkakaiba sa mga sagot sa pagitan ng pangkat na nakakita sa iyong mga ad at ng pangkat na hindi nakakita sa mga ito ang impluwensya ng mga ad mo sa mahahalagang sukatan ng brand, gaya ng pagkakatanda sa ad, kaalaman, pagsasaalang-alang, at higit pa.
Tungkol sa data ng pagsukat sa Brand Lift
Depende sa dami ng mga sagot sa survey, makikita mo ang mga sumusunod na pinagsama-samang sukatan ng Brand Lift:
- Mga na-lift na user
- Gastos sa bawat na-lift na user
- Absolute na brand lift
- Headroom Brand Lift
- Relatibong Brand Lift
- Rate ng positibong baseline na sagot
- Rate ng positibong sagot ng nakakita
Magiging available sa iyo ang mga sumusunod na pinagsama-samang sukatan ng Brand Lift kapag nagsimula nang gumana ang campaign mong nauugnay sa ina-advertise na bagay:
- Mga sagot sa survey ng nakakita
- Mga tugon sa survey mula sa baseline
- Lahat ng sagot sa survey
