Kapag gumawa ka ng mga pagbabago gamit ang mga maramihang pag-upload, puwede kang makaranas ng mga error. Ang ilan sa mga error na ito ay maaaring dahil sa pagkaka-format ng iyong spreadsheet, o mga error sa mga content ng spreadsheet.
Inilalarawan ng artikulong ito kung paano hahanapin ang iyong mga pagbabagong hindi mailapat ng Google Ads at ang mga katumbas na mensahe ng error ng mga iyon. Makakakita ka rin ng mga solusyon sa pag-aayos sa mga error.
Paano tumukoy ng mga error sa iyong pag-upload
- Sa iyong Google Ads account, i-click ang Tools icon
- I-click ang drop down na Mga maramihang pagkilos sa menu ng seksyon.
- I-click ang Mga Upload.
- Hanapin ang iyong spreadsheet sa talahanayan. Kung may mga error sa pag-upload sa spreadsheet, makikita mo ang bilang ng mga error sa column na “Mga Resulta.”
- I-click ang link para sa mga error sa column na “Mga Resulta.” Dadalhin ka nito sa isang page na may higit pang detalye tungkol sa iyong pag-upload sa file.
- I-click ang tile kung nasaan ang bilang ng mga error, pagkatapos ay suriin ang dahilan ng bawat error sa column na “Status.”
Sumangguni sa talahanayan sa ibaba para sa isang listahan ng mga karaniwang error sa pag-upload at mga hakbang na puwede mong gawin para tugunan ang mga iyon.
Error |
Solusyon |
---|---|
May magkakasalungat na pagbabago. |
Tiyakin na walang ibang sumusubok na i-edit ang iyong account at subukan ulit. |
Hindi nakakatugon sa mga alituntuning pang-editoryal ang mga item sa iyong file. |
Tiyaking nakakasunod sa mga alituntuning Pang-editoryal ng Google Ads ang lahat ng item sa iyong file. |
Walang header row ang iyong file. |
Dapat gamitin para sa mga header ang unang row ng na-upload na file. Tandaan: Kapag na-download mo ang file mula sa Google Ads, mayroon na itong mga header. |
Ang column ay naglalaman ng maling uri ng impormasyon. |
Pakitiyak na natutugunan ng inilagay mong impormasyon ang mga kinakailangan. |
May kulang na value ang row na ito. |
Pakitiyak na maglagay ng value para sa lahat ng kinakailangang column. |
May mga hindi pinapayagang character ang iyong mga keyword. |
Alisin ang anumang hindi karaniwang character ( ! @ % , *) sa iyong mga keyword. |
Wala ang isa sa mga ID. |
Kung nagdaragdag ka ng element, alisin ang value sa column ng ID. Kung gumagawa ka ng mga pagbabago sa isang element, tiyaking tama ang ID at hindi inalis ang entity. Kung nagdaragdag ka ng element sa isang ad group o campaign, pakitiyak na may valid na ID ang campaign o ad group. |
Hindi kapareho ng dating destination URL ang na-upgrade na URL. |
Kapareho dapat ng destination URL ang final URL at template ng pagsubaybay. Kung ayaw mong maging magkapareho ang mga ito, sundin ang mga hakbang na nakabalangkas sa Paano i-upgrade ang iyong mga URL. |
Hindi puwedeng parehong gamitin ang final URL at destination URL. | Hindi ka maaaring gumamit ng final URL at destination URL (/SitelinkURL para sa Mga Sitelink) nang sabay. Tandaan: Final URL ang inirerekomenda |
Para i-update ang iyong set o feed ng data, kakailanganin mong magsama ng column na "Pagkilos." |
Kinakailangan ang column na may header na ‘PAGKILOS’ para sa mga sitelink at iba pang pagbabago sa mga feed sa pamamagitan ng mga maramihang pag-upload (ang mga posibleng value ay “MAGTAKDA,” “MAGDAGDAG,” o “MAG-ALIS”). |