Ang mga pampromosyong alok ay isang benepisyong nagbibigay ng credit sa paggastos sa kwalipikadong* Premier Partners at Partners. Para sa mga kwalipikadong bagong account, may ibibigay sa account na $500 (USD o katumbas na currency) na pampromosyong credit kapag umabot sa $500 ang kinakailangang halaga ng paggastos. Magkakaroon ang mga bagong account ng kliyente ng 60 na araw (mula sa unang impression) para gumastos ng $500 para maging kwalipikado. Puwedeng mag-iba-iba ang mga pampromosyong alok depende sa bansa sa pagsingil ng account. Tingnan sa ibaba ang mga tagubilin sa kung paano malalaman kung anong mga pampromosyong alok ang available sa iyong bansa.
Ang mga kwalipikadong partner na may naka-on na mga pampromosyong alok sa tab na Partners program ay magsisimulang makatanggap ng mga alok na may mas matataas na halaga kapag nakuha na nila ang kanilang bagong Partner badge sa Pebrero 2022. Ang mga alok na inilapat sa loob ng nakalipas na 90 araw ay makikita sa pamamagitan ng pag-click sa card ng mga pampromosyong alok sa tab na Google Ads Partners.
*Puwedeng mag-iba-iba ang mga tuntunin at kundisyon para sa bawat promosyon ayon sa bansa o ayon sa promosyon. Tiyaking suriin ang pangkalahatang mga tuntunin at kundisyon para sa aming mga pampromosyong code.
Pagiging kwalipikado ng account
Ang anumang account na pinapamahalaan ng isang manager account sa Google Ads ay malalapatan ng pampromosyong alok kung nakakatugon ito sa mga sumusunod na kinakailangan:
- Ang manager account ay isang Premier Partner o Partner
- Naka-on ang mga pampromosyong alok.
- Walang ibang promosyong nakalapat sa account.
- Sinisingil ang account sa isang bansa kung saan iniaalok ang mga pampromosyong alok ng Google Partners.
- Bago sa Google Ads ang advertiser.
Suriin ang kumpletong mga tuntunin at kundisyon dito.
Paano i-activate ang mga pampromosyong alok
Para gamitin ang feature na mga pampromosyong alok:
- Mag-log in sa iyong Google Ads account.
- I-click ang tab na Partners program at hanapin ang card na “Mga pampromosyong alok.”
- I-click ang Tingnan ang mga detalye, at piliin ang I-on.
- I-click ang I-save.
Paano gumagana ang mga pampromosyong alok
Pagkatapos mong ma-on ang mga pampromosyong alok, awtomatikong mailalapat ang mga ito sa mga kwalipikadong account na bago sa Google Ads. Posibleng umabot nang hanggang 35 araw bago mailapat ang mga pampromosyong alok. Para makita kung anong mga promosyon ang ilalapat sa iyong mga account, i-click ang Tingnan ang mga detalye.
Tandaan:
- Hindi kaagad malalapat ang mga pampromosyong alok. Isa-scan ang iyong account nang ilang beses, at ilalapat ang mga naaangkop na pampromosyong alok sa anumang kwalipikadong account, hangga't natanggap na ng mga ito ang unang impression ng mga ito. Posibleng umabot nang hanggang 35 araw bago mailapat ang mga pampromosyong alok.
- Hindi ka makakabuo ng pampromosyong alok sa seksyong Partners program para ipadala sa iyong mga inaasahang customer.
- Hindi ka makakapili ng mga partikular na account kung saan ilalapat ang mga pampromosyong alok. Sa halip, awtomatikong mailalapat ang mga pampromosyong alok sa lahat ng kwalipikadong bagong account.
- Kapag na-on mo ang iyong mga pampromosyong alok, ikaw lang ang may responsibilidad sa pagpapaalam nito sa mga account na naka-link sa ilalim ng iyong manager account sa Google Ads. Hindi makakatanggap ang mga indibidwal na account ng mga notification tungkol sa mga inilapat na promosyon.
Walang limitasyon sa bilang ng mga promosyong puwedeng ibigay sa pamamagitan ng iyong manager account. Gayunpaman, mas madalang na ilalapat ang mga bagong promosyon kapag ang halaga ng mga promosyong iyon ay katumbas ng kabuuang halaga na ginastos ng account sa isang partikular na yugto ng panahon. Kapag dumalang na ang paglalapat ng mga promosyon, makakatanggap ka ng babala sa itaas ng card na Mga pampromosyong alok.
Paano tingnan kung anong mga pampromosyong alok ang available sa iyong bansa
Para tingnan ang iyong mga available na pampromosyong alok:
- Mag-log in sa iyong Google Ads account.
- I-click ang tab na Partners program at hanapin ang card na “Mga pampromosyong alok.”
- I-click ang Tingnan ang mga detalye.
- Hanapin ang seksyong “Mga Alok” at i-click ang arrow para mag-expand. Ipapakita sa talahanayan ang iyong mga available na alok ayon sa bansa at halaga.
Paano makita kung anong mga pampromosyong alok ang inilapat
Para makita ang mga pampromosyong alok na inilapat sa nakalipas na 90 araw:
- Mag-log in sa iyong Google Ads account.
- I-click ang tab na Partners program at hanapin ang card na “Mga pampromosyong alok.”
- I-click ang Tingnan ang mga detalye.
- Hanapin ang seksyong “Inilapat na mga pampromosyong alok.” Ipinapakita sa talahanayan ang mga account na kasalukuyang naka-link sa ilalim ng manager account na nalapatan ng pampromosyong alok ng Partners sa nakalipas na 90 araw.
