Sa artikulong ito, magbabahagi kami ng ilang gabay sa kung paano gagawing mas pang-mobile ang iyong website.
Ito ang bahagi 1 ng isang seryeng may 2 bahagi. Sa bahagi 2, tatalakayin natin ang pag-optimize sa iyong mga ad para sa mobile.
Bago ka magsimula: Bakit mahalaga ang mobile
Mahalagang gumana nang maayos ang iyong website sa mga mobile device, kaya kung hindi ka pa gumagawa ng hakbang para gawing pang-mobile ang website mo, oras na para gawin ito. Narito ang ilan lang sa mga dahilan kung bakit mahalaga para sa iyong negosyo ang presensya mo sa mobile:
- Lumalabas nang mas mataas sa mga resulta ng paghahanap ang mga pang-mobile na site
- Higit sa kalahati ng mga paghahanap sa Google.com ay mga paghahanap sa mobile
- Para sa maraming advertiser, ang kalakhang bahagi ng trapiko ay nagmumula sa mga taong gumagamit ng kanilang mga mobile phone
- Kung hindi pang-mobile ang iyong site, 5 beses na mas malamang na umalis ang mga bisita
Pang-mobile ba ang iyong website?
Ipagpalagay ang iyong sarili bilang isang potensyal na customer at buksan ang website mo sa iyong telepono. Gaano kabilis naglo-load ang iyong website? Gaano kabilis makita ang hinahanap mo?
Kapag may bumisita sa iyong website gamit ang mobile, umaasa siya kaagad ng mga sagot. Gusto niyang malaman kaagad ang tungkol sa iyong negosyo at magpasya kung interesado ba siya. Ang karanasan niya sa iyong website ay makakaimpluwensya nang matindi sa kanyang impression tungkol sa negosyo mo at sa posibilidad na magiging isa siyang customer.
Ang ibig sabihin ng pagdidisenyo ng iyong website para sa mobile ay pagtuon sa simple at malinaw na navigation na ikinokonekta ang mga tao sa kung ano ang hinahanap nila.
Tingnan natin ang ilan sa mga elementong bumubuo sa isang epektibong mobile website:
Mabilis bang mag-load ang iyong site? Iiwan ng halos kalahati sa lahat ng bisita ang isang mobile website kung hindi maglo-load ang mga page sa loob ng 3 segundo. Paikliin ang tagal ng pag-load (ang tagal bago lumabas sa iyong screen ang isang webpage) upang madali at mabilis na makapag-navigate ang mga bisita sa website mo.
Madali ba itong i-navigate? Sa mas maliit na screen, maaaring mahirap para sa mga taong mahanap ang gusto nila. Kung mas kailangan ng mga bisitang maghanap-hanap o mag-zoom in para sa impormasyon, mas malamang na mainis sila at umalis. Matutulungan mo ang mga bisita na mahanap ang hinahanap nila sa pamamagitan ng pagpapasimple sa iyong menu ng site at pagpapanatiling nakikita ang lahat nang hindi na nagzu-zoom in upang makapagbasa.
Madali bang gumawa ng pagkilos dito? Dapat na pabilisin at padaliin ng iyong mobile website para sa mga bisita ang pagsasagawa ng mga karaniwang gawain gaya ng pakikipag-ugnayan sa iyo, paghahanap ng isang produkto, o pagbili. Subukang bawasan ang dami ng mga hakbang na kailangan para magkumpleto ng form o transaksyon.
Alamin kung gaano kabilis sa mobile ang iyong site, at makakuha ng mabibilis na pag-aayos para mapahusay ito:
Idinisenyo ba ang iyong website para sa partikular mong layunin sa negosyo?
Bagama't maaaring mabilis na i-load at madaling i-navigate sa mobile ang iyong mobile website, nakadepende ang pagiging epektibo nito sa kung nakakahikayat ba ito ng mga taong makipagnegosyo sa iyo.
Upang malaman kung paano io-optimize ang website mo para sa mobile, isipin ang tungkol sa layunin ng negosyo na pinakamahalaga sa iyo. Ano ang gusto mong gawin ng iyong mga customer sa website mo? Bumili ng isang partikular na produkto? Sumagot ng isang form ng pakikipag-ugnayan? Kapag nilinaw mo ang pagkilos na gusto mong gawin ng mga tao sa iyong website, mas malamang na gawin talaga ng mga tao ang pagkilos na iyon.
Depende sa iyong layunin sa marketing, gugustuhin mong pagtuunan ang mga pagpapahusay sa disenyo na makakahikayat sa mga bisitang gawin ang gusto mong pagkilos. Narito ang ilang suhestyong partikular sa layunin:
Pataasin ang mga online na benta
- Pasimplehin ang navigation ng site. I-streamline ang menu ng iyong site at subukang panatilihing nakikita ang lahat nang hindi na kinakailangan pang mag-zoom in upang mabasa.
- Gawing accessible ang impormasyon. Tulungan ang mga taong mag-explore bago sila bumili sa pamamagitan ng paggamit ng mga napapalawak na larawan ng produkto.
- Tulungan ang mga taong bumili. Gawing kapansin-pansin ang anumang direksyon o button na "Bumili ngayon." Kung kaya mo, gumamit ng kasalukuyang impormasyon ng account upang limitahan ang paglalagay ng data para sa iyong mga customer.
- Bigyang-daan ang mga taong magpatuloy mula sa isang desktop. Gawing madali para sa mga tao na bumalik sa kanilang shopping cart kapag ginagamit nila ang kanilang desktop computer, para makumpleto nila ang kanilang pagbili.
- Gumamit ng mga button o link na click-to-call. Iwasang ipasaulo sa mga tao ang iyong numero o ipa-zoom in ito upang makita.
- Pasimplehin ang iyong mga opsyon sa menu. Tiyaking malinaw na ang mga pagtawag ang pinakamainam na paraan upang makipag-ugnayan sa iyong negosyo. Magpakita ng naki-click na numero ng telepono o button sa bawat page ng iyong site.
- Iwasan ang mga nakakaagaw ng pansin. Panatilihin sa mga gilid ang mga promosyon at iba pang mga direksyon upang makatuon ang mga tao sa kung paano ka tatawagan.
- Pasimplehin ang iyong mga form. Tiyaking madaling maa-access ng mga tao ang iyong mga form, at limitado at madaling gawin ang paglalagay ng data gamit ang mga hinlalaki.
- Limitahan ang pag-scroll at pag-zoom. Ang espasyong available lang sa screen ng mobile ang dapat sakupin ng iyong form. Dahil sa pag-scroll at pag-zoom, nagiging mahirap para sa mga taong maiwasan ang mga pagkakamali habang inilalagay ang kanilang impormasyon.
- Pag-isipan nang mabuti ang pagpili sa iyong mga field ng data. Tiyaking simple lang na i-access at madaling patunayan ang impormasyong hinihiling mo sa iyong form. Gumamit ng pagpapatunay upang magpakita ng mga error para sa mga hindi nakumpletong field.
- Maghikayat ng mga pagbisita nang higit sa lahat. Linawin na pinakamainam para sa mga tao na pumunta sa iyong pisikal na tindahan. Magpakita ng mapa, button ng lokasyon o icon na direktang nagli-link sa iyong pisikal na address at mga oras kung kailan bukas ang tindahan sa bawat page ng site.
- Panatilihing limitado ang content. I-streamline ang navigation ng iyong site upang makapagbigay ng sapat na impormasyon upang kumbinsihin ang mga taong bisitahin ang store mo.
- Iwasan ang mga nakakaagaw ng pansin. Makakatulong ang mga promosyon na mahikayat ang mga tao na bumisita sa iyong tindahan, ngunit hindi dapat makasagabal ang mga ito sa pag-navigate.
- Pasimplehin ang navigation. Gumamit ng isang simpleng menu at mas malaking text upang tulungan ang mga taong manaliksik bago bumili. Dahil mas maliit ang isang mobile screen, pasimplehin ang iyong mga opsyon sa menu upang hindi malito ang mga tao.
- Panatilihing pare-pareho ang karanasan sa lahat ng device. Kapag mas matagal na pabilihin ang isang customer, mas malamang na magpatuloy siya sa pananaliksik gamit ang maraming device (desktop, tablet, telepono) bago kumpletuhin ang transaksyon. Anuman ang device na ginagamit niya, tulungan siyang ituloy ang ginagawa niya sa pamamagitan ng pag-save sa kanyang mga pinili.
- Magbigay ng link sa home page. Kung hindi na umuusad ang isang tao sa kanyang pananaliksik, tiyaking madali para sa kanyang bumalik sa home page para magsimula ulit.
Pakikipagtulungan sa iyong web developer
May iba't ibang paraan para gawing pang-mobile ang iyong website, kaya pagdating sa pagdidisenyo at pagpapatupad ng mga pagbabago, gugustuhin mong makipagtulungan sa iyong web developer para mahanap ang tamang solusyon.
Maraming negosyo ang pinipiling gumamit ng tumutugong disenyo, na tumutukoy sa paggawa ng layout ng website na umaakma sa iba't ibang laki ng screen, resolution, at device sa flexible na paraan. Mas gusto naman ng ibang negosyo na magkaroon ng hiwalay na mga bersyon ng kanilang website para sa desktop at mobile. Inirerekomenda naming makipagtulungan ka sa web developer mo para makita kung ano ang pinakanaaangkop para sa iyong negosyo, kinakailangan sa website, at resource ng web developer.