Para kumpletuhin ang proseso ng pag-sign-up at maipakita ang iyong bagong ad sa mga potensyal na customer, kakailanganin mong magsumite ng valid na impormasyon sa pagsingil. Tandaan, hindi ka sisingilin hangga't hindi nagsisimulang lumabas ang iyong ad at hindi pa ito naki-click sa unang pagkakataon. Puwede mong i-edit ang iyong impormasyon sa pagsingil anumang oras kapag naka-sign in ka na sa bago mong account.
Paano gumagana ang pagsingil ng Google Ads
Nagbabayad sa Google Ads ang karamihan ng mga advertiser gamit ang mga awtomatikong pagbabayad. Sa mga awtomatikong pagbabayad, sisingilin ka lang pagkatapos mong makaipon ng mga gastusin sa pag-advertise, kaya hindi ka paunang sisingilin. Awtomatiko kang sisingilin ng Google 30 araw pagkatapos ng huling awtomatikong pagsingil sa iyo o kapag naabot mo ang isang preset na halaga (tinatawag na iyong limitasyon ng pagsingil), alinman ang mauna. Puwede ka ring magsagawa ng mga manual na pagbabayad anumang oras para makontrol mo ang iyong mga gastusin.
Depende sa iyong currency at sa bansa kung saan nakarehistro ang negosyo mo, posibleng may iba ka pang available na opsyon para magbayad sa Google Ads. Gamitin ang aming payment options finder para makita ang mga opsyong available sa iyo.
Mag-sign up para sa Google Ads
Mukhang wala ka pang account. Puwede kang mag-sign up nang mag-isa sa ibaba o humingi ng libre at naka-personalize na suporta mula sa Eksperto sa Google Ads.
Mga Tagubilin
- Kapag nasuri mo na ang mga setting ng iyong ad at campaign, i-click ang drop-down na menu na Bansa sa pagsingil at piliin ang bansa o teritoryo kung nasaan ang billing address mo. Nakabatay sa iyong bansa sa pagsingil ang mga opsyon sa pagsingil na available para sa iyong lokasyon at currency. Kung pinili mo ang iyong bansa sa pagsingil at hindi ka na-prompt na ilagay ang impormasyon mo sa pagsingil, kakailanganin mong ilagay ang iyong impormasyon sa pagsingil sa Google Ads kapag natapos mo nang gawin ang iyong account. Hindi lalabas ang iyong ad hangga't hindi mo ito ginagawa.
- Siguraduhing tama ang piniling time zone. Kung hindi, i-click ang drop-down na menu upang baguhin ito. Maaapektuhan ng pipiliin mong time zone ang iyong mga ulat, mga istatistika at pagsingil, kaya mag-ingat sa pagpili.
- Kung mayroon kang pampromosyong code (tinatawag ding mga coupon o voucher), ilagay ang code sa field na “Panimulang alok” at i-click ang Ilapat.
- Bilang default, "Organisasyon" ang “Uri ng account” mo pero puwede mo itong gawing “Indibidwal” kung naaangkop para sa mga layunin ng buwis sa iyong bansa.
- Ilagay ang pangalan sa pagsingil at billing address para sa account na ito. Lalabas ang impormasyong ito sa iyong mga dokumento sa pagsingil.
- Ilagay ang pangalan, telepono at email address para sa pangunahing contact ng account na ito. Makikipag-ugnayan kami sa taong ito tungkol sa anumang isyu sa pagsingil.
- Ilagay ang impormasyon para sa paraan ng pagbabayad na gusto mong gamitin para sa account na ito, gaya ng credit o debit card.
- Lagyan ng check ang kahon para sumang-ayon sa mga tuntunin at kundisyon ng Google Ads.
- I-click ang Tapusin at gawin ang ad.
Binabati ka namin sa paggawa sa una mong hakbang upang makaabot ng mga bagong customer online! Aabutin nang halos isang araw bago maaprubahan ang iyong ad. Pagkatapos, magsisimula na itong ipakita sa mga potensyal na customer.
Tip
Nakakasabik na makita ang iyong ad online, pero huwag itong subukang hanapin sa Google. Ang Tool sa Pag-preview ng Ad at Diagnosis sa Google Ads ay nag-aalok ng madaling paraan para i-preview ang iyong ad at matukoy ang mga keyword na nagti-trigger sa ad mong lumabas -- nang hindi iniiba ang mga istatistika ng iyong performance. Alamin kung paano hanapin ang iyong ad sa Google.
Ngayon, gawin ang mga susunod na hakbang para matiyak na nasusulit mo ang iyong badyet sa pag-advertise. Pinadali namin ito sa pamamagitan ng isang sunud-sunod na gabay na idinisenyo para matulungan kang bumuo ng epektibong campaign na nakakaabot sa mga tamang customer, sa tamang sandali.