Idinisenyo ang mga patakaran sa pag-advertise ng Google para masiguradong may ligtas at positibong experience ang aming mga user at para sumunod sa mga naaangkop na batas. Nangangahulugan itong ipinagbabawal ng aming mga patakaran ang content na nakakapinsala sa mga user at sa pangkalahatang ecosystem ng pag-advertise.
Sinasaklaw ng mga patakaran ang apat na malalawak na larangan:
- Ipinagbabawal na Content: Content na hindi kailanman pinapayagan, tulad ng mga pekeng produkto, mapanganib na produkto, o explicit na sekswal na content.
- Mga Ipinagbabawal na Gawi: Mga aksyong hindi pinapayagan kapag nag-a-advertise, tulad ng misrepresentasyon sa kung sino ka o kung ano ang iyong ibinebenta.
- Pinaghihigpitang Content: Content na puwedeng i-advertise pero may mga limitasyon, tulad ng mga produkto ng alak, pagsusugal, at pangangalagang pangkalusugan.
- Mga Pang-editoryal at Teknikal na Pamantayan: Mga pamantayan sa kalidad para sa mga ad at landing page, na nagsisiguradong malinaw, propesyonal, at gumagana ang mga ito.
Gumagamit kami ng kumbinasyon ng pagsusuri ng Google AI at ng tao para masiguradong nakakasunod ang mga ad sa mga patakarang ito. Ginagamit ng aming mga teknolohiya sa pagpapatupad ang Google AI, na nakamodelo sa mga pasya ng mga taong tagasuri, para makatulong na protektahan ang aming mga user at panatilihing ligtas ang aming mga platform ng ad. Ang mga mas kumplikado, nuanced, o matinding kaso ay madalas na sinusuri at tinatasa ng mga aming mga ekspertong may espesyal na pagsasanay.
