Mga pag-click sa mga ad na hindi resulta ng tunay na interes ng user, kasama ang sinasadyang mapanlokong trapiko at aksidente o duplicate na mga pag-click.
Umaasa ang Google sa multi-layered na diskarte para protektahan ang mga advertiser laban sa invalid na trapiko. Matuto pa Tungkol sa invalid na trapiko.
Narito ang ilang halimbawa ng mga puwedeng ituring ng Google na mga invalid na pag-click:
- Mga manual na pag-click na naglalayong palakihin ang iyong mga gastusin sa pag-advertise o pataasin ang kita ng mga may-ari ng website na nagho-host sa iyong mga ad
- Mga pag-click ng mga tool sa naka-automate na pag-click, robot, o iba pang mapanlinlang na software
- Mga hindi sinasadyang pag-click na hindi nagbibigay ng halaga sa advertiser, tulad ng pangalawang pag-click sa pag-double click
Hindi sisingilin sa iyo ang mga invalid na pag-click o impression dahil maliit ang halaga o walang halaga ang mga ito. Kapag natukoy ng Google na invalid ang mga pag-click, sinusubukan naming awtomatikong i-filter ang mga iyon sa iyong mga ulat at pagbabayad para hindi ka masingil para sa mga pag-click na iyon. Puwede mong idagdag ang column na "Mga Invalid na Pag-click" sa iyong mga ulat sa campaign para tingnan ang bilang ng mga pag-click na awtomatikong na-filter.
Kung nag-aalala ka tungkol sa kahina-hinalang aktibidad, may ilang hakbang na puwede mong gawin para i-optimize ang iyong mga campaign at mabawasan ang hindi gustong trapiko:
- I-refine ang iyong pag-target sa lokasyon: Kung nakakatanggap ka ng mga pag-click mula sa labas ng iyong mga target na lugar, gawing ”Presensya: Mga taong nasa o regular na nasa iyong mga tina-target na lokasyon” ang mga opsyon sa lokasyon ng campaign mo. Puwede ka ring tahasang magbukod ng mga lokasyong bumubuo ng hindi gustong trapiko.
- Gumamit ng mga negatibong keyword: Regular na suriin ang iyong Ulat ng mga termino para sa paghahanap at magdagdag ng mga hindi nauugnay na termino para sa paghahanap bilang mga negatibong keyword. Pinipigilan nito ang iyong mga ad na lumabas para sa mga paghahanap na hindi naaangkop sa negosyo mo.
- I-adjust ang mga uri ng pagtutugma ng keyword: Kung gumagamit ka ng malawak na tugma, pag-isipan ang mga mas mahigpit na uri ng pagtutugma tulad ng katugmang parirala o eksaktong tugma para makakuha ng mas maraming nauugnay na pag-click.
- Magbukod ng mga IP address: Kung may matutukoy kang mga partikular na IP address na bumubuo ng mga kahina-hinalang pag-click, puwede mong idagdag ang mga ito sa listahan ng pagbubukod ng IP ng iyong campaign.
Mag-request ng imbestigasyon
Kung nagkakaroon ka ng mga isyu sa mga invalid na pag-click, mga pagsusumite ng form na mababa ang kalidad, mga pag-click sa labas ng pag-target ng lokasyon, o mga biglaang pagtaas ng gastos sa maikling panahon, puwede kang magsumite ng request para sa imbestigasyon gamit ang Form ng Kalidad ng Pag-click.
