Kapag may nag-click sa iyong ad, tulad ng sa asul na headline o numero ng telepono ng isang text ad, bibilangin iyon ng Google Ads bilang pag-click.
- Binibilang ang isang pag-click kahit na hindi makarating ang tao sa iyong website, baka dahil pansamantala itong hindi available. Bilang resulta, puwede kang makakita ng pagkakaiba sa pagitan ng bilang ng mga pag-click sa iyong ad at sa bilang ng mga pagbisita sa iyong website. Para sa YouTube sa mga TV screen, ang mga iniuulat na pag-click ay para sa mga aksyong ginawa sa button na call-to-action (CTA) sa TV, hindi para sa mga aksyong ginawa sa mga follow-up na notification.
- Makakatulong sa iyo ang mga pag-click na maunawaan kung gaano nakakapanghimok ang ad mo sa mga taong nakakakita nito. Mas malamang na makatanggap ng mga pag-click ang mga nauugnay at lubos na naka-target na ad.
- Sa iyong mga istatistika ng account, makikita mo ang clickthrough rate (CTR), na nagpapaalam sa iyo kung ilang tao ang nakakita sa ad mo at nag-click doon sa bandang huli. Makakatulong sa iyo ang sukatang ito na masukat kung gaano nakakapanghimok ang ad mo at gaano kalapit itong tumutugma sa iyong mga keyword at iba pang setting ng pag-target.
- Awtomatikong fini-filter out ng Google Ads ang mga invalid na pag-click, gaya ng mga aksidenteng pag-click o mga pag-click ng mga tool sa naka-automate na pag-click, robot, o iba pang mapanlinlang na software, at hindi ka sisingilin para sa mag ito.
Tandaan: May kaugnayan ang isang mahusay na CTR sa kung ano ang iyong ina-advertise at sa kung saang mga network. Para makatulong na pataasin ang iyong mga pag-click at CTR, magsimula sa pamamagitan ng paggawa ng mahusay na ad text at magagandang keyword para makagawa ng mga ad na lubos na may kaugnayan at talagang nakakapanghimok sa mga customer mo.
