Para matulungan kang abutin ang mas malawak na audience, puwede kang gumamit ng pag-target sa placement, paksa, at keyword para mapalawak ang abot ng iyong mga ad. Kapag pinagsama-sama mo ang mga uri ng pag-target ng content sa iyong mga ad group, lalabas ang mga ad mo sa content na tumutugma sa alinman sa mga paksa, placement, o keyword sa Display o Video na ita-target mo. Halimbawa, puwede mong i-target ang “mga bisikleta” bilang paksa at ang “pagbibisikleta” bilang keyword sa Display o Video para maipakita ang iyong mga ad sa content na tumutugma sa alinman sa dalawa.
Mga Benepisyo
- Palawakin ang iyong pag-target ng ad at palawakin ang abot ng ad group mo.
- Magpakita ng mga ad sa mga site na gumagamit ng alinman sa mga target na placement, keyword, at paksa na itatakda mo.
Paano gumagana ang pagsasama-sama ng pag-target ng content
Kapag pinagsama-sama mo ang pag-target sa mga placement, mga paksa, at keyword sa isang ad group, lalabas ang iyong mga ad sa:
- Mga page na tutukuyin mo
- Content na may kaugnayan sa iyong mga keyword
- Mga web page, app, at video tungkol sa mga paksang tina-target mo
- Kumbinasyon ng lahat ng nasa itaas
Halimbawa, kung nagmamay-ari ka ng tindahan ng sapatos na pantakbo, puwede mong i-target ang “website ng pangangarera” para sa mga placement, ang “pagtakbo” at “fitness” para sa mga paksa, at ang “sapatos na pantakbo” para sa mga keyword sa Display / Video. Puwede mong pagsama-samahin ang mga paraang ito ng pag-target ng content para lumabas ang iyong mga ad:
- Sa mga website para sa mga pag-sign up sa lokal na karera
- Kapag tungkol sa pagtakbo ang content
- Sa mga website, app, at video tungkol sa sapatos na pantakbo
- Sa content na nauugnay sa iyong pag-target ng content, gaya ng video sa YouTube na may mga tip sa training para sa marathon
Matuto pa Tungkol sa pag-target para sa mga Display campaign.
Magdagdag at mag-edit ng pag-target ng content
- Sa iyong Google Ads account, i-click ang icon ng Mga Campaign .
- I-click ang drop down na Mga audience, mga keyword, at content sa menu ng seksyon.
- I-click ang Content.
- I-click ang icon na lapis .
- I-click ang Pumili ng ad group, pagkatapos ay pumili ng campaign at ad group sa lalabas na listahan. Puwede mo ring hanapin ang campaign o ad group na gusto mong i-update.
- Sa window na “I-edit ang Content,” puwede mong i-edit ang iyong kumbinasyon ng “Mga Placement,” “Mga Paksa,” o “Mga keyword sa Display/Video” para sa isang partikular na ad group.
- Pagkatapos mong maidagdag ang mga uri ng content na gusto mong i-target sa ad group, piliin ang Tapos na.
Subaybayan ang iyong data ng performance
Puwede mong suriin ang iyong data ng performance, kasama na ang mga impression, para sa lahat ng setting mo ng pag-target ng content sa pamamagitan ng tab na “Content” sa menu ng page na nasa kaliwa. Ipinapakita ng na-expand na talahanayan ang performance at mga impression ng indibidwal na uri ng pag-target ng content na na-set up mo. Ganito mo susuriin ang data ng iyong ad group:
- Sa iyong Google Ads account, i-click ang icon ng Mga Campaign .
- I-click ang drop down na Mga audience, mga keyword, at content sa menu ng seksyon.
- I-click ang Content.
- Gamitin ang module na “Content” para tingnan ang talahanayan ng analytics.
- Para tingnan ang pag-target ng content ayon sa indibidwal na uri, i-click ang drop-down na arrow para i-expand ang talahanayan.
- Para tumingin ng detalyadong data, piliin ang three-dot icon at i-click ang Tingnan ang detalyadong ulat.