Sa pamamagitan ng mga label, maisasaayos mo ang mga elemento sa iyong account sa mga kapaki-pakinabang na pangkat para mabilis at madali mong ma-filter at maiulat ang data na pinakakinaiinteresan mo. Makakapaglapat ka ng mga label sa mga keyword, campaign, ad group, at ad, na nagbibigay-daan sa iyong makita kung paano nagpe-perform ang mga custom na kategoryang ginawa mo kaugnay ng bawat isa at ng mga walang label na elemento sa iyong account.
Ipinapaliwanag ng artikulong ito kung paano gumagana ang mga label at ipinapakita nito ang mga pagkakaiba sa pagitan ng paggamit ng mga label sa mga campaign, ad group, at keyword.
Bakit dapat gumamit ng mga label
Ipinapakita ng sumusunod na halimbawang sitwasyon kung paano ka puwedeng gumamit ng mga label para paghambingin kung gaano kahusay ang performance ng mga keyword sa iba't ibang campaign.
Isang online na retailer si Bob na nagbebenta ng mga apparel at accessory para sa mga lalaki at babae. May mga campaign siya para sa mga sapatos, damit, at bag para sa bawat isa sa kanyang tatlong pangunahing market (Batangas, Laguna, at Bulacan) at may mga hiwalay siyang ad group sa loob ng mga campaign para sa mga generic na keyword at keyword ng brand. Ang structure na ito (halimbawa: Batangas - Mga Sapatos - Generic at Laguna - Mga Sapatos - Generic) ay nangangahulugang mayroon siyang parehong mga ad at keyword sa iba't ibang bahagi ng kanyang account.
Kapag walang label, hindi madaling mapagbubukud-bukod ni Bob ang kanyang account o hindi siya agad makakapagpatakbo ng ulat para makita kung gaano kabilis nakakapagbenta ng mga sneaker sa Batangas kumpara sa Laguna. Gayunpaman, sa pamamagitan ng mga label, magagawa ni Bob ang label na "mga sneaker" at mailalapat niya ito sa lahat ng keyword na nauugnay sa sneaker sa buo niyang account. Puwede na niyang i-filter ang kanyang mga keyword ayon sa label na ito para makita lang ang mga keyword ng sneaker.
Sa dating karanasan sa AdWords, magagamit ni Bob ang mga ulat sa mga label ng tab na Mga Dimensyon upang mapagsama-sama ang performance ayon sa label. Nagbibigay-daan sa kanya ang mga ulat na ito na paghambingin, halimbawa, kung paano nagpe-perform ang mga sneaker kumpara sa lahat ng iba pang sapatos, o kung paano maikukumpara ang label na "mga sneaker" sa iba pang indibidwal na label.
Paano gumagana ang mga label
Nagbibigay-daan sa iyo ang mga label na isaayos ang iyong mga campaign, ad group, ad, at keyword sa mga grupo. Nako-customize ang mga label, at puwede mong baguhin ang mga ito anumang oras.
Inilalarawan ng diagram sa ibaba kung paano mo magagamit ang mga label para sukatin ang performance ng mga custom na kategorya sa iyong buong account. Sa halimbawang ito, naglapat ka ng dalawang label, "Paborito" at "Brand" sa iba't ibang elemento sa iyong account. Mahalagang malaman na ang mga label ay hindi magagamit sa kabuuan ng campaign. Ibig sabihin, kung maglalapat ka ng label sa isang campaign, malalapat lang ang label sa campaign na iyon, at hindi iyon malalapat sa mga ad group at keyword na nasa campaign na iyon. Kung gusto mo ring malapat ang isang label sa isang ad group o indibidwal na keyword, kakailanganin mong ilapat mismo ang label sa bawat isa.
May apat na uri ng mga ulat sa mga label na puwede mong patakbuhin, isa para sa bawat uri ng elemento: mga campaign, ad group, ad, at keyword. Alamin kung paano gumawa, gumamit, at mamahala ng iyong mga label at ulat sa mga label.
 |
Pag-uulat sa antas ng Campaign |
Kapag nagpatakbo ka ng ulat sa mga label para sa iyong mga campaign, makikita mong nauugnay ang label na "Paborito" sa 18 pag-click. Iyon ay dahil sa 18 ang kabuuang mga pag-click para sa lahat ng keyword sa ilalim ng Campaign #1, na nalalapatan ng label na "Paborito." Nauugnay ang label na "Brand" sa 15 pag-click dahil nakatanggap ng 15 pag-click ang mga keyword sa Campaign #2, na nalalapatan ng label na "Brand."
| Label | Mga Pag-click |
|---|---|
| Paborito | 18 |
| Brand | 15 |
| Lahat ng Iba Pa | 0 |
 |
Pag-uulat sa antas ng Ad Group |
Gayunpaman, dahil hindi naipapasa ang mga label, iba ang nagiging hitsura kapag nagpatakbo ka ng ulat sa antas ng ad group. Sa account na ito, mayroon lang isang ad group na may label na nakalapat dito: Ad group #2 sa Campaign #1. Nakatanggap ng kabuuang apat na pag-click ang mga keyword sa ilalim ng ad group na ito. Kaya, kapag nagpatakbo ka ng ulat sa mga label para sa iyong mga ad group, nabibigyan ng apat na pag-click ang label na "Paborito." Ang label na "Brand" ay nakatanggap ng zero na pag-click sa antas ng ad group dahil walang ad group sa account na ito na may label na "Brand." Ang lahat ng iba pang keyword sa walang label na ad group ay nakatanggap ng 29 na pag-click sa kabuuan.
| Label | Mga Pag-click |
|---|---|
| Paborito | 4 |
| Brand | 0 |
| Lahat ng Iba Pa | 29 |
 |
Pag-uulat sa antas ng Keyword |
Nagbibigay ng ibang pagtingin ang pag-uulat sa antas ng keyword. Dito, nakatanggap ang "Paborito" ng 17 pag-click (mga keyword A at E), at nakatanggap ang "Brand" ng 12 pag-click (mga keyword A at F) dahil ang mga ito ang kabuuang mga pag-click sa mga keyword na may mga ganoong label. Pansinin na ang 7 pag-click para sa keyword A ay binilang sa parehong mga row dahil nailapat sa keyword A ay parehong mga label. Dahil malamang na hindi lang magiging isa ang label ng marami sa iyong mga keyword, malabong magresulta sa kabuuang bilang ng mga pag-click ang bilang ng mga pag-click sa bawat row. Ang lahat ng iba pang keyword na walang label ay nakatanggap ng 11 pag-click sa kabuuan.
| Label | Mga Pag-click |
|---|---|
| Paborito | 17 |
| Brand | 12 |
| Lahat ng Iba Pa | 11 |
