Ang tab na Mga Tool ay nagbibigay ng mga direktang link sa iba't ibang tool sa Google Ads account. Gamitin ang mga tool na ito upang sumubaybay at magsagawa ng mga pagbabago sa iyong account, mga ad, mga ad group at mga keyword.
Nasa ibaba ang mga paliwanag sa mga tool na iyong makikita sa tab na ito. I-click lang ang pangalan ng isang indibidwal na tool upang makakuha ng pangkalahatang-ideya ng magagawa nito para sa iyo.
1. History ng PagbabagoIpinapakita ng tool na History ng Pagbabago ang mga pagbabagong isinagawa mo sa iyong account sa loob ng nakaraang dalawang taon. Sa pamamagitan ng madaling pag-access sa history ng iyong account, mauunawaan mo ang mga pagbabago sa performance, at masusubaybayan mo kung paano mo pinamahalaan ang iyong account noon.
Maipapakita ng seksyong Mga Conversion kung ano ang nangyayari pagkatapos i-click ng mga tao ang iyong mga ad. Bumibili ba sila ng iyong produkto? O nagsa-sign up ba sila para sa iyong newsletter? Upang subaybayan ang impormasyong ito, gumamit lang ng libreng tool na tinatawag na pagsubaybay sa conversion. Sa pamamagitan ng pagkakaroon ng higit pang kaalaman tungkol sa iyong mga conversion, mauunawaan mo rin kung aling mga keyword ang mainam para sa iyong negosyo, nang sa gayon ay makapaglaan ka ng mas maraming pera para sa iyong pinakamahuhusay na mga salita at mapalaki ang iyong ROI.
Pagkatapos mong ma-set up ang pagsubaybay sa conversion, makakakita ka ng kumpletong buod ng iyong data ng conversion dito, na isasama sa pag-uulat na makikita mo sa loob ng tab na Mga Campaign.
Ang Attribution ay isang hanay ng mga ulat tungkol sa iyong mga conversion. Kapag na-set up mo na ang pagsubaybay sa conversion, ipinapakita sa iyo ng mga ulat ng attribution ang mga path na ginagamit ng mga customer sa pagkumpleto ng conversion, at ina-attribute ang conversion sa iba't ibang ad, pag-click at dimension na ginawa o nakita. Sa pamamagitan ng mga detalyadong insight na ito sa gawi ng customer, mas mahusay mong mao-optimize ang iyong pag-a-advertise upang maabot ang mga tao kapag iniisip na nilang magsagawa ng pagkilos na mahalaga sa iyong negosyo.
Matuto nang higit pa tungkol sa mga pag-uulat sa attribution.
Ipinapakita sa iyo ng Google Analytics kung paano nakita ng mga tao ang iyong site at kung paano nila ito tinuklas. Gamit ang impormasyong ito, maaari mong mapalaki ang ROI ng iyong website, maparami ang mga conversion, at matutunan kung paano magbigay ng mas magandang karanasan para sa iyong mga customer. Sa Analytics, magagawa mo ring mag-set up ng mga layunin (mga pahina ng website na nagsisilbing mga conversion para sa iyong site), at i-import ang mga iyon sa Google Ads. Ilang halimbawa ng mga page ng conversion ay ang page na "salamat" pagkatapos magsumite ng impormasyon ang isang user sa pamamagitan ng isang form, o page ng kumpirmasyon ng pagbili.
Tumutulong sa iyo ang Keyword Planner na gumawa ng mga bagong campaign sa Search Network o palawakin ang mga umiiral nang campaign. Magagawa mong maghanap ng mga ideya sa keyword at ad group at makita rin kung paano maaaring gumanap ang isang listahan ng mga keyword. Mahalaga iyon dahil ang mga keyword na iyong ginagawa para sa isang partikular na ad group ay ginagamit upang i-target ang iyong mga ad sa mga potensyal na customer. Sa madaling salita, makakatulong sa iyo ang mahuhusay na keyword na ipakita ang iyong mga ad sa mga customer na gusto mo, kapag gusto mo. Makakatulong din sa iyo ang Keyword Planner na pumili ng mahuhusay na bid at badyet na gagamitin sa iyong mga campaign.
Mainam gamitin ang Display Planner kung napili mong magpagana ng mga ad sa Google Display Network. Sa Display Network, maaari mong i-target ang iyong mga text, image, video, o rich media ad upang lumabas sa mga partikular na site, pahina, apps, o video sa buong network. Tumutulong sa iyo ang Planner ng Display na planuhin ang iyong mga Display Network campaign sa pamamagitan ng pagmumungkahi ng mga keyword, interes, paksa, placement, demograpikong pangkat, at listahan ng remarketing na ita- target. Kasama ng lahat ng ideyang iminumungkahi nito, makakakita ka ng mga pagtatantya ng gastos at abot batay sa dating data.
Gamitin ang tool sa Preview ng Ad at Diagnosis upang hanapin ang iyong ad tulad lang ng gagawin mo sa isang regular na pahina ng resulta ng paghahanap sa Google. Isa itong madaling paraan upang makita kung paano lalabas ang iyong ad, at makukuha mo ang mga parehong eksaktong resulta tulad ng paghahanap sa Google nang hindi nag-iipon ng anumang mga impression (kung kaya walang gastusin sa iyo). Kung hindi lumalabas ang iyong ad, ipapaliwanag ng tool kung bakit at magbibigay ito ng mga paraan upang matulungan kang paganahin ito.
