Nagbibigay-daan sa iyo ang pag-target sa device na i-target ang mga ad mo sa mga tao batay sa device na ginagamit nila.
Pagtatakda ng pag-target sa device
Puwede mong sundin ang mga tagubilin sa ibaba para makapagtakda ng mga target na adjustment ng bid para sa mga partikular na device:
- Sa iyong Google Ads account, i-click ang icon ng Mga Campaign
.
- I-click ang dropdown na Mga insight at ulat sa menu ng seksyon.
- I-click ang Kailan at saan lumabas ang mga ad.
- I-click ang tab na Mga Device.
Narito ang mga device na available para sa pag-target:
- Mga Computer: Ito ay mga desktop o laptop device na may mga screen na mas malaki sa 7" diagonal.
- Mobile: Ito ay mga hand-held na device na may telepono.
- Tablet: Ang mga tablet ay mga mobile device na puwedeng walang telepono.
- Mga TV screen: Ito ang mga device na nagsi-stream ng content ng TV gaya ng mga smart TV, gaming console, at nakakonektang device gaya ng Chromecast. Available lang ang opsyon sa pag-target na ito para sa mga Display at Video campaign.
Ano ang iniuulat sa seksyong "Iba pa" sa seksyong Device?
Gaya ng nabanggit sa itaas, nagbibigay ang system ng Google Ads ng mga filter para sa mga computer, mobile phone, tablet, at TV screen. Gayunpaman, may ilang uri ng mga device na hindi nabibilang sa alinman sa mga seksyong ito, halimbawa, mga feature phone o mga low o mid-range phone.
Karaniwang nag-a-access ng internet ang mga ganitong uri ng mga device sa pamamagitan ng mga browser, kaya inaasahang magkakaroon ang mga ito ng ilang aktibidad na iniulat sa seksyong "Iba pa" ng tab na Device, kahit na mga computer lang ang tina-target mo.
Advanced na pag-target
Available ang mga advanced na opsyon para sa mga Demand Gen, Display, at Video campaign na nagbibigay-daan sa iyong mag-target ng mga partikular na uri ng device, operating system, modelo ng device, at imbentaryo ng ad, o mga espasyo kung saan payag ang mga publisher na magpagana ng mga ad, pati na rin ng mga carrier at wireless network. Nililimitahan ng pag-target sa mga partikular na device ang iyong abot sa mga device na iyon. May ilang advanced na opsyon sa pag-target ng mobile at tablet na hindi available para sa iba pang uri ng campaign.
Halimbawa, nagbebenta ka ng mga accessory para sa mga mobile phone at gusto mong ipakita ang iyong mga ad sa mga taong nagmamay-ari ng Mobile Device X. Sa pag-target sa modelo ng device, makakagawa ka ng mas nakatuong mensahe sa iyong ad: "Mga Naka-customize na Case para sa Mobile Device X".
