Mahalagang maunawaan na magkakaroon ng mga pagkakaiba sa conversion sa pagitan ng Universal Analytics (UA) at Google Analytics 4 (GA4) dahil sa mga likas na pagkakaiba sa pagitan ng dalawang platform na posibleng magpahirap sa paghahambing ng mga bilang ng conversion.
Narito ang ilan sa mga pangunahing pagkakaiba sa pagitan ng UA at GA4:
- Modelo ng data: Gumagamit ang UA ng modelo ng data na batay sa session habang gumagamit ang GA4 ng modelo ng data na batay sa event. Ibig sabihin, sinusubaybayan ng GA4 ang bawat interaction ng user bilang indibidwal na event, sa halip na igrupo ang mga iyon nang magkakasama ayon sa session.
- Pagsukat: Sinusukat ng UA ang iba't ibang device at platform nang magkakahiwalay. Nag-aalok ang GA4 ng mga pinahusay na kakayahan sa pagsukat, na nagbibigay-daan para sa mas komprehensibong pangongolekta ng data sa maraming device at platform.
- Machine learning: Binuo ang GA4 gamit ang mga AI-powered na solusyon na kumukumpleto sa mga kulang sa data ng conversion sa pamamagitan ng paggamit sa pagmomodelo ng gawi at conversion. Nagbibigay-daan ito para sa mas kumpletong view ng iyong performance nang hindi ikinokompromiso ang privacy ng user. Hindi available ang mga teknolohiyang ito sa mga property sa UA.
- Privacy ng data: Para makasabay sa nagbabagong landscape ng privacy, gumawa ang GA4 ng ilang pagpapahusay para tulungan kang bumuo ng tiwala ng mga user at maipakita ang commitment mo sa privacy ng data. Kasama sa mga pagpapahusay na ito ang kakayahang mag-delete ng data ng user at pamahalaan ang mga patakaran sa pagpapanatili ng data, consent mode para sa pagsunod sa GDPR, at pinahusay na system ng pagpapanatili ng data.
Susunod: Ayusin ang mga pagkakaiba sa iyong setup na posibleng nagdudulot ng mga pagkakaiba sa conversion
Puwede mong suriin ang listahang ito ng mga pagkakaiba sa conversion para maunawaan kung saan nagmumula ang mga pagkakaiba at kung paano mas maitutugma ang mga dami ng conversion sa GA4 sa mga nasa UA.
