Akreditasyon sa kaligtasan ng brand ng YouTube
Ang YouTube ay may akreditasyon sa kaligtasan ng brand mula sa Media Rating Council (MRC).
Tinitiyak ng aming platform at mga patakaran sa content na hindi puwedeng i-monetize ang ilang uri ng content, na awtomatikong pipigil sa mga ad mo na lumabas sa content na hindi naaangkop para sa karamihan ng mga advertiser.
Mga uri ng imbentaryo
Nakakatulong sa iyo ang mga uri ng imbentaryo na mabilis na matukoy ang uri ng content na tumutugma sa iyong brand o mensahe ng campaign mo. Tandaan, nalalapat ang mga setting na ito sa lahat ng campaign na gumagana sa YouTube at Google Display Network maliban sa mga App campaign.
Makakapili ka mula sa sumusunod na 3 uri ng imbentaryo. Puwede kang tumingin ng higit pang detalye tungkol sa kung anong uri ng video content ang kasama at hindi kasama para sa bawat uri ng imbentaryo.
Pinalawak na imbentaryo
Nagbibigay-daan sa iyo ang pinalawak na imbentaryo na magpakita ng mga ad sa lahat ng naka-monetize na content. Naaangkop ang opsyong ito para sa mga brand na gustong i-maximize ang kanilang abot sa pamamagitan ng paglalagay ng mga ad sa content na posibleng sensitibo para sa ilang brand, kasama ang, halimbawa, mga video na may matinding pagmumura sa konteksto ng comedy o dokumentaryo, o karahasang itinatampok sa isang video game.
Karaniwang imbentaryo
Nagbibigay-daan sa iyo ang karaniwang imbentaryo na magpakita ng mga ad sa maraming iba't ibang content na naaangkop para sa karamihan ng mga brand, gaya ng mga sikat na music video, dokumentaryo, at trailer ng pelikula. Ang content kung saan ka puwedeng magpakita ng mga ad ay nakabatay sa aming mga alituntunin sa content na angkop sa advertiser ng YouTube na nagsasaalang-alang, halimbawa, sa tindi o dalas ng pagmumura, o sa kaangkupan ng paksa gaya ng mga sensitibong pangyayari. Hindi magpapakita ng mga ad, halimbawa, sa content na may paulit-ulit na matinding pagmumura, matinding sekswal na content, o graphic na karahasan.
Limitadong imbentaryo
Ang limitadong imbentaryo ay nilalayong gamitin ng mga brand na may mga napakahigpit na alituntunin kaugnay ng hindi naaangkop na pananalita at sekswal na pagpapahiwatig—higit pa sa kung ano ang tinutugunan ng aming mga alituntunin sa content na angkop sa advertiser. Halimbawa, hindi ipapakita ang iyong mga ad sa ilan sa mga pinakasikat na music video sa YouTube at iba pang content ng pop culture sa YouTube at mga partner sa video ng Google.
Mga pagbubukod ng content
Tinutukoy ng aming mga patakaran ang uri ng content na hindi puwedeng i-monetize ng mga creator at publisher. Nagbibigay ang mga setting ng pagiging angkop ng content ng karagdagang pag-filter sa mga video, channel, website, at app na hindi naaangkop para sa iyong produkto o brand. Tandaan, puwedeng limitahan ng mga pagbubukod ng content ang performance ng iyong campaign.
Inirerekomendang suriin mo rin ang mga alituntunin ng komunidad ng YouTube at ang mga alituntunin sa content na angkop sa advertiser ng YouTube.
Ibinukod na sensitibong content
Pinipigilan ng mga pagbubukod ng sensitibong content ang iyong mga ad sa paglabas sa mga kategorya ng content na itinuturing na sensitibo para sa ilang brand. Nalalapat ang mga ito sa lahat ng campaign na gumagana sa Google Display Network maliban sa mga Video campaign.
Puwede kang pumili sa mga sumusunod na kategorya:
- Trahedya at sigalot: Ibinubukod ang graphic na content ng labanan o digmaan
- Mga sensitibong panlipunang isyu: Ibinubukod ang mga video na naglalayong makahimok ng sagot tungkol sa mga kontrobersyal na isyu
- Pagmumura at magaspang na pananalita: Ibinubukod ang content na may hindi madalas o hindi malalang pagmumura, o pagmumurang ginamit sa entertainment, komedya, satire, o musika
- Content na may sekswal na pahiwatig: Ibinubukod ang content na tungkol sa pagtatalik o mga sekswal na produkto
- Sensational at nakakapangilabot: Ibinubukod ang content ng mga sakuna o aksidenteng nagpapakita ng mga nasawi o pagkamatay
Mga uri ng ibinukod na content
Pinipigilan ng mga pagbubukod ng uri ng content ang iyong mga ad sa paglabas sa ilang partikular na kategorya ng content, tulad ng mga live na video stream o video na naka-embed sa mga website. Nalalapat ang mga ito sa lahat ng campaign na gumagana sa YouTube o sa Google Display Network.
- Live streaming na video sa YouTube: Footage ng isang live na event na naka-stream sa YouTube
- Mga naka-embed na video sa YouTube: Mga video na naka-embed sa mga website sa labas ng YouTube.com
- Ibaba ng fold: Seksyon ng isang page kung saan kailangang mag-scroll pababa ng mga tao para makaita (mga Display campaign lang)
- Mga naka-park na domain: Mga nakarehistro pero hindi pa nade-develop na domain ng website (mga Search campaign lang)
Mga ibinukod na label ng content
Ang mga video, channel, website, at app sa YouTube at Google Display Network ay sinusuri ng teknolohiya ng Google para sa pag-uuri-uri at binibigyan ng digital na label ng content. Nagbibigay-daan sa iyo ang mga pagbubukod ng label ng content na piliin ang antas ng maturity ng content kung saan puwedeng lumabas o itabi ang iyong mga ad.
Tandaan, hindi gagana ang iyong campaign kung pipiliin mo ang lahat ng label ng content.
- DL-G: Content na naaangkop para sa pangkalahatang audience (puwede ring piliin ang “Content na naaangkop para sa mga pamilya” kung saan kasama ang mga video na Para sa Bata sa YouTube)
- DL-PG: Content na naaangkop para sa karamihan ng mga audience nang may patnubay ng magulang
- DL-T: Content na naaangkop para sa mga teenager at nakakatandang audience
- DL-MA: Content na naaangkop lang para sa mga mature na audience
- Wala pang label: Content na hindi pa nalalagyan ng label dahil hindi pa nakukumpleto ng mga ito ang proseso ng pag-uuri-uri
Mga ibinukod na keyword ng content
Pinipigilan ng mga pagbubukod ng keyword ng content ang iyong mga ad sa paglabas sa mga video, channel, website, at app na may kaugnayan sa mga partikular na salitang iyon. Puwede kang magbukod ng hanggang 1,000 keyword ng content sa antas ng account. Nalalapat ang mga ito sa lahat ng campaign na gumagana sa YouTube o sa Google Display Network.
Mga eksaktong tugma lang ang sinusuportahan ng mga ibinukod na keyword ng content, kaya tama dapat ang spelling ng mga ito. Tandaan, may ilang salita na maraming ibig sabihin. Kapag ibinukod mo ang isang keyword ng content, pipigilan nitong lumabas ang mga ad mo sa anumang content na may kaugnayan sa salitang iyon, kahit na iba ang konteksto sa nilalayon mo.
Mga ibinukod na mga placement
Pinipigilan ng mga pagbubukod ng placement ang iyong mga ad sa paglabas sa mga partikular na video, channel, website, at app na posibleng hindi angkop para sa produkto o brand mo. Puwede kang magbukod ng hanggang 65,000 placement. Nalalapat ang mga ito sa lahat ng campaign na gumagana sa YouTube, sa Network ng Mga Partner sa Paghahanap, o sa Google Display Network. Matuto pa kung paano Magbukod ng mga partikular na webpage at video.
Mga hindi kasamang tema ng content
Nakakatulong ang mga pagbubukod ng tema ng content na huwag ipakita ang iyong mga ad sa mga video, website, o app na nauugnay sa mga partikular na tema na posibleng hindi akma sa iyong brand, tulad ng relihiyon, politika, o mga video game na nagtatampok ng pang-mature na content, kasama ng iba pa. Nalalapat ang mga hindi kasamang tema ng content sa mga campaign sa parehong Display Network at YouTube. Puwede mong i-access ang mga hindi kasamang tema ng content sa ilalim ng “Mga advanced na setting” sa page na Pagiging angkop ng content ng iyong Google Ads account.
Sakop ng Pagiging Angkop ng Content
Mga setting ng pagiging angkop ng content |
||||||
---|---|---|---|---|---|---|
Source ng imbentaryo | Mga uri ng imbentaryo2 | Pagbubukod ng uri ng content3 | Mga pagbubukod ng label ng content | Mga ibinukod na placement | Mga ibinukod na keyword ng content | Mga hindi kasamang tema ng content |
In-stream video1 | Oo | Oo | Oo | Oo | Oo | Oo |
Feed ng Susunod na Papanoorin sa YouTube1 | Oo | Oo | Oo | Oo | Oo | Oo |
YouTube Shorts | Oo | Hindi | Hindi | Hindi | Hindi | Hindi |
Home feed ng YouTube | Hindi | Hindi | Hindi | Hindi | Hindi | Hindi |
Mga partner sa video ng Google | Oo | Oo | Oo | Oo | Oo | Oo |
Mga Google Display ad | Oo | Oo | Oo | Oo | Oo | Oo |
Google Play |
Hindi | Hindi | Hindi | Hindi | Oo4 | Hindi |
Mobile app |
Oo | Oo | Oo | Oo | Oo | Oo5 |
Search at Network ng Partner sa Paghahanap | Hindi | Oo | Hindi | Hindi | Oo4 | Hindi |
Feed ng Discover | Hindi | Hindi | Hindi | Hindi | Hindi | Hindi |
Gmail | Hindi | Hindi | Hindi | Hindi | Hindi | Hindi |
1 Nalalapat ang mga setting ng pagiging angkop ng content sa pangunahing video sa page sa panonood sa YouTube
2 Lahat ng campaign na gumagana sa YouTube o Display maliban sa mga App campaign
3 Partikular ang mga pagbubukod ng uri ng content sa ilang source ng imbentaryo
4 Dapat ilapat ang mga pagbubukod ng keyword para sa Play Store at Network ng Partner sa Paghahanap sa “Mga Setting ng Account”
5 Nalalapat ang mga tema ng content sa Imbentaryo ng mobile app maliban sa mga temang “Balita”
Pagsukat sa kaligtasan at pagiging angkop ng brand ng third party
Available ang pag-uulat sa kaligtasan at pagiging angkop ng brand ng third party sa Google Ads, Display and Video 360 (DV360), at YouTube Reserve. Matuto pa tungkol sa pagsukat ng third party sa YouTube para sa Google Ads at DV360 at mga sinusuportahang vendor ng pagsukat. Para sa karagdagang gabay, puwede kang makipag-ugnayan sa iyong kinatawan ng Google.
Paano i-access ang page na Pagiging angkop ng content
- Sa iyong Google Ads account, i-click ang Tools icon
- I-click ang Pagiging angkop ng content.
Mga kaugnay na link
- Tungkol sa mga negatibong keyword sa antas ng account
- Tungkol sa mga negatibong keyword
- Mga Patakaran ng Google para sa Publisher (Google Publisher Policies o GPP)
- Mga Paghihigpit ng Google sa Publisher (Google Publisher Restrictions o GPR)
- Magbukod ng mga partikular na webpage at video
- Mga ad at content na para sa bata