Para magsimula makatanggap ng mga email sa marketing at performance, kinakailangan ayon sa batas sa ilang partikular na bansa na kumpirmahin ng mga advertiser ang kanilang email address kapag nag-opt in sila sa mga email sa marketing at performance.
Saan kinakailangan ang double opt-in?
Ang double opt-in ay kinakailangan ayon sa batas sa mga sumusunod na bansa: Austria, Germany, Greece, Switzerland, Luxembourg, at Norway. Kung matatagpuan ang iyong billing address sa isa sa mga bansang ito, kakailanganin mong kumpirmahin ang iyong email address para mag-subscribe sa mga marketing email.
Mga kasalukuyang user ng Google Ads
Kung mayroon kang kasalukuyang account sa isa sa mga bansang nakalista sa itaas, awtomatiko kang mao-opt out sa pagtanggap ng mga marketing email at kakailanganin mong kumpirmahin ulit ang iyong address. Makakatanggap ka ng email na humihiling sa iyong kumpirmahin ang email address at mga kagustuhan mo para makatanggap ng mga marketing email, at pagkatapos mong kumpirmahin, mao-opt in ka ulit.
Tandaan: Kung hindi ka tutugon sa email ng kumpirmasyon, hindi ka na makakatanggap ng mga marketing email.
Pagkatapos mong magkumpirma sa pamamagitan ng email ng kumpirmasyon, puwede mo ring i-update ang iyong mga kagustuhan sa pamamagitan ng pagbisita sa tab na “Mga Notification” sa page na Mga Kagustuhan.
Mga bagong user sa Google Ads
Kung bago ka sa Google Ads, puwede kang mag-opt in sa mga marketing email sa panahon ng proseso ng pag-sign up. Kapag kinumpirma mo ang iyong impormasyon ng negosyo, i-click ang "Oo, padalhan ako ng mga tip sa performance, pampromosyong alok, survey, at imbitasyon para sumubok ng mga bagong feature," pagkatapos ay i-click ang "Isumite." Pagkatapos mong magkumpirma sa pamamagitan ng email ng kumpirmasyon, puwede mo ring i-update ang iyong mga kagustuhan sa pamamagitan ng pagbisita sa tab na “Mga Notification” sa page na Mga Kagustuhan.
Mga manager account sa Google Ads
Kung gumagamit ka ng manager account sa Google Ads, puwede mong piliin kung sa aling mga sub-manager account o account ng kliyente gusto mong makatanggap ng mga marketing email gamit ang mga sumusunod na hakbang:
- Mag-sign in sa iyong manager account sa Google Ads.
- I-click ang icon na Admin
, pagkatapos ay piliin ang Mga Kagustuhan.
- Mula sa dropdown na “Mga Notification,” piliin ang Mga Notification (buong hierarchy)
- Para sa account kung saan mo gustong makatanggap ng mga marketing email, sa mga tab para sa “Mga naka-customize na suhestyon sa performance” at “Newsletter,” piliin ang Oo.
- Para pumili ng maraming account kung saan mo gustong makatanggap ng mga marketing email, piliin ang mga account na iyon, at i-click ang I-edit, pagkatapos ay i-click ang Oo sa tabi ng mga tab para sa “Mga naka-customize na suhestyon sa performance” at “Newsletter.”
- Magagawa ng mga email address para sa mga account na ito na kumpirmahin ang mga kagustuhang ito kapag natanggap nila ang email ng kumpirmasyon.
