Tandaan: Hindi sa lahat ng Google Ads account available ang Conversion Lift. Para magamit ang Conversion Lift, makipag-ugnayan sa iyong kinatawan ng Google para sa account.
Sinusukat ng Conversion Lift ang aktwal na bilang ng mga conversion, pagbisita sa site, at anupamang pagkilos na direktang dulot ng pagtingin ng audience mo sa iyong ad. Makakatulong sa iyo ang data ng Conversion Lift na ma-adjust at mapahusay ang iyong mga ad para makakuha ng higit pang benta, lead, at pag-install ng app.
Bago ka magsimula
Bago mo mase-set up ang pagsukat ng Conversion Lift, kailangan mong gumawa ng campaign na ihahatid sa isang sinusuportahang platform ng Google Ads. Matuto pa tungkol sa mga sinusuportahang campaign para sa Conversion Lift
Feasibility ng Conversion Lift
Para magamit ang Conversion Lift, ang iyong Google Ads ay dapat sumusubaybay ng kahit man lang isang compatible na pagkilos na conversion. Para ma-detect ang pagtaas na dulot ng mga kwalipikadong campaign, dapat mong matugunan ang mga minimum na tinatantyang conversion sa antas ng "Produkto" o "Brand." Inirerekomendang maabot ng kabuuan ng mga tinatantyang conversion at badyet ng lahat ng aktibong campaign na sumusukat sa produkto o brand ang “Mataas” na rating.
Nakabatay ang “Mataas” na rating sa iyong mga tinantyang conversion at ibinibigay ito kapag ang isang pag-aaral ay may 60-90% posibilidad na makapagbigay ng mga siguradong resulta. Batay ito sa pagkakaroon ng 2% minimum na nade-detect na resulta ng pagtaas. Bagama't hindi inirerekomenda, kung mas gusto mong magdisenyo ng pag-aaral para sa mas mataas na minimum na nade-detect na pagtaas, makipag-ugnayan sa iyong account manager. Hindi rin inirerekomendang magpatakbo ng pag-aaral na may mas mataas sa 20% minimum na nade-detect na pagtaas, na bibigyan namin ng “Mababang” rating ng feasibility.
Hindi ginagarantiya ang pagtaas dahil sa iba't ibang bagay, kaya inirerekomenda namin ang paggamit ng iskedyul ng pagsubok na nagpapatakbo ng ilang pag-aaral sa loob ng isang taon.
Para mapahusay ang iyong mga tinatantyang conversion, i-optimize ang iyong mga campaign para makakuha ng mas mababang CPA o mas mataas na dami ng conversion o dagdagan ang badyet mo. Para sa higit pang impormasyon, makipag-ugnayan sa iyong account manager.
Mga Tagubilin
Mag-set up ng pagsukat ng Conversion Lift para sa mga ad sa YouTube at TrueView Discovery
- Sa iyong Google Ads account, i-click ang icon ng Mga Layunin .
- I-click ang drop down na Mga Pagsukat sa menu ng seksyon.
- I-click ang Pagsukat ng pagtaas.
- I-click ang plus button.
- Piliin ang Conversion Lift.
- Piliin kung aling mga campaign ang gusto mong i-opt in sa Conversion Lift.
- Piliin ang mga petsa ng pagsisimula at pagtatapos para sa iyong pag-aaral.
- Suriin ang status ng feasibility sa column sa kanan para sa pagtatantya sa kung gaano kaposibleng makakuha ka ng mga tumpak na resulta batay sa mga sinusukat na campaign. Kapag “Mataas” ang status ng feasibility, makukuha mo ang pinakamalaking posibilidad na magkaroon ng matagumpay na pag-aaral.
Makakatulong ang pagbabago sa tagal ng iyong eksperimento o pag-optimize sa mga campaign o badyet mo na makakuha ka ng status na “Mataas” na feasibility.
- I-click ang I-save.
Sa isang pag-aaral lang puwedeng maging aktibo ang mga campaign sa bawat pagkakataon. Kung hindi mo mapili ang isang campaign, ang pinakaposibleng dahilan ay ginagamit na ito sa isa pang pag-aaral.
Tingnan ang iyong data ng pagsukat ng Conversion Lift
Available ang data ng pagsukat ng Conversion Lift sa antas ng "Produkto" o "Brand" sa talahanayang "Pagsukat ng Pagtaas." Puwede ka ring mag-click in sa partikular na pag-aaral sa antas ng produkto o brand para makakuha ng mga mas granular na resulta.
Para tingnan ang iyong data ng pagsukat ng Conversion Lift:
- I-click ang icon na mga column .
- I-click ang Baguhin ang mga column.
- Piliin ang Conversion Lift, pagkatapos ay i-click ang Ilapat.