Isang feature na naglilimita sa dami ng beses na makikita ng isang tao ang iyong mga Display o Video ad.
Ang dalas ay ang dami ng beses na makikita ng isang user ang iyong mga Display o Video campaign sa loob ng isang partikular na yugto ng panahon. Iba ang paggana ng capping ng dalas sa mga Display campaign at Video campaign.
Para sa mga Display campaign:
- Kapag itinakda mo ang cap ng dalas para sa isang Display campaign, papamahalaan mo ang bilang ng mga impression na papayagan mong magkaroon ang isang user sa campaign bawat araw, linggo, o buwan.
- Puwede kang magtakda ng cap ng dalas para pamahalaan ang bilang ng mga impression sa campaign, ad group, o ad.
- Ginagamit ang cookies ng third-party bilang default, pero kung hindi available ang mga iyon, ginagamit ang cookies ng first-party para tantyahin ang mga impression.
Para sa mga Video campaign:
- Kapag nagtakda ka ng cap ng dalas para sa isang Video campaign, magtatakda ka ng limitasyon sa bilang ng mga impression at/o panonood na papayagan mong magkaroon ang isang user sa mga video sa campaign bawat araw, linggo, buwan, o anumang kumbinasyon. Nalalapat ang mga cap ng dalas para sa mga Video campaign sa mga naka-sign in na user, o sa mga device kung naka-sign out ang user. Sa level ng campaign lang puwedeng itakda ang mga ito
- Kung ang mga video sa campaign ay ginagamit sa iba pang Video campaign, mabibilang sa cap ng dalas ng campaign ang mga impression at/o panonood mula sa iba pang Video campaign para sa isang partikular na user. Kapag naabot na ng isang user ang cap ng dalas, ihihinto na ng Google ang pagpapakita ng campaign na ito sa user. Nalalapat lang ito sa mga in-stream at Bumper ad sa auction.
