Puwede kang humiling ng pagmamay-ari ng domain ng isang user na pumanaw na.
Alam namin na maraming tao ang pumapanaw nang hindi nag-iiwan ng malilinaw na tagubilin kung paano pamahalaan ang kanilang mga online na account, kasama ang pagmamay-ari ng domain. Puwede kaming makipagtulungan sa malalapit na miyembro ng pamilya at kinatawan para ilipat ang pagmamay-ari ng domain ng isang pumanaw na tao kung naaangkop.
Mahalaga: Layunin naming panatiliing secure, ligtas, at pribado ang impormasyon ng mga tao hangga't maaari. Hindi kami makakapagbigay ng mga password o iba pang detalye sa pag-sign in.
Bago ka magsimula
Tiyaking mayroon kang mga kopya ng:
- Iyong ID na bigay ng gobyerno o lisensya sa pagmamaneho.
- Sertipiko ng kamatayan ng taong namatay.
Magsumite ng kahilingan sa paglilipat ng pagmamay-ari
Tandaan: Kung matagumpay ang paglilipat, maaapektuhan din nito ang pamamahala sa mga produktong naka-attach sa domain, tulad ng G Suite.
- Buksan ang form na ito para makuha ang data .
- I-click ang Kunin ang data mula sa account ng pumanaw na user .
- Punan ang mga kinakailangang field.
- Sa ilalim ng "Tungkol sa (mga) sumusunod na produkto ang kahilingan ko," i-click ang Iba pa.
- Sa ilalim ng "Mga karagdagang komento," ilagay ang mga domain na gusto mong ilipat.
- I-scan at i-upload ang iyong ID na bigay ng gobyerno at ang sertipiko ng kamatayan ng kasalukuyang may-ari ng domain.
- I-click ang Isumite.
Pagkatapos mong isumite ang form, hihingan ka namin ng utos ng hukuman para sa paglilipat ng domain sa pamamagitan ng email. Kapag na-verify ang iyong dokumentasyon, magpapatuloy kami sa paglilipat ng pagmamay-ari ng domain at papadalhan ka namin ng mensahe kapag nakumpleto na ang proseso.