Ang content na isusumite mo ay puwedeng lumabas at gamitin sa mga serbisyo ng Google, kasama ang Maps, Search, at YouTube. Puwede rin itong lumabas sa mga third-party na site na gumagamit ng mga nae-embed na widget ng Google o Google Maps Platform. Puwedeng gamitin sa mga serbisyo ng Google ang data na nauugnay sa iyong kontribusyon, gaya ng uri ng device, operating system, at ng petsa, oras, at eksaktong lokasyon kung saan na-capture ang content. Kung ayaw mong ibahagi ang iyong experience, koleksyon ng imahe, video, ang petsa at oras, o ang lokasyon kung saan kinunan ang koleksyon ng imahe o video, huwag itong i-publish sa mga serbisyo ng Google.
Malalapat ang mga sumusunod na kagawian sa attribution depende kung ang content ay pansarili mong content o totoong impormasyon na available sa publiko na ibinibigay mo, ayon sa tinukoy sa Mga Tuntunin ng Serbisyo ng Google.
Pansarili mong content
Kung na-post ang pansarili mong content—tulad ng review, media, o tanong o sagot sa lugar—puwede itong ipakita sa publiko at i-attribute sa iyo. Puwedeng kasama sa attribution ang pag-link ng post sa iyong pangalan o larawan sa profile na lumalabas sa page ng profile mo sa Maps, o pagpapakita ng iyong pangalan o larawan sa profile kasama ng content. Hindi ia-attribute ng Google ang content kapag hindi ito posible, halimbawa, kapag limitado ang espasyo.
Kung ide-delete mo ang iyong content, aalisin ito para hindi makita ng publiko alinsunod sa Mga Tuntunin ng Serbisyo ng Google.
Kung pinaghihigpitan ang Google Account mo sa pag-post ng mga review o media, puwedeng alisin ang iyong content para hindi ito makita ng publiko.
Totoong impormasyon na available sa publiko na ibinibigay mo
Ang iyong mga totoong pag-edit sa mga serbisyo ng Google—tulad ng mga pag-edit sa pangalan, mga oras, o address ng isang lugar—ay puwedeng ipakita sa pribadong view ng profile mo, pero hindi ia-attribute ang mga ito sa iyo sa paraang makikita ng publiko. Kung ide-delete mo ang isang pag-edit, hindi na ito lalabas sa pribadong view ng iyong profile. Puwedeng panatilihin ang mga totoong pag-edit, pero hindi iuugnay ang mga ito sa iyong account.
Mga reaksyon na emoji
Puwedeng lumabas ang mga reaksyon na emoji sa mga serbisyo ng Google. Para mag-alis ng reaksyon, i-tap ulit ang icon ng reaksyon.
Mga tanong tungkol sa beta
Para sa mga tanong tungkol sa beta, posibleng hindi ipakita sa publiko ang iyong mga sagot habang isinasagawa ang eksperimento at posibleng ikaw lang o ang iba pang nakikilahok sa eksperimento ang makakakita sa mga ito. Posibleng ma-delete ang iyong mga sagot pagkatapos makumpleto ang eksperimento.
Mga teknolohiya ng machine learning at mga experience sa generative AI
Puwedeng gamitin ang isusumite mong content, kasama ang mga reaksyon at kaugnay na metadata, para magbigay, mag-develop, at magpahusay ng mga produkto ng Google, kasama ang mga teknolohiya ng machine learning at mga experience sa generative AI.
Kapag ginamit ang iyong content para sa mga layunin ng pagsasanay para i-develop at pahusayin ang mga teknolohiya ng machine learning at mga experience sa generative AI ng Google, nagsasagawa kami ng ilang pag-iingat para maprotektahan ang privacy mo, kasama ang:
- Paghihiwalay ng content mo sa iyong account
- Paggamit ng mga naka-automate na tool para makatulong na makilala at maalis ang maraming iba't ibang impormasyong potensyal na nagbibigay ng pagkakakilanlan at personal na impormasyon
Puwedeng iproseso ng mga sinanay na reviewer ang iyong content para makatulong sa kalidad at para mapahusay ang aming mga teknolohiya ng machine learning at mga experience sa generative AI.
Huwag magsumite ng content na naglalaman ng kumpidensyal na impormasyon, o anumang data na ayaw mong makita ng reviewer o gamitin ng Google para mapahusay ang aming mga produkto, serbisyo, at teknolohiya ng machine learning.
Kung interesado ka, puwede kang matuto pa tungkol sa kung paano gumagana ang generative AI at puwede mong suriin ang mga prinsipyo ng Google para sa responsableng AI.