I-set up ang iyong printer

Puwede kang mag-print mula sa iyong Chromebook gamit ang karamihan sa mga printer na kumokonekta sa Wi-Fi o wired network. Sa kasalukuyan, hindi sinusuportahan ng mga Chromebook ang pag-print sa pamamagitan ng Bluetooth. Tiyaking compatible sa iyong Chromebook ang printer mo.

Tip: Puwede mong ikonekta ang iyong printer sa Chromebook mo sa pamamagitan ng USB cable. Pagkatapos mong isaksak ang cable, may lalabas na notification. Sundin ang anumang tagubilin sa screen at magpatuloy sa Hakbang 2.

Hakbang 1: Kumonekta sa internet

Mahalaga: Nakakonekta dapat sa iisang network ang iyong printer at Chromebook.

I-on ang iyong printer.
Ikonekta sa network ang iyong printer. Kung kailangan mo ng tulong, sundin ang mga tagubilin ng manufacturer ng iyong printer.
Kung hindi mo pa ito nagagawa, i-on ang iyong Chromebook at mag-sign in.
Ikonekta ang iyong Chromebook sa network kung saan nakakonekta ang printer mo. Alamin kung paano kumonekta sa Wi-Fi.

Hakbang 2: Mag-print ng page

Para i-print ang page, larawan, o dokumentong tinitingnan mo, pindutin ang Ctrl + p.
Sa tabi ng "Destinasyon," piliin ang Pababang arrow .
Piliin ang Tumingin pa...
Piliin ang iyong printer.
- Puwedeng hindi compatible sa iyong Chromebook ang ilang printer na nakalista sa drop-down na menu. Kapag pinili mo ang iyong printer, magsasagawa ang iyong Chromebook ng pagsusuri sa compatibility.
- Kung hindi mo mahanap ang iyong printer sa listahan, piliin ang Pamahalaan.
Piliin ang I-print.

I-save sa Chromebook mo ang iyong printer

Kapag na-save mo ang iyong printer sa profile mo sa Chromebook, magiging default ito.

Sa kanang bahagi sa ibaba, piliin ang oras.
Piliin ang Mga Setting .
Sa ibaba, piliin ang Advanced.
Sa ilalim ng "Pag-print at pag-scan," piliin ang Mga Printer.
Sa "Mga printer na puwedeng i-save," piliin ang I-save sa tabi ng iyong printer.
- Puwedeng hindi compatible sa iyong Chromebook ang ilang printer na nakalista sa drop-down na menu. Kapag pinili mo ang iyong printer, magsasagawa ang iyong Chromebook ng pagsusuri sa compatibility.
Tingnan kung lalabas ang iyong printer sa itaas, sa "Mga naka-save na printer."

Tip: Kung hindi ipinapakita ang iyong printer, i-off at pagkatapos ay i-on ang Wi-Fi ng Chromebook mo.

Mag-scan ng dokumento

Mahalaga: Bago mo subukang mag-scan, siguraduhing nagagawa iyon ng iyong printer.

Sa kanang bahagi sa ibaba, piliin ang oras.
Piliin ang Mga Setting .
Sa kaliwang bahagi sa ibaba, piliin ang Advanced.
Para buksan ang Scan app, sa ilalim ng "Pag-print at pag-scan," piliin ang Mag-scan.
- Kung hindi naman, hanapin ang Scan app, buksan ang Launcher at hanapin ang Mag-scan.
Para piliin ang iyong scanner, sa ilalim ng "Mag-scan," piliin ang menu sa pababang arrow sa kanan.
- Tip: Puwede mong i-customize ang iyong mode ng kulay, laki ng page, resolution, at mga opsyon sa pag-scan sa “Higit pang setting.”
Para simulan ang iyong pag-scan, piliin ang button na Mag-scan.

Tip: Nase-save ang mga na-scan na file sa lokasyong tinukoy mo sa opsyong "I-scan sa." Para hanapin ang iyong mga na-scan na file, piliin ang Ipakita ang lokasyon ng file. Puwede ka ring Mag-scan ng mga dokumento gamit ang camera ng iyong Chromebook.

Ayusin ang mga problema sa pag-set up ng printer

Na-set up mo ang iyong printer, pero hindi ito makapag-print

Sa kanang bahagi sa ibaba, piliin ang oras.
Piliin ang Mga Setting .
Sa ibaba, piliin ang Advanced.
Sa ilalim ng "Pag-print," piliin ang Mga Printer.
Sa tabi ng pangalan ng iyong printer, piliin ang Higit pa I-edit.
Siguraduhing tama ang lahat ng impormasyon ng iyong printer at wala itong typo o maling pagbabaybay.

Kung tumpak ang lahat ng impormasyon ng iyong printer, subukang alisin at idagdag ulit ang printer mo:

Sa tabi ng pangalan ng iyong printer, piliin ang Higit pa Alisin.
I-set up ulit ang iyong printer.

Tip: Kung hindi ka pa rin makapag-print, posibleng kailangan mong i-update ang firmware ng iyong printer. Bisitahin ang website ng manufacturer ng iyong printer para sa higit pang impormasyon.

Hindi makakonekta sa Wi-Fi ang iyong printer

I-off ang iyong printer, pagkatapos ay i-on ulit ito.
Subukan ulit na kumonekta sa Wi-Fi.

Kung hindi pa rin makakonekta sa Wi-Fi ang iyong printer, makipag-ugnayan sa manufacturer ng printer mo para sa tulong.

Gamitin ang proseso ng advanced na pag-set up

Kung hindi awtomatikong mase-save ang iyong printer, puwede mong gamitin ang proseso ng advanced na pag-set up.

Sa tabi ng pangalan ng printer, piliin ang I-set up.
Sa kahong lalabas, piliin ang manufacturer at modelo ng iyong printer.
Tip: Para makita ang impormasyong ito, tingnan ang label sa iyong printer.
Piliin ang Idagdag.
Tingnan kung lalabas ang iyong printer sa itaas, sa ilalim ng "Mga naka-save na printer."

Kung hindi lalabas ang iyong printer sa mga drop-down na menu ng manufacturer o modelo, posibleng hindi sinusuportahan ng Chromebook ang printer mo. Puwede mong subukang gumamit ng "Generic" na Postscript Printer Description (PPD) mula sa mga drop-down na menu o puwede mong tukuyin ang iyong sariling PPD.

PostScript Printer Description

Gumagamit ang mga Chromebook ng mga PPD file para suportahan ang mga printer. Iba ang mga PPD file mula sa mga driver ng printer at sinasabi ng mga ito sa iyong Chromebook kung paano magsuporta ng partikular na modelo ng printer.

Sa kahong lalabas sa tabi ng “O tukuyin ang PPD ng iyong printer," piliin ang Mag-browse.
Piliin ang PPD ng iyong printer, pagkatapos ay piliin ang Buksan.

Mahalaga: Sinusuportahan ng mga Chromebook ang mga format ng file na .ppd o .gzip na may laki ng file na hanggang 250 KB.

Manual na magdagdag ng printer

Kung hindi lalabas ang iyong printer sa ilalim ng "Mga printer na puwedeng i-save," puwede mo ring manual na idagdag ang iyong printer.

Mahalaga: Kung gumagamit ka ng Chromebook sa trabaho o paaralan, at hindi ka makapagdagdag ng bagong printer, makipag-ugnayan sa iyong administrator.

Kung hindi mo pa nagagawa, ikonekta ang iyong printer sa internet.
Sa kanang bahagi sa ibaba ng iyong Chromebook, piliin ang oras.
Piliin ang Mga Setting .
Sa ibaba, piliin ang Advanced.
Sa "Pag-print," piliin ang Mga Printer.
Sa tabi ng "Magdagdag ng printer," piliin ang Magdagdag ng printer .
Ilagay ang impormasyon ng iyong printer:
- Pangalan: Maglagay ng anumang pangalan.
- Address: Ilagay ang IP address ng iyong printer. Kung kailangan mo ng tulong sa paghahanap ng IP address ng iyong printer, makipag-ugnayan sa manufacturer ng printer mo o tingnan ang mga tagubilin ng printer.
- Protocol: Para sa karamihan ng mga printer, IPP ang sinusuportahang protocol ng koneksyon.
- Queue: Para sa karamihan ng mga printer, ipp/print ang queue.
Piliin ang Idagdag.

Kung hindi awtomatikong mase-set up ang iyong printer, puwede mong patuloy na sundin ang mga hakbang sa screen para sa proseso ng advanced na pag-set up.