Gamitin ang iyong Chromebook offline

Kahit na hindi ka nakakonekta sa Internet, marami ka pa ring magagawa gamit ang iyong Chromebook.

Mahalaga:

• Hindi gagana sa Incognito o guest mode ang ilang offline na app at serbisyo.
• Kung gumagamit ka ng Gmail sa iyong account sa trabaho o paaralan, puwede kang humingi ng tulong sa iyong admin para baguhin ang mga setting ng Gmail offline mo.

Tingnan ang iyong email

Puwede mong basahin, tugunan, at hanapin ang iyong mga mensahe sa Gmail kahit kapag hindi ka nakakonekta sa Internet sa pamamagitan ng pagbisita sa mail.google.com. Para i-set up ito:

1. Buksan ang Chrome . Mahalaga: Hindi gagana sa Incognito mode ang Gmail offline.
2. Pumunta sa Mga setting ng Gmail offline.
3. Lagyan ng check ang "I-enable ang offline na mail."
4. Piliin ang iyong mga setting, gaya ng kung para sa ilang araw na mga mensahe ang gusto mong i-sync.
5. Piliin ang I-save ang mga pagbabago.
6. Para gamitin ang Gmail kapag hindi ka nakakonekta sa Internet, pumunta sa mail.google.com.

Mahalaga: Kapag nagpadala ka ng mga email offline, mapupunta ang iyong email sa bagong "Outbox" na folder at ipapadala ito sa sandaling mag-online ka ulit. Matuto pa tungkol sa paggamit ng Gmail offline.

Manood ng mga pelikula, magpatugtog ng musika, o maglaro

Manood ng mga pelikula at palabas sa TV offline

Una, bumili ng pelikula o palabas sa TV sa Google Play Movies.

Mag-download ng palabas

Sunod, i-download ang iyong pelikula o palabas sa TV sa Chromebook mo:

1. Sa sulok ng iyong screen, piliin ang Launcher .
2. Piliin ang Google Play Movies app .
3. Piliin ang Aking Mga Pelikula o Aking Mga Palabas sa TV.
4. Sa tabi ng pelikula o episode sa TV na gusto mong i-download, piliin ang I-download .

Unti-unting magiging kulay pula ang icon ng Download para ipakita ang pag-usad ng iyong pag-download. Puwede mong panoorin ang iyong video offline kapag naging check mark na ang icon ng download.

Kung hindi gagana ang pag-download, alamin kung paano mag-troubleshoot ng mga problema sa pag-download ng mga video.

Manood offline

Para manood ng pelikula o palabas sa TV kapag hindi ka nakakonekta sa Internet, buksan ang Google Play Movies app .

Para mag-alis ng video, piliin ang Na-download .

Makinig ng musika offline

Hindi sinusuportahan ng YouTube Music para sa Chromebook ang pag-playback offline. Para makinig ng musika offline, kailangan mo ang mga sumusunod:

• Ang YouTube Music Android app.
• Subscription sa YouTube Premium.
• Alamin kung paano mag-download ng musika para makinig offline.

Maglaro offline

Una, humanap at mag-install ng mga larong puwedeng laruin offline:

1. Pumunta sa Chrome Web Store.
2. Sa kaliwa, piliin ang Mga Laro.
3. Lagyan ng check ang kahon para sa Gumagana Offline.

Maraming laro ang gumagana offline, gaya ng Cut the Rope at Cube Slam. Kung nakakapagpatakbo ang iyong Chromebook ng mga Android app, puwede ka ring maghanap ng mga offline na laro sa Google Play Store app.

Para maghanap ng larong na-install mo na: 

1. Sa sulok ng iyong screen, piliin ang Launcher .
2. Buksan ang laro. 

Magtala

Puwede kang gumawa ng mga tala offline gamit ang Google Keep. Una, kung nakagawa ka na ng mga tala, kakailanganin mong i-save ang mga ito para mabasa at ma-edit mo ang mga ito offline:

1. Tiyaking nakakonekta sa Internet ang iyong Chromebook.
2. Sa sulok ng iyong screen, piliin ang Launcher .
3. Buksan ang Google Keep app .
4. Maghintay nang ilang minuto. Awtomatikong ise-save ng iyong Chromebook ang mga tala mo para makita mo ang mga ito offline.

Pagkatapos i-save ng iyong Chromebook ang mga tala mo, magagawa mo nang i-edit ang mga ito o gumawa ng mga bagong tala offline. Sa susunod na mag-online ka, lalabas sa Google Keep ang anumang pagbabagong gagawin mo.

Iba pang gawaing puwede mong gawin offline

• Tumingin, gumawa, at mag-edit ng mga dokumento, spreadsheet, o slide gamit ang Google Drive .
• Tumingin at mag-edit ng mga larawan gamit ang built-in na photo editor ng Chromebook.
• Magbasa ng mga web page: I-right click ang page, piliin ang I-save bilang, pagkatapos ay i-save ang page bilang HTML file. 
• Maghanap ng mga app na gumagana offline: Buksan ang Chrome Web Store, piliin ang Mga App, pagkatapos ay lagyan ng check ang kahon para sa Gumagana Offline.