Kumonekta sa mga Bluetooth device

Kung may Bluetooth ang iyong Chromebook, makakakonekta ito sa mga device tulad ng:

Mga Keyboard
Mga Mouse
Mga Speaker
Headphones
Mga Headset (audio lang)

Mahalaga: Ipares lang ang iyong Chromebook sa mga pinagkakatiwalaan mong device. Mananatiling nakapares ang mga device sa iyong Chromebook kahit na gamitin ng ibang tao ang computer mo.

Hakbang 1: Tingnan kung may Bluetooth ang iyong Chromebook

Sa kanang bahagi sa ibaba, piliin ang baterya.
Kung makikita mo ang Bluetooth , may Bluetooth ang iyong Chromebook.

Hakbang 2: Magpares ng bagong Bluetooth device

Sa kanang bahagi sa ibaba, piliin ang baterya.
Sa ilalim ng Bluetooth , piliin ang Bluetooth.
Piliin ang Magpares ng bagong device.
Piliin ang device na gusto mong ikonekta at sundin ang mga tagubilin sa screen.
Para makumpirma kung nakakonekta ang iyong device, ulitin ang hakbang 1 at 2 at tumingin sa ilalim ng "Kasalukuyang nakakonekta."

Tip: Hindi puwedeng ipares ang telepono mo sa Chromebook gamit ang Bluetooth.

Gamitin ang Mabilis na Pagpares sa iyong Chromebook

Kapag nilagay mo sa pairing mode ang iyong accessory kung saan naka-enable ang Mabilis na Pagpares, awtomatiko nitong made-detect ang Chromebook mo at awtomatiko itong magpapares dito. Iniuugnay rin ng Mabilis na Pagpares ang iyong Bluetooth accessory sa Google account mo. Nagbibigay-daan ito sa iyo na mabilis na magpalipat-lipat sa mga device.

Para madaling kumonekta at mag-set up ng mga device sa malapit:

Sa kanang bahagi sa ibaba, piliin ang baterya.
Piliin ang Mga Setting Bluetooth.
I-on ang “Mag-scan para sa mga bagong device.”

Para ikonekta ang iyong device sa pamamagitan ng menu na “Mga Mabilisang Setting”:

Sa kanang bahagi sa ibaba, piliin ang baterya.
Para i-on ang Bluetooth, i-click ang .
- Kung bago sa iyong Chromebook ang device: Kapag na-detect ang device mong may Mabilis na Pagpares, i-click ang Kumonekta.
- Kung dating naikonekta sa Chromebook ang device: Awtomatikong kokonekta ang iyong device na may Mabilis na Pagpares.

Tip: Wala sa menu ng Mga Mabilisang Setting ang mga device na naka-save sa iyong account. Para pamahalaan ang mga device na ito, pumunta sa Mga Setting Bluetooth Mga device na naka-save sa iyong account.

Kung hindi makakakonekta, subukang manual na ikonekta ang device sa pamamagitan ng menu ng mga setting ng Bluetooth:

Pumunta sa Mga Setting .
Sa “Bluetooth,” piliin ang Magpares ng bagong device.
Sundin ang mga tagubilin sa screen.

Pamahalaan ang iyong mga nakakonektang device

Kontrolin ang mga setting sa iyong mga nakakonektang device gamit ang Chromebook mo. Puwede mo ring idiskonekta ang mga device o ipares ang mga dating nakakonektang device sa pamamagitan ng iyong account.

Sa mga pangunahing setting:

Pumunta sa Mga Setting .
Piliin ang Bluetooth.
Sa ilalim ng “Dating nakakonekta,” sa kanan ng bawat device, piliin ang Ikonekta.

Sa mga mabilisang setting:

Sa kanang bahagi sa ibaba, piliin ang baterya.
Sa ilalim ng "Bluetooth," piliin ang Bluetooth .
- Para baguhin ang mga setting ng, i-unpair, o i-rename ang isang nakapares na device: Sa ilalim ng “Kasalukuyang nakakonekta,” piliin ang device.
- Para kumonekta sa isang dating nakapares na audio device: Sa ilalim ng “Dating nakakonekta,” piliin ang Kumonekta.

Tip: Awtomatikong kokonekta ang mga non-audio device na dating nakakonekta gaya ng mga Bluetooth keyboard at mouse kapag naka-on ang mga ito at malapit sa iyong Chromebook.

I-off ang Bluetooth

Sa kanang bahagi sa ibaba, piliin ang baterya.
Piliin ang Bluetooth .
I-off ang Bluetooth.

Ayusin ang mga problema sa Bluetooth

Kung nagkakaproblema ka sa Bluetooth device ng iyong Chromebook, subukan ang mga hakbang na ito:

Tingnan kung may mga pag-update ng system. Kung may available na mga update, i-install ang mga ito.
I-off ang Bluetooth, pagkatapos ay i-on itong muli.
I-off ang iyong Chromebook, pagkatapos ay i-on ito ulit.
Magsagawa ng factory reset sa iyong Chromebook

Kung nagkakaproblema ka pa rin, makipag-ugnayan sa manufacturer ng iyong Bluetooth device o manufacturer ng Chromebook mo.