Hindi ako nakakatanggap ng mga notification sa Google Chat

Kung hindi ka nakakatanggap ng mga notification, tingnan ang iyong mga setting ng notification sa Google Chat. Alamin kung paano i-on o i-off ang mga notification sa Google Chat.

Tiyaking naka-on ang mga notification para sa device at browser na ginagamit mo sa Google Chat.

Payagan ang mga notification sa operating system ng iyong computer

Iba-iba ang mga hakbang ng operating system ng bawat computer para ma-on ang mga notification. Para sa higit pang impormasyon, pumunta sa online na tulong ng iyong operating system.
May mga setting na nagmu-mute ng mga notification ang ilang operating system ng computer. Kung hindi ka nakakatanggap ng mga notification sa Google Chat, pumunta sa online na tulong ng iyong operating system at tiyaking hindi naka-mute ang mga notification.

Payagan ang mga notification sa Google Chat sa iyong browser

Payagan ang mga notification sa Google Chat sa Google Chrome

Sa iyong computer, buksan ang Chrome .
Sa kanang bahagi sa itaas, i-click ang I-customize at kontrolin ang Google Chrome Mga Setting.
Sa kaliwa, i-click ang Privacy at seguridad.
I-click ang Mga Setting ng Site Mga Notification.
Hanapin ang entry sa Gmail.
- Kung nakalista ito sa ilalim ng “Hindi pinapayagang magpadala ng mga notification,” i-on ang pahintulot para makapagpadala ng mga notification. Sa kanan, i-click ang Higit pang pagkilos Payagan.
- Kung nakalista ito sa ilalim ng “Pinapayagang magpadala ng mga notification,” naka-on ang mga pahintulot sa notification.
- Kung hindi ito nakalista sa screen, puwede mo itong manual na idagdag. Sa tabi ng “Pinapayagang magpadala ng mga notification,” i-click ang Magdagdag. Pagkatapos, ilagay ang address na: https://mail.google.com:443.

Payagan ang mga notification sa Google Chat sa iba pang browser

Iba-iba ang mga hakbang ng bawat browser para ma-on ang mga notification. Para sa higit pang impormasyon, pumunta sa online na tulong ng iyong browser.

Hindi nakakatanggap ng mga notification paminsan-minsan

Kung hindi ka nakakatanggap ng mga notification sa Google Chat paminsan-minsan, sundin ang mga hakbang na ito.

Isara ang mobile app

Isara ang mobile app ng Google Chat o Gmail. Kapag may nakabukas na app, doon lalabas ang mga notification. Hindi lalabas ang mga notification kapag ikaw ay:

Online sa chat.google.com.
Nasa desktop app ng Chat.
Nasa Chat sa Gmail.

Alamin kung saan ka nakakatanggap ng mga notification

Alamin kung saan ka nakakatanggap ng mga notification.

Kung chat.google.com ang ginagamit mo:

Sa iyong computer, pumunta sa Google Chat.
Sa kanang bahagi itaas, i-click ang Mga Setting .
Sa ilalim ng "Mga notification sa desktop," tingnan kung lalabas ang opsyong "Magpakita ng halimbawa."
- Kung makikita mo ang “Magpakita ng halimbawa,” sa chat.google.com ka makakatanggap ng mga notification sa web ng Google Chat.
- Kung hindi mo makikita ang “Magpakita ng halimbawa,” sa ibang tab ng browser o sa mismong Chat app ka makakatanggap ng mga notification sa Google Chat.

Kung Gmail ang ginagamit mo:

Sa iyong computer, buksan ang Gmail.
Sa kanang bahagi sa itaas, i-click ang Mga Setting Tingnan ang lahat ng setting.
Sa itaas, i-click ang tab na Chat at Meet.
Sa tabi ng "Mga setting ng notification sa Chat," i-click ang Pamahalaan ang mga setting ng chat.
Sa ilalim ng "Mga notification sa desktop," tingnan kung lalabas ang opsyong "Magpakita ng halimbawa."
- Kung makikita mo ang “Magpakita ng halimbawa,” sa Gmail ka makakatanggap ng mga notification sa web ng Google Chat.
- Kung hindi mo makikita ang “Magpakita ng halimbawa,” sa ibang tab ng browser o sa mismong Chat app ka makakatanggap ng mga notification sa Google Chat.

Walang notification para sa isang partikular na space o panggrupong pag-uusap

Tiyaking naka-on ang mga notification para sa mga space na nakapangkat ayon sa paksa o panggrupong pag-uusap. Alamin kung paano i-customize ang mga notification para sa space na nakapangkat ayon sa paksa o panggrupong pag-uusap.

Tiyaking naka-on ang mga notification para sa mga space na may in-line na pag-thread. Alamin kung paano mamahala ng mga notification sa thread sa space na may in-line na pag-thread.

Tip: Pareho lang ang mga setting ng notification para sa mga space at panggrupong pag-uusap sa pang-web at pang-mobile na bersyon ng Google Chat. Kung babaguhin mo ang mga setting ng notification para sa isang space o panggrupong pag-uusap sa web, mailalapat din sa iyong mobile app ang mga setting na iyon.

Walang notification para sa isang partikular na 1:1 na pag-uusap

Tiyaking naka-on ang mga notification para sa pag-uusap. Alamin kung paano i-on ang mga notification para sa isang partikular na 1:1 na pag-uusap.

Tip: Pareho lang sa pang-web at pang-mobile na bersyon ng Google Chat ang mga setting ng notification para sa isang 1:1 na pag-uusap. Kung babaguhin mo ang mga setting ng notification para sa isang pag-uusap sa web, mailalapat din sa iyong mobile app ang mga setting na iyon.