Puwede mong makita ang kalendaryo ng ibang tao kung ibinahagi nila ito sa iyo. Makakapag-request ka rin ng access kung hindi pa niya ibinabahagi sa iyo ang kanyang kalendaryo.
Mahalaga:
- Posibleng maapektuhan ang performance ng kalendaryo kung magsu-subscribe ka sa mahigit sa 400 kalendaryo.
- Puwede ka lang maghanap ng kalendaryo kung saan gusto mong mag-subscribe kapag ginamit mo ang Google Calendar sa isang computer o mobile browser.
Gumamit ng email address para mag-subscribe sa isang kalendaryo
Hakbang 1: Hilinging mag-subscribe sa kalendaryo.
- Sa iyong computer, buksan ang Google Calendar.
- Sa kaliwa, sa tabi ng "Iba pang kalendaryo," i-click ang Magdagdag
Mag-subscribe sa kalendaryo. Kung naibahagi na sa iyo ang kalendaryo, makakatanggap ka ng email.
- Sa kahong "Magdagdag ng kalendaryo," ilagay ang email address ng tao, o pumili ng isa sa listahan.
- Pindutin ang Enter.
- Depende kung nakabahagi ang kanyang kalendaryo, mangyayari ang isa sa mga sumusunod:
- Kung hindi nakabahagi sa iyo ang kalendaryo, ipo-prompt ka naming humingi ng access.
- Kung nakabahagi na sa iyo ang kalendaryo, idaragdag ang kanyang kalendaryo sa kaliwang bahagi sa ilalim ng "Iba pang kalendaryo."
- Kung walang Google Calendar ang nabanggit na ibang tao, ipo-prompt ka naming imbitahan siyang gumamit ng Google Calendar.
Mag-subscribe sa kalendaryo. Kung naibahagi na sa iyo ang kalendaryo, makakatanggap ka ng email.Hakbang 2: (Opsyonal) Humingi ng pag-apruba mula sa nabanggit na ibang tao
Kung ang isang kalendaryong ni-request mo ay hindi nakabahagi sa iyo, makakatanggap ng email na nagre-request ng access ang may-ari ng kalendaryo.
Para tanggapin ang iyong request, dapat gawin ng ibang tao ang sumusunod:
- Sa isang computer, buksan ang ipinadala mong email na humihiling ng access.
- I-click ang link sa email.
- Sa bubukas na page na Mga Setting, tiyaking napili ang tao, at pumili ng setting ng pahintulot.
- I-click ang Ipadala.
Tip: Pagkatapos tanggapin ng nabanggit na ibang tao ang iyong kahilingan, makakatanggap ka ng email na may link para “Idagdag ang kalendaryong ito.” Kapag idinagdag mo ang kalendaryo, lalabas ito sa kaliwa sa ilalim ng “Iba pang kalendaryo.” I-refresh ang page kung hindi lalabas ang kalendaryo.
Gumamit ng link para magdagdag ng pampublikong kalendaryo
Mahalaga: Makakapagdagdag ka lang ng kalendaryo gamit ang isang link kung pampubliko ang kalendaryo ng ibang tao. Matuto pa tungkol sa mga pampublikong kalendaryo.
- Sa iyong computer, buksan ang Google Calendar.
- Sa kaliwa, sa tabi ng "Iba pang kalendaryo," i-click ang Magdagdag
- Ilagay ang address ng kalendaryo.
- I-click ang Idagdag ang kalendaryo. Lalabas ang kalendaryo sa kaliwa, sa ilalim ng "Iba pang kalendaryo."
Tip: Puwedeng abutin nang hanggang 24 na oras bago lumabas ang mga pagbabago sa iyong Google Calendar.
Itago ang kalendaryo ng ibang tao
- Sa iyong computer, buksan ang Google Calendar.
- Sa kaliwa, sa ilalim ng “Iba pang kalendaryo,” i-uncheck ang kalendaryong gusto mong i-hide.
Tip: Kung ayaw mong permanenteng alisin ang isang kalendaryo sa iyong listahan, puwede ka ring mag-unsubscribe dito. Para i-restore ang access sa kalendaryo, mag-subscribe ulit sa kalendaryo.