Para tingnan ang iyong mga paparating na event at meeting mula sa home screen nang hindi binubuksan ang Google Calendar app, magdagdag ng widget.
Idagdag ang widget ng Calendar sa iyong home screen
Mahalaga: Posibleng magkakaiba ang ilan sa mga hakbang na ito batay sa iyong Android phone o tablet.
- Sa iyong Android phone o tablet, pindutin nang matagal ang home screen.
- I-tap ang Mga Widget Calendar.
- Pindutin nang matagal ang isa sa mga widget na ito:
- Iskedyul sa Calendar: Tingnan ang iyong mga gawain at paparating na event.
- View na buwan sa Calendar: Ipakita ang iyong iskedyul nang paisa-isang buwan.
- I-drag ang widget sa isang bakanteng space sa home screen, at pagkatapos ay i-release ito.
I-resize ang widget ng Calendar
Mahalaga: Sa widget ng Android, hindi mo puwedeng i-resize ang button para sa Create .
- Sa iyong Android phone o tablet, pindutin nang matagal ang widget sa home screen mo, at pagkatapos ay i-release ito.
- May lalabas na outline na may mga tuldok sa mga gilid ng widget.
- Para i-resize ang widget, i-drag ang mga tuldok.
- Kapag tapos ka na, mag-tap sa labas ng widget.
Ilipat ang widget ng Calendar
- Sa iyong Android phone o tablet, pindutin nang matagal ang widget.
- I-drag ang widget sa isang bakanteng space sa home screen, at pagkatapos ay i-release ito.
Alisin ang widget ng Calendar
- Sa iyong Android phone o tablet, pindutin nang matagal ang widget.
- I-drag ang widget hanggang sa “Alisin,” at pagkatapos ay i-release ito.