Ons bied ’n gebruikerbasis en ’n maklike manier om jou inhoud te bestuur. Jy kan jou boek in Google Play sowel as deur ander kleinhandelaars verkoop. Daar is geen koste aan verbonde vir jou om boeke op Google Play te verkoop nie. Jy sal die grootste deel van die inkomste ontvang uit elke boek wat verkoop word, en jou deel van die inkomste sal altyd gegrond wees op die handelsprys wat jy voorsien.
Kom meer te wete oor die sekuriteit van ons inhoud.
Belangrik: Google Play-vennote kan e-boeke in sekere lande of streke verkoop. Hierdie kenmerke is nie oral beskikbaar nie. Op die oomblik kan net uitgesoekte vennote oudioboeke op Google Play verkoop.
Hoe dit vir uitgewers en skrywers werk
Jy voorsien die boeklêers
Sluit by Google Boeke se vennootprogram aan om boeke te kan indien. Ons aanvaar lêers in .pdf- of .epub-formaat. As jy albei formate oplaai, sal lesers ’n keuse hê tussen die oorspronklike uitleg van die PDF-lêer en die teks van die EPUB-lêer.
Jy kies die boekinstellings
Bestuur jou boeke- en verkope-instellings in Google Play Boeke-vennootsentrum. Kies die lande waar jy wil verkoop, kies of jy digitaleregtebestuur (DRM) wil toepas, en verskaf handelspryse. Google het vrye oordeel om pryse te stel, behalwe in gevalle waar Google as jou agent optree of waar Google verplig word om te verkoop teen ’n prys wat deur die uitgewer gestel is. Ons sal egter die inkomste uit enige verkope met jou deel volgens die handelsprys wat jy voorsien.
Google is die gasheer en hanteer die verkope en verspreiding
Jou boeke word verkoop op Google Play, ’n digitale-inhoudervaring wat internasionaal op veelvuldige platforms beskikbaar is. ’n Beperkte persentasie van jou boek sal op Google Boeke voorbeskou kan word. Jy kan gedetailleerde voorskou- en verkoop-verslae aflaai, en jy ontvang die meerderheid van die inkomste uit elke boek wat verkoop word.
Hoe dit vir kopers werk
Lesers kan jou boeke kry deur in die Google Play Winkel rond te blaai, of deur ’n skakel van die boek se voorskou af op Google Boeke te volg. Wanneer lesers jou boek koop, kan hulle dit net daar in hul Web-blaaier begin lees of die Google Play Boeke-program gebruik. Kopers kan die boek ook na gesteunde e-lesers oordra. Kom meer te wete oor die leserevaring met Google Play Boeke.