Kurekebisha matatizo yanayohusu usawazishaji wa akaunti

Iwapo simu yako ina matatizo ya kusawazisha kwa kutumia Akaunti yako ya Google, unaweza kuona ujumbe wa "Usawazishaji una matatizo kwa sasa. Utaendelea baada ya muda mfupi." au aikoni ya tatizo la Usawazishaji .

Matatizo mengi ya usawazishaji ni ya muda mfupi. Kwa kawaida, akaunti yako itasawazishwa tena baada ya dakika chache. Lakini ukiendelea kupata matatizo ya kusawazisha, jaribu suluhu zifuatazo.

Muhimu: Baadhi ya hatua hizi hutumika tu kwenye Android 9.0 na matoleo mapya zaidi. Pata maelezo kuhusu jinsi ya kuangalia toleo la Android unalotumia.

Kusawazisha Akaunti yako ya Google mwenyewe

1. Fungua programu ya Mipangilio ya kifaa chako.
2. Gusa Kuhusu simu Akaunti ya Google Usawazishaji wa akaunti.
   • Gusa akaunti ambayo ungependa kusawazisha ikiwa una zaidi ya akaunti moja kwenye kifaa chako.
3. Gusa Zaidi Sawazisha sasa.

Jaribu suluhu za kawaida za usawazishaji

Baada ya kila hatua iliyo hapa chini ya utatuzi, jaribu kusawazisha mwenyewe uone iwapo usawazishaji unafanya kazi.

Kutatua kupitia hatua za msingi

Kuhakikisha kuwa umewasha kipengele cha kusawazisha kiotomatiki

Usizime kipengele cha kusawazisha kiotomatiki ikiwa ungependa usawazishaji ufanyike kiotomatiki. Pata maelezo kuhusu jinsi ya kusawazisha kiotomatiki programu na akaunti zako.

Hakikisha muunganisho wako wa intaneti unafanya kazi

Muhimu: Unahitaji muunganisho wa intaneti ili usawazishaji ufanye kazi.

Fungua kivinjari (kama vile Chrome au Firefox) na upakie tovuti ili ujaribu muunganisho wako. Pata maelezo kuhusu kuunganisha kwenye mtandao wa Wi-Fi au kuunganisha kwenye data ya mtandao wa simu ikiwa tovuti haipakii au huwezi kuunganisha.

Kuangalia iwapo una matatizo ya akaunti

Muhimu: Unahitaji kuwa na uwezo wa kuingia katika Akaunti yako ya Google ili kipengele cha kusawazisha kifanye kazi.

Hakikisha kuwa unaweza kuingia katika Akaunti yako ya Google ukitumia njia na kifaa kingine. Kwa mfano, jaribu kuangalia Gmail yako ukitumia kivinjari cha kompyuta yako.

• Tatizo liko kwenye simu yako ikiwa unaweza kuingia katika akaunti. Jaribu suluhu inayofuata.
• Huenda akaunti yako ina tatizo ikiwa huwezi kuingia. Pata usaidizi wa kuingia katika akaunti yako.

Kuangalia masasisho ya Android

1. Fungua programu ya Mipangilio ya simu yako.
2. Karibu na sehemu ya chini, gusa Mfumo  Sasisho la programu.
   • Ikihitajika, gusa kwanza Kuhusu simu au Kuhusu kishikwambi.
3. Fuata hatua unapoona hali ya sasisho kwenye skrini yako.

Kutatua ukitumia hatua za kina

Kuandoa na kuweka tena akaunti yako

Fuata hatua hizi uondoe kisha uweke tena akaunti kwenye simu yako.

Kulazimisha usawazishaji wa akaunti yako

Chaguo 1: Kubadilisha mipangilio ya tarehe na saa

1. Fungua programu ya Mipangilio ya simu yako.
2. Gusa Mfumo  Tarehe na saa.
3. Zima Weka saa kiotomatiki na Weka saa za eneo kiotomatiki.
4. Badilisha tarehe na saa mwenyewe ili zote zisiwe sahihi.
5. Nenda kwenye Skrini yako ya kwanza. Pata maelezo kuhusu jinsi ya kutumia simu yako.
6. Fungua tena programu ya Mipangilio ya simu yako  Mfumo  Tarehe na saa.
7. Badilisha mwenyewe tarehe na saa ziwe sahihi tena.
8. Washa Weka saa kiotomatiki na Weka saa za eneo kiotomatiki.

Chaguo la 2: Kulazimisha usawazishaji kwa kutumia programu ya Simu (simu pekee)

1. Fungua programu ya simu kwenye simu yako.
2. Gusa Vitufe vya simu .
3. Piga *#*# CHECKIN #*#* (*#*#2432546#*#*).
4. Utaona arifa inayosema "Checkin imemalizika." Ujumbe huu huonyesha kuwa simu yako ilisawazishwa. Iwapo huoni arifa wakati huo, gusa Simu ya kijani .

Kufuta akiba na data

Hatua ya 1: Kuhifadhi nakala za anwani

1. Fungua programu ya Anwani kwenye simu yako.
2. Gusa Menyu   Mipangilio.
3. Chini ya "Dhibiti anwani," gusa Hamisha.
4. Chagua sehemu, kama vile Hifadhi yako.
5. Gusa Hifadhi.

Hatua ya 2: Kufuta data iliyowekwa katika akiba

1. Fungua programu ya Mipangilio ya simu yako.
2. Gusa Programu  Anwani  Hifadhi na akiba.
3. Gusa Futa akiba .

Hatua ya 3: Kurejesha anwani

1. Fungua programu ya Anwani kwenye simu yako.
2. Gusa Menyu   Mipangilio.
3. Gusa Pakia  faili ya .vcf  SAWA.
4. Chagua faili ya .vcf uliyohamisha.

Nyenzo zinazohusiana

• Kusawazisha programu zako ukitumia Akaunti yako ya Google
• Kusawazisha manenosiri kwenye vifaa vyako