Kung hindi mo maa-unlock ang iyong telepono, kakailanganin mong burahin ito. Pagkatapos, puwede mong i-set up ulit ito at puwede kang magtakda ng bagong lock ng screen. Kung hindi ka makapag-sign in sa Google Account mo, alamin kung paano i-recover ang iyong account.
Burahin ang iyong telepono
Mahalaga: Buburahin ng mga opsyong ito ang lahat ng data na naka-store sa iyong telepono, gaya ng mga app, larawan, at musika. Kung alam mo ang PIN o pattern ng device sa oras ng pag-backup, puwede mong i-restore ang data na na-back up sa iyong Google Account.
Opsyon 1: Burahin ang iyong telepono mula sa ibang device
Para mag-secure o magbura ng Android device, siguraduhin na:
- May power ang device na iyon
- Nakakonekta sa mobile data o WiFi ang device na iyon
- Naka-sign in ang device na iyon sa isang Google Account
- Naka-on ang Hanapin ang Aking Device sa device na iyon
- Nakikita sa Google Play ang device na iyon
Matutunan kung paano malayuang burahin ang isang telepono.
Opsyon 2: I-reset ang iyong telepono gamit ang mga button nito
Puwede mong burahin ang iyong naka-lock na telepono gamit ang power button at button ng volume nito. Para matutunan kung paano i-reset ang iyong partikular na telepono sa ganitong paraan, bisitahin ang site ng suporta ng manufacturer mo.
I-reset ang iyong pattern (Android 4.4 o mas luma lang)
- Pagkatapos mong subukan nang maraming beses na i-unlock ang iyong telepono, makikita mo ang "Nakalimutan ang pattern." I-tap ang Nakalimutan ang pattern.
- Ilagay ang username at password ng Google Account na dati mong idinagdag sa iyong telepono.
- I-reset ang iyong lock ng screen. Alamin kung paano magtakda ng lock ng screen.