Android பாதுகாப்பு மற்றும் தனியுரிமை அமைப்புகளில் நீங்கள் இவற்றைப் பார்க்கலாம்:
- உங்கள் நிலை குறித்த மேலோட்டப் பார்வை
- ஆபத்துகள் ஏற்படுவதற்கான சாத்தியம் இருக்கும்போது அதுகுறித்த விழிப்பூட்டல்கள், அவற்றைச் சரிசெய்வதற்கான பரிந்துரைகள்
- ஒட்டுமொத்தப் பாதுகாப்பையும் தனியுரிமையையும் எப்படி மேம்படுத்துவது என்பதற்கான பரிந்துரைகள்
பாதுகாப்பு மற்றும் தனியுரிமை அமைப்புகளைக் கண்டறிதல்
முக்கியமானது: எல்லா Android சாதனங்களிலும் ஒருங்கிணைந்த பாதுகாப்பு & தனியுரிமை அமைப்புகள் இருப்பதில்லை, சில சாதனங்களில் தனிப்பட்ட பாதுகாப்பு மற்றும் தனியுரிமை பிரிவுகள் இருக்கக்கூடும்.
- Android 13 மற்றும் அதற்குப் பிந்தைய பதிப்புள்ள உங்கள் மொபைலில்: அமைப்புகள் பாதுகாப்பு மற்றும் தனியுரிமை என்பதைத் தட்டவும்.
- Android 12 மற்றும் அதற்கு முந்தைய பதிப்புள்ள மொபைலில்:
- பாதுகாப்பு அமைப்புகளுக்கு: அமைப்புகள் பாதுகாப்பு அமைப்புகளுக்கான பாதுகாப்பு என்பதைத் தட்டவும்.
- தனியுரிமை அமைப்புகளுக்கு: அமைப்புகள் தனியுரிமை அமைப்புகளுக்கான தனியுரிமை என்பதைத் தட்டவும்.
உங்கள் பாதுகாப்பு மற்றும் தனியுரிமை விருப்பங்கள் குறித்துத் தெரிந்துகொள்ளுங்கள்
- ஆப்ஸ் பாதுகாப்பு: இது Google Play Protectடிலிருந்து உங்களுக்கு எச்சரிக்கைகளை வழங்குகிறது.
- சாதனப் பூட்டு: இது கைரேகை அன்லாக், சாதனத் திரைப் பூட்டு போன்ற பாதுகாப்பு நடவடிக்கைகளை ஆதரிக்கிறது.
- கணக்குகளுக்கான பாதுகாப்பு: இது உங்கள் Google கணக்கு குறித்த எச்சரிக்கைகளை வழங்குகிறது.
- சிஸ்டம் புதுப்பிப்புகள்: புதுப்பிப்புகள் குறித்த நிலையைக் காட்டுவதோடு அவற்றைச் சரிபார்த்து நிறுவவும் உங்களை அனுமதிக்கிறது.
- சாதனத்தைக் கண்டறிபவை: இது உங்கள் Find My Device அமைப்புகளில் தகவல்களை வழங்குகிறது.
- தனியுரிமை: இது தனியுரிமை அனுமதிகள் குறித்த தகவல்களை வழங்குகிறது.
- கூடுதல் பாதுகாப்பு மற்றும் தனியுரிமை: ஆப்ஸைப் பின் செய்தல், பூட்டுத் திரையில் அறிவிப்புகளைக் காட்டுதல் போன்ற கூடுதல் பாதுகாப்பு மற்றும் தனியுரிமை அமைப்புகளை ஆதரிக்கிறது. Androidல் அறிவிப்புகளைக் கட்டுப்படுத்தும் விதம்.
பாதுகாப்பு மற்றும் தனியுரிமை தொடர்பான விழிப்பூட்டல்களைக் கண்டறிதல்
“பாதுகாப்பு மற்றும் தனியுரிமை” பக்கத்தின் மேற்புறத்தில்:
- விழிப்பூட்டல்கள் இல்லையெனில்: “எல்லாம் சரியாக உள்ளன” எனக் காட்டப்படும்.
- எச்சரிக்கை அல்லது விழிப்பூட்டல் இருந்தால்: “சாதனம் ஆபத்தில் உள்ளது” எனவும் அந்த ஆபத்து குறித்த விளக்கமும் கீழே காட்டப்படும்.