Kung magkakaproblema habang kinokopya mo ang data mula sa luma mong device papunta sa iyong bagong Android device habang nagse-set up, subukan ang mga hakbang sa pag-troubleshoot na ito.
Naaantala o hindi nagsisimula ang pag-set up
- Kung nadiskonekta ang cable o naubos ang baterya, kadalasang puwedeng simulan ulit ang proseso. I-recharge ang iyong mga device at subukan ulit.
- Kung ire-recharge mo ang iyong mga device at hindi pa rin ito gagana, posibleng kailangan mong kanselahin ang pag-set up, i-factory reset ang iyong device mula sa Mga Setting, at subukan ulit.
Mga Tip:
- Kung gagamit ka ng cable para maglipat, tiyaking ganap na naka-charge ang mga device mo bago ka magsimula.
- Gumamit ng wireless na charger, kung may available na ganito, para panatilihing nakakabit sa isa't isa at nagcha-charge ang iyong mga device sa proseso ng paglilipat.
Suriin ang cable
Bunutin ang cable, maghintay nang ilang segundo, at pagkatapos ay isaksak ulit ang cable sa magkabilang dulo. Kung hindi iyon gagana, sumubok ng ibang cable.
Suriin ang adapter
Posibleng nakasaksak sa maling device ang adapter. Subukang isaksak na lang sa kabilang device ang adapter.
Suriin ang charging port sa luma mong device
Posibleng may naipong duming pumipigil sa cable sa paggawa ng koneksyon.
Kung walang gagana sa mga ito, subukan ang paraan ng paglilipat gamit ang Wi-Fi.
- I-install ang anumang available na update para sa iyong kasalukuyang device.
- Android: Gumagana sa karamihan ng mga device na gumagamit ng Android 5.0 at mas bago ang paglilipat gamit ang cable. Alamin kung paano i-update ang bersyon ng iyong Android.
- iPhone: Gumagana sa karamihan ng mga device na gumagamit ng iOS 8.0 at mas bago ang paglilipat gamit ang cable. Alamin kung paano i-update ang bersyon ng iyong iOS.
- BlackBerry o Windows device: Posibleng hindi sinusuportahan ng iyong device ang paglilipat gamit ang cable.
- I-restart ang kasalukuyan mong device. Sa karamihan ng mga device, pindutin nang matagal ang power button hanggang sa ganap na mag-restart ang device.
- Sumubok ulit ng paglilipat gamit ang cable. Kung hindi pa rin iyon gagana sa kasalukuyan mong device, alamin kung paano maglipat nang walang cable mula sa Android o iPhone.
- Kung hindi umusad ang pag-set up sa loob ng mahigit 15 minuto, i-tap ang Ihinto ang pagkopya.
- Kapag natanggap mo ang "Tapos na ang pagkopya," alamin kung aling data ang nakopya.
Ilang partikular na device lang ang puwedeng maglipat gamit ang Wi-Fi. Kung iPhone na gumagamit ng iOS 13 o mas luma o gumagamit ng Android 4 o mas luma ang lumang device, hindi gagana ang paglilipat.
Natapos ang pag-set up pero hindi nakopya ang data
Kung nilaktawan mo ang opsyong ilipat ang iyong data sa unang pag-set up ng device, posibleng kailangan mong bumalik sa pag-set up depende kung gaano na katagal sa iyo ang bago mong Android device.
Para bumalik sa pag-set up pagkalipas ng ilang araw:
- Sa iyong bagong Android phone, buksan ang app na Mga Setting.
- Sa itaas, i-tap ang Tapusin ang pag-set up.
- Kung hindi gagana iyon, mag-swipe mula sa itaas ng iyong Android device para ipakita ang mga notification at i-tap ang Tapusin ang pag-set up sa iyong device.
Tip: Posibleng available lang ang mga opsyong ito para sa ilang manufacturer ng device.
Para bumalik sa pag-set up kung medyo matagal nang nasa iyo ang device, i-reset ang device mo. Kapag na-reset mo ang iyong device, buburahin nito ang lahat ng data mo.
Tip: Posibleng may higit pang tool o opsyon ang ilang manufacturer ng device na makakatulong sa paglilipat ng iyong data pagkatapos mong i-set up ang device mo. Pumunta sa site ng suporta ng manufacturer para matuto pa.
Alamin kung aling mga uri ng data ang maililipat mula sa iPhone papunta sa Android.
iPhone na pinapangasiwaan ng organisasyon
Kung negosyo, paaralan, o organisasyon ang nangangasiwa sa iyong iPhone, hindi makokopya ang ilan sa data mo.
Mga larawan, video, at musika
- Hindi sinusuportahan ang format ng file.
- Naantala ang proseso ng paglilipat.
- Nasa iCloud ang ilang larawan at video. Alamin kung paano hilingin ang iyong mga larawan at video mula sa iCloud.
- Puwede mo ring subukang i-download ang Google Photos sa iyong iPhone, i-on ang mga backup, at hintaying mag-back up ang lahat ng data. Puwede itong abutin nang ilang araw at pinakamainam na panatilihing naka-on ang device nang nakabukas ang Google Photos habang nangyayari ito.
Mga App
- Posibleng binili sa App Store o kasalukuyang ibinebenta sa Google Play Store ang ilang app.
- Para matuto pa tungkol sa kung paano ilipat ang app sa bagong device, pumunta sa website ng developer.
- Posibleng hindi available sa iyong rehiyon ang ilang app.
- Posibleng hindi available sa Play Store ang ilang app.
Mga mensahe o chat at data sa WhatsApp
- Ipinadala ang ilang mensahe sa pamamagitan ng feature na hindi sinusuportahan sa mga Android device.
Mga contact o event sa kalendaryo
Ang mga contact at event sa kalendaryo na hindi naka-sync sa isang account lang ang maililipat. Kung naka-sync ito sa isang account, hindi ito maililipat habang nagse-set up. Para i-sync ulit ang impormasyon sa iyong Android device, mag-sign in sa nauugnay mong account sa Mga Setting.
Higit pang karaniwang error
- Sa iyong iPhone, tingnan kung binigyan mo ang app na Lumipat sa Android ng pahintulot na gamitin ang camera.
- I-tap ang Hindi ma-scan ang QR code? para sa ilang tip kung paano wireless na ilipat ang iyong data.
- Tiyaking may access sa internet ang iPhone. Kung na-swap mo na ang SIM, posibleng nawala ang iyong koneksyon sa internet. Tiyaking kokonekta ka sa Wi-Fi.
- Tiyaking gumagamit ng iOS 14 o mas bago ang iyong iPhone. Hindi sinusuportahan ang mga mas lumang bersyon. Kung mayroon kang iPhone na gumagamit ng iOS 13 o mas luma, hindi ka makakapaglipat gamit ang Wi-Fi, pero makakagamit ka pa rin ng cable para maglipat ng data.
Subukang i-sync ang data sa Google One o pumili ng mas kaunting uri ng data.
Mga Tip:
- Tiyaking iba-back up mo ang mga larawan sa Google One at pagkatapos ay huwag maglipat ng mga larawan habang nagre-restore, dahil magsi-sync ulit ang mga ito sa bagong device.
- Piliing huwag maglipat ng mga app at data ng app.
- Tiyaking naka-off ang VPN ng iyong device kung mayroon ka nito.
- Tiyaking mayroon kang aktibong koneksyon sa internet.
- Tiyaking up-to-date ang OS ng device mo.
- Tingnan ang petsa at oras.
- Para pumunta sa App Store, i-type ang
g.co/android/stasa iyong web browser sa iPhone mo.
- Tiyaking naka-off ang awtomatikong pagsali sa luma mong device para hindi awtomatikong kumonekta ulit ang iyong device sa ibang Wi-Fi network.
- Tiyaking naka-off ang iyong VPN sa luma mong device kung mayroon ka nito.
Kung sa tingin mo ay mas nagtatagal ang proseso kaysa sa kinakailangan, subukang i-restart ang iyong device at gawin ulit ang proseso sa pag-set up sa bago mong Android device. Posibleng makatulong din ang pag-factory reset sa iyong device at pagpili ng mas kaunting uri ng data na ililipat.
Bunutin ang cable sa iyong iPhone, isaksak ulit ito, at i-tap ang Pagkatiwalaan.
Kung hindi gagana iyon, i-off ang iyong iPhone, i-on ulit ito, i-unlock ang device mo, at pagkatapos ay isaksak ulit ito sa cable.
- Tiyaking naka-off sa lahat ng iOS device ang iMessage.
- Kung iPhone ang luma mong device, posibleng kailangan mong gawin ulit ang mga panggrupong chat.
- Posibleng kailangan mo ring simulan ulit ang ilang panggrupong chat, lalo na ang mga may 10 o higit pang tao.
- Kung magpapadala ng mensahe sa iyo ang mga tao sa pamamagitan ng Apple ID mo sa iMessage, hilingin sa kanilang gamitin na lang ang iyong numero ng telepono.
- I-set up ang iyong e-SIM o ipasok ang SIM card mo.
- I-charge ang device at makakapagpatuloy ka dapat kung saan ka huminto. Kung hindi, i-factory reset ang iyong device at subukan ulit.
- Kung sinusuportahan ng iyong device ang wireless na pag-charge, ilagay ang device mo sa pad ng wireless na pag-charge habang naglilipat gamit ang cable.
- Kung wireless kang maglilipat ng data, puwede mong isaksak ang iyong mga device sa cable sa pag-charge habang naglilipat ng data.