Gumagamit ka man ng Google Ads para maparami ang benta, makabuo ng mga lead, o makapanghikayat ng iba pang mahalagang aktibidad ng customer, magandang ideyang sukatin ang iyong return on investment (ROI). Kung alam mo ang iyong ROI, masusuri mo kung sa maganda ba mapupunta ang perang ginagastos mo sa Google Ads: sa magandang kita para sa iyong negosyo.
Paano gumagana ang ROI
Ang ROI ay ang ratio ng iyong net na kita sa iyong mga gastos. Karaniwang ito ang pinakamahalagang sukatan para sa isang advertiser dahil batay ito sa iyong mga partikular na layunin sa pag-a-advertise at ipinapakita nito ang totoong epekto ng iyong mga pagsusumikap sa advertising sa iyong negosyo. Ang eksaktong paraan na gagamitin mo upang kalkulahin ang ROI ay nakadepende sa mga layunin ng iyong campaign.
Ang isang paraan upang matukoy ang ROI ay:
(Kita - Gastos ng panindang ibinenta) / Gastos ng panindang ibinenta
Sabihin nating mayroon kang produktong nagkakahalaga ng PhP5,000 para gawin, at naibebenta ito sa halagang PhP10,000. Nakabenta ka ng 6 na ganitong produkto bilang resulta ng pag-advertise ng mga ito sa Google Ads, kaya PhP30,000 ang kabuuang nagastos mo at PhP60,000 ang iyong kabuuang benta. Sabihin nating ang iyong mga gastos sa Google Ads ay PhP10,000, para sa kabuuang gastos na Php40,000. Ang iyong ROI ay:
(PhP60,000 - PhP40,000) / PhP40,000
= PhP20,000 / PhP40,000
= 50%
Sa halimbawang ito, kumikita ka ng 50% return on investment Sa bawat PhP50 na ginagastos mo, nakakakuha ka ng PhP75 pabalik.
Para sa mga pisikal na produkto, ang gastos ng panindang ibinebenta ay katumbas ng gastos sa paggawa ng lahat ng item na ibinenta mo, dagdag pa ang iyong gastos sa pag-a-advertise, at ang iyong kita ay kung magkano ang nakuha mo mula sa pagbebenta ng mga produktong iyon. Ang halagang ginagastos mo para sa bawat benta ay kilala bilang cost per conversion.
Kung ang iyong negosyo ay nakakabuo ng mga lead, ang gastos ng panindang ibinebenta ay ang iyong gastos sa pag-a-advertise, at ang iyong kita ay ang halagang nakukuha mo sa isang tipikal na lead. Halimbawa, kung karaniwan kang nakakabenta ng 1 sa bawat 10 lead, at ang iyong tipikal na benta ay PhP1,000, ang bawat lead ay nakakabuo ng PhP100 na kita sa average. Ang halagang ginagastos mo para makakuha ng lead ay kilala bilang cost per action (CPA).
Bakit mahalaga ang ROI
Sa pamamagitan ng pagkalkula sa iyong ROI, maaari mong malaman kung gaano karaming pera ang iyong kinikita sa pamamagitan ng pag-a-advertise sa Google Ads. Puwede mo ring gamitin ang ROI para makatulong sa iyong magpasya kung paano mo gagastusin ang iyong badyet. Halimbawa, kung nalaman mong may isang partikular na campaign na nakakabuo ng mas mataas na ROI kumpara sa iba, puwede mong ilapat ang higit pa sa iyong badyet sa matagumpay na campaign at ang mas kaunting pera sa mga campaign na hindi maganda ang performance. Puwede mo ring gamitin ang data ng ROI para subukang pagandahin ang performance ng mga campaign na hindi masyadong matagumpay.
Gumamit ng mga conversion para sukatin ang ROI
Para matukoy ang iyong ROI, kailangan mo munang sukatin ang mga conversion, na mga pagkilos ng customer na pinapaniwalaan mong mahalaga, gaya ng mga pagbili, pag-sign up, pagbisita sa web page, o lead. Sa Google Ads, magagamit mo ang libreng tool sa pagsubaybay sa conversion para makatulong na subaybayan kung ilang pag-click ang humahantong sa mga conversion. Makakatulong din sa iyo ang pagsubaybay sa conversion na tukuyin ang kakayahang kumita ng isang keyword o ad, at subaybayan ang mga rate ng conversion at cost-per-conversion.
Tip
Maraming advertiser sa Google ang gumagamit ng Google Analytics para subaybayan ang mga conversion. Isa itong libreng web analytics tool na nakakatulong sa iyong malaman kung paano nakikipag-ugnayan ang mga customer mo sa iyong website. Matuto nang higit pa tungkol sa pag-i-import ng mga conversion mula sa Google Analytics..
Kapag nasimulan mo nang magsukat ng mga conversion, puwede mo nang umpisahang suriin ang iyong ROI. Mas malaki dapat ang halaga ng bawat conversion kaysa sa halagang ginastos mo para makuha ang conversion. Halimbawa, kung gumastos ka ng PhP500 sa nga click upang makakuha ng benta, at nakatanggap ng PhP750 para sa bentang iyon, kumita ka ng pera (PhP250) at nakatanggap ng magandang balik sa iyong investment sa Google Ads.
