Mga patakaran sa Advanced na Pag-verify

Nagbibigay ang Google ng mga nakasaling bersyon ng aming Help Center, gayunpaman, hindi ginawa ang mga ito para baguhin ang content ng aming mga patakaran. Ang English na bersyon ang opisyal na wikang ginagamit namin para ipatupad ang aming mga patakaran. Para tingnan ang artikulong ito sa ibang wika, gamitin ang dropdown ng wika sa ibaba ng page.

Tumutulong ang mga patakaran sa Advanced na Pag-verify ng Google na mabawasan ang invalid na aktibidad at matiyak na may kaugnayan, kapaki-pakinabang, at humahantong sa positibong karanasan ang mga ad ng mga lokal na negosyo. Aatasan ang mga advertiser sa Google Ads at Local Services na nagpo-promote ng mga serbisyo sa ilang partikular na vertical na gawin ang Advanced na Pag-verify.

Ibinabalangkas sa artikulong ito ang mga patakaran sa Advanced na Pag-verify ng Google. Nalalapat ang ilan sa mga patakarang ito sa Google Ads at Local Services, may ilang patakaran na sa mga advertiser sa Google Ads lang nalalapat, at ang iba naman ay sa mga advertiser sa Local Services lang nalalapat.

Saan Kinakailangan ang Advanced na Pag-verify

Google Ads at Local Services:

Mga serbisyo para sa pinto ng garahe: United States
Mga serbisyo ng locksmith: United States, Canada

Mga patakarang nalalapat sa mga advertiser sa Google Ads at Local Services

Tandaan: Ang mga advertiser na nagpo-promote ng mga negosyo sa mga kategorya at bansang nakalista sa itaas ay inaasahang tumupad sa mga sumusunod na alituntunin:

Mga lokal at pederal na batas at regulasyon: Dapat kang sumunod sa lahat ng nalalapat na batas at regulasyong may kaugnayan sa mga serbisyong ibinibigay mo. Dapat ka ring sumunod sa lahat ng may kaugnayang kinakailangan sa paglilisensya o iba pang kinakailangan ayon sa regulasyon, at ikaw lang ang responsable sa lahat ng bayad, paglilisensya, bayarin o pagsingil ayon sa regulasyon, insurance, o anumang nauugnay na gastusin at legal na tungkuling hinihingi sa iyo bilang service provider.
Mga limitasyon sa edad: Ikaw at ang bawat isa sa iyong mga customer ay dapat 18 taong gulang pataas.
Pagtatrabaho: Hindi mo puwedeng sabihin o palabasin sa kahit sino na empleyado ka ng Google o mga affiliate nito, o nagtatrabaho ka para sa Google o mga affiliate nito. Sa lahat ng pagkakataon, dapat mong tiyaking ang bawat miyembro ng iyong team ay may tamang klasipikasyon at binabayaran nang tama ayon sa mga naaangkop na batas sa pagtatrabaho ng hurisdiksyon mo.
Mga Tuntunin ng Serbisyo ng Google: Matuto pa
Mga tuntunin ng serbisyo ng Advanced na Pag-verify: Matuto pa

Dapat sundin ng mga advertiser na nagpo-promote ng mga negosyo sa mga kategorya at bansang nakalista sa itaas ang mga kinakailangan sa Advance na Pag-verify ng Google na nakatakda sa ibaba.

Ano'ng mayroon sa proseso ng Advanced na Pag-verify

Pinagsasama-sama sa proseso ng Advanced na Pag-verify ang pagsusuri sa iyong Google Ads account (kung naaangkop), data na available sa publiko gaya ng mga rehistro sa estado at propesyonal na lisensya, at mga video interview na isinagawa ng Google. Para sa may-ari ng negosyo, kasama sa pagsusuri ang mga tanong tungkol sa bisa ng propesyonal na lisensya (kapag naaangkop). Sa level ng kumpanya, ang pagsusuri ay may mga tanong tungkol sa bisa ng rehistro ng negosyo, ebidensya sa mga hindi awtorisado o mapanlinlang na kasanayan sa negosyo, at bisa ng propesyonal na lisensya (kapag naaangkop).

Mga pamantayan sa pag-verify

Nakabatay ang mga desisyon sa pag-verify sa mga sumusunod:

Buo, kumpleto, at tumpak na mga sagot sa lahat ng tanong na may kaugnayan sa pag-verify.
Tapat at up-to-date na mga paghahayag tungkol sa mga dokumento mula sa pamahalaan tulad ng mga propesyonal na lisensya.
Pagsunod sa lahat ng patakaran sa Google Ads at Advanced na Pag-verify.
Pagkumpirma sa status ng paglilisensya ng iyong negosyo, kapag naaangkop.
Walang ebidensyang sangkot ang iyong negosyo sa mga kasanayang hindi awtorisado, madaya, mapanlinlang, o nakakasama sa mga consumer.

Puwede ring hindi maging kwalipikado ang iyong negosyo para sa anumang dahilang nauugnay sa mga pamantayan ng pag-verify na nakalista sa itaas.

Pagsunod sa proseso ng Advanced na Pag-verify

Isinasagawa ng Google ang proseso ng Advanced na Pag-verify. Kapag nakipag-ugnayan ang Google, ikaw at ang sinumang kinatawan ng iyong negosyo ay dapat magbigay ng tapat, kumpleto, at tumpak na impormasyon. Dapat ka ring sumang-ayong sumali sa isang video interview at pumayag na i-record ang video na iyon.

Muling pag-verify

Pagkatapos ma-verify ang iyong negosyo, posibleng hilingin sa iyong sumunod sa mga pamamaraan ng muling pag-verify isang beses bawat 12 buwan. Posible ring hilingin sa iyo na i-verify ulit ang iyong negosyo kung may mahahalagang pagbabago, gaya ng mga paglipat ng lokasyon o pagbabago ng website.

Mga Pag-audit

Posibleng magsagawa ng mga pag-audit ang Google para matiyak ang pagsunod sa mga pamamaraan ng Advanced na Pag-verifiy. Para manatiling maganda ang iyong status, tiyaking ganap na sumunod sa lahat ng pag-audit.

Paghiling ng mga apela

Puwede kang makipag-ugnayan sa Google anumang oras para tukuyin ang anumang error, pagkakamali, o para tumugon sa mga resulta ng pag-verify sa negosyo mo. Kung tatanggihan ang iyong aplikasyon, makakatanggap ka ng notification sa email sa email address sa aplikasyon mo at magkakaroon ka ng pagkakataong magsumite ng apela. Isang beses ka lang puwedeng magsumite ng apela, kaya inirerekomendang masusi mong suriin ang mga patakarang ito bago ka magsumite.

Privacy

Kapag pinapangasiwaan ang lahat ng impormasyong nauugnay sa pag-verify, napapailalim ang Google sa Patakaran sa Privacy nito.

Mga kinakailangang paghahayag

Ang impormasyong ibibigay mo sa Google at sa mga user nito ay dapat tumpak, kumpleto, at hindi mapanlinlang. Magkakaiba ang mga kinakailangan ayon sa modelo ng negosyo, at kasama rito ang mga sumusunod:

Katumpakan ng impormasyon sa pagpepresyo:

Ang anumang presyong ipapakita sa mga customer ay sumasaklaw dapat sa lahat ng naaangkop na bayarin, singilin sa paghahatid, surcharge, at buwis. Para sa mga serbisyong nag-iiba-iba ang presyo, dapat magpakita ng isang hanay ng mga karaniwang presyo. Dapat ipakita ng hanay na ito ang minimum at maximum na mga kabuuang gastusing puwedeng asahang bayaran ng mga customer.

Transparency at availability ng mga pino-promote na alok:

Ang anumang coupon, diskwento, o flat-rate na alok na pino-promote sa iyong mga ad or website ay dapat may katumbas na paglalarawan ng mga bagay na kasama at hindi kasama sa alok. Halimbawa, kailangang kasama sa isang promosyong gaya ng “Paglalagay ng mga bagong pinto ng garahe sa halagang $499” ang mga detalye kung anong uri ng pinto ng garahe ang kasama at ang anumang limitasyon sa alok.

Dapat kasalukuyang available ang mga alok, serbisyo, o produktong pino-promote sa iyong mga ad o website.

Katumpakan ng pagkakakilanlan ng negosyo:

Ang pagkakakilanlang ipinapakita mo sa mga customer ay dapat ang tunay at tumpak na legal na pangalan ng iyong negosyo, o isang nakarehistrong hindi totoong pangalan ng negosyo.

Dapat malinaw na ipinapakita ang pagkakakilanlan ng iyong negosyo sa mga lugar kung saan puwedeng makatwirang asahan ng mga customer na makikita nila ito. Halimbawa, nakikita dapat ang pangalan ng iyong negosyo sa labas ng storefront mo, kung mayroon ka nito.

Posibleng humiling ang Google ng dokumentasyon para i-verify ang pagkakakilanlan ng iyong negosyo, gaya ng certificate ng pagpaparehistro sa DBA.

Pagsunod sa mga kahilingang nauugnay sa pag-verify sa iyong negosyo:

Paminsan-minsan, posibleng magkaroon ang Google ng mga karagdagang tanong tungkol sa iyong negosyo o dokumentasyon. Pakitiyak na agaran at tumpak kang makakatugon sa mga tanong na ito.

Posibleng humiling ng dokumentasyon ang Google para i-verify ang address at iba pang detalye ng iyong negosyo.

Mga ipinagbabawal na kasanayan

Dapat kang magbigay ng tumpak na impormasyon tungkol sa mga serbisyong iniaalok mo. Hindi ka puwedeng magtago ng impormasyon o magbigay ng maling impormasyon tungkol sa iyong negosyo o sa mga serbisyong ibinibigay mo sa anumang paraan. Bukod pa rito, hindi puwedeng makisangkot ang iyong negosyo sa anumang hindi mapagkakatiwalaan, mapanlinlang, o mapanlokong gawi. Ipinagbabawal ang mga sumusunod na kasanayan:

Misrepresentaasyon:

Panghihikayat sa mga user na magbigay ng pera o impormasyon sa mali o hindi malinaw na dahilan.

Pagbibigay ng mali o sinadyang hindi malinaw na pagkakakilanlan, pangalan ng negosyo, o impormasyon sa pakikipag-ugnayan.

Pagbibigay ng maling pahayag na nauugnay sa akreditasyon, membership sa organisasyon, insurance, o status ng paglilisensya.

Hindi makatotohanang bilis ng pagtugon:

Hindi dapat isama sa mga text ad o landing page ang mga pahayag tungkol sa mabilis na pagtugon na malamang na hindi totoo at hindi magagarantiyahan sa lahat ng oras.

Impormasyon ng pagpepresyo sa mga text ad:

Hindi dapat kasama sa anumang text ad ang mga bayarin sa pagtawag sa serbisyo at minimum o pinakamababang presyo.

Hindi dapat kasama ang mga diskwento at coupon sa mga text ad na nagpo-promote ng mga serbisyo sa emergency o pagkukumpuni.

Mga warranty at garantiya:

Kung nagbabanggit ang iyong mga ad o website ng anumang warranty o garantiyang nauugnay sa mga serbisyo mo, ang mismong page ay dapat may link papunta sa mga may kaugnayang tuntunin, kundisyon, pagbubukod, at tagubilin sa paghahain ng claim.

Pag-impluwensya sa mga review ng customer:

Hindi ka dapat magbago, makialam, o manghimasok sa review ng customer tungkol sa iyong mga serbisyo o sa mga serbisyo ng mga kakumpitensya mo.

Hindi awtorisadong paggamit ng branding at mga trademark ng Google:

Hindi mo puwedeng gamitin ang logo ng Google o ang iba pang tatak nang walang pahintulot. Kung gusto mong gamitin ang anuman sa mga feature ng brand ng Google sa iyong website o iba pang pampublikong materyal, basahin ang mga alituntunin sa paggamit ng brand ng Google.

Ano ang mangyayari kung lalabag ka sa aming mga patakaran

Kung lalabag ka sa aming mga patakaran, posibleng pansamantala o permanenteng bawiin ang status ng pag-verify ng iyong negosyo na hahantong sa bahagya o ganap na kawalan ng kakayahang mag-advertise sa Google.

Aabisuhan ka ng Google sa pamamagitan ng email kung mangyayari ito. Kung maaayos ang paglabag, ipapaliwanag sa email ang mga pagbabagong kailangan mong gawin bago ka makapagpatuloy sa pag-advertise.

Mga patakarang nalalapat lang sa mga advertiser sa Google Ads

Obligasyong magbigay ng updated na impormasyon

Pagkatapos ma-verify ang iyong kumpanya, dapat mong abisuhan kaagad ang Google tungkol sa anumang nagbagong sitwasyon na posibleng makaapekto sa resulta ng naunang pag-verify. (Halimbawa: Ang isa sa iyong mga lisensyang bigay ng gobyerno ay nag-expire, nasuspinde, o nahinto sa pagiging napapanahon o aktibo.)

Para mag-ulat ng mga nagbagong sitwasyon, magsagot ng form ng Kahilingan sa Advanced na Pag-verify.

Mga aggregator o network ng pagbuo ng lead

Kitang-kita at tumpak na impormasyon sa pagpepresyo:

Malinaw dapat na ihayag ng mga aggregator o network ng pagbuo ng lead ang karaniwang hanay ng presyo para sa lahat ng ina-advertise na serbisyo sa website ng mga ito. Dapat ay madaling makita at malinaw na maipaliwanag ang impormasyong ito sa unang 20% (sa itaas ng fold) ng homepage at anumang landing page sa bersyon ng website sa desktop at mobile. Hindi dapat ibigay ang paghahayag na ito sa naisasarang format ng notification at ang font ay kasinglaki o mas malaki dapat kaysa sa karamihan ng text sa page.

Impormasyon sa pakikipag-ugnayan ng negosyo:

Dapat ipakita sa website ang legal na address ng negosyo, puwedeng sa footer ng bawat page o sa page na “makipag-ugnayan sa amin,” “tungkol sa amin,” o katumbas na page.

Pagsunod sa mga kahilingang nauugnay sa pag-verify ng iyong negosyo:

Kapag hiniling, dapat kang magbigay sa Google ng up-to-date na patunay ng paglilisensya, insurance, pag-bond, at anupamang may kaugnayang kinakailangan.

Para sa higit pang impormasyon tungkol sa Advanced na Pag-verify, magsagot ng form ng Kahilingan sa Advanced na Pag-verify. Matuto pa tungkol sa mga patakaran ng Google Ads.

Mga patakarang nalalapat lang sa mga advertiser sa Local Services

Mga ugnayan sa customer

Kapag nagbigay ka ng mga serbisyo, ang mga customer mo ay hindi mga customer ng Google. Hindi mo puwedeng sabihing nagtatrabaho ka sa Google, at hindi mo puwedeng iugnay ang Google sa anumang isyu sa serbisyo sa pagitan ninyo ng iyong mga customer. Kung magkakaroon ng di-pagkakasundo, puwedeng gamitin ng customer ang Google para makahanap ng alternatibong service provider, pero hindi tutulong ang Google na lutasin ang anumang isyu sa pagitan ninyo ng customer mo.

Hindi magrerekomenda ang Google ng mga presyo o bayarin para sa mga serbisyo at hindi ito makikipagkasundo sa iyong mga customer tungkol sa mga presyo.

Ikaw lang ang may responsibilidad para sa pagsasanay, pagtuturo, pagsubaybay, pagsusuri, at pagdidisiplina sa iyong mga tauhang nakikipag-ugnayan sa mga customer. Ang malala o paulit-ulit na negatibong feedback mula sa customer — o paulit-ulit na hindi pagtugon kaagad sa mga kahilingan ng customer — ay posibleng humantong sa mas mabababang ranking (kasama ang hindi talaga paglabas ng iyong listing). Ang malubha o paulit-ulit na hindi naaangkop na gawi sa mga customer — gaya ng invalid na aktibidad, kriminal na aktibidad, matinding pinsala sa property, o nauugnay na maling asal — ay posibleng maging batayan ng agarang pagkakasuspinde o pagwawakas.

Ikaw lang ang responsable sa pagdedesisyon kung sino sa mga customer ang tatanggapin o tatanggihan. Ipapakita ng Google ang iyong mga listing sa aming platform, at ikaw na ang bahala sa iba pa.

Tandaan

Hindi idinidikta ng Google kung paano mo pipiliin ang iyong mga customer, kaya hindi mo puwedeng palabasing sinabi ng Google sa iyo kung aling mga kahilingan ang tatanggapin o tatanggihan. Mag-ingat na huwag palabasing naiimpluwensyahan ng Google ang pagpepresyo ng iyong mga serbisyo o kung paano isinasagawa ang mga serbisyong iyon.

Obligasyong magbigay ng updated na impormasyon

Para mag-ulat ng mga nagbagong sitwasyon, magsagot ng form ng Kahilingan sa Advanced na Pag-verify.

Nakatulong ba ito?

Paano namin mapapaganda ito?