Mga kinakailangan sa tumutugong ad

Nagbibigay ang Google ng mga nakasaling bersyon ng aming Help Center, gayunpaman, hindi ginawa ang mga ito para baguhin ang content ng aming mga patakaran. Ang English na bersyon ang opisyal na wikang ginagamit namin para ipatupad ang aming mga patakaran. Para tingnan ang artikulong ito sa ibang wika, gamitin ang dropdown ng wika sa ibaba ng page.

Awtomatikong isinasaayos ng mga tumutugong ad ang laki, hitsura, at format ng mga ito para magkasya sa available na mga espasyo ng ad. Puwedeng lumabas ang iyong tumutugong ad bilang native ad sa isang site at text ad naman sa isa pa, na awtomatikong iniiba ang sarili nito para umangkop batay sa mga layunin mo sa pag-target at campaign. Napapailalim ang mga tumutugong ad sa mga karaniwang patakaran ng Google Ads at sa mga kinakailangan sa ibaba.

Text ng larawan sa mga tumutugong ad

Hindi pinapayagan ang sumusunod:

Text (kasama ang mga logo na may text) na sumasakop sa mahigit 20% ng larawan

Alamin kung paano mag-ayos ng hindi naaprubahang ad o asset. Alisin ang sobrang text, at pagkatapos ay i-upload ulit ang iyong larawan. Kung hindi mo ma-edit ang larawan para matugunan ang kinakailangang ito, mag-upload ng ibang larawan na sumusunod sa patakaran.

Animation sa mga tumutugong ad

Hindi pinapayagan ang sumusunod:

Mga animated na larawan (gaya ng mga animated na GIF)

Alamin kung paano mag-ayos ng hindi naaprubahang ad o asset.

Mga nauugnay na patakaran at madalas na hindi pag-apruba

Ang mga sumusunod na patakaran ng Google Ads ay partikular na may kaugnayan sa mga tumutugong ad at kadalasang naiuugnay sa mga hindi pag-apruba.

Alamin kung ano ang mangyayari kung lalabag ka sa aming mga patakaran.

Pang-editoryal

Nalalapat sa lahat ng ad ang mga karaniwang kinakailangan para sa linaw, tamang spelling, at paggamit ng capitalization at mga simbolo. Tingnan ang Patakarang pang-editoryal para sa higit pang impormasyon.

Hindi malinaw na kaugnayan

May kaugnayan dapat ang lahat ng impormasyon sa kung ano ang iyong ina-advertise. Halimbawa, iisang advertiser dapat ang kinakatawan ng lahat ng isinumiteng field ng ad at may kaugnayan dapat ang mga ito sa pino-promote na produkto. Tingnan ang patakaran sa Hindi malinaw na kaugnayan para sa higit pang impormasyon.

Nakakapanlinlang na content

Dapat tumpak at naglalarawan ang lahat ng impormasyon sa kung ano ang iyong ina-advertise. Tingnan ang Patakaran sa nakakapanlinlang na content para sa higit pang impormasyon.

Sekswal na content

Para mapanatiling may kaugnayan at ligtas ang mga ad para sa mga user, pinaghihigpitan ng Google ang sekswal na content sa ilang partikular na sitwasyon. Tingnan ang Patakaran sa sekswal na content para sa higit pang impormasyon.

Kalidad ng larawan

Dapat matugunan ng lahat ng larawang ginagamit sa pag-advertise ang ilang partikular na pamantayan sa kalidad. Dapat ay sumusunod ang layout ng larawan sa mga pamantayan ng Google Ads at hindi maaaring malabo ang mismong larawan. Tingnan ang Patakaran sa kalidad ng larawan para sa higit pang impormasyon.

Mga Trademark

Puwedeng mag-alis ng mga ad o asset ang Google bilang tugon sa mga reklamo ng may-ari ng trademark. Responsibilidad ng mga advertiser ang tamang paggamit ng trademark para sa kanilang ad text, mga ari-arian, at impormasyon ng negosyo. Sumangguni sa Patakaran sa mga trademark para sa higit pang impormasyon.