Nagbibigay ang Google ng mga nakasaling bersyon ng aming Help Center, gayunpaman, hindi ginawa ang mga ito para baguhin ang content ng aming mga patakaran. Ang English na bersyon ang opisyal na wikang ginagamit namin para ipatupad ang aming mga patakaran. Para tingnan ang artikulong ito sa ibang wika, gamitin ang dropdown ng wika sa ibaba ng page.
Sa Hulyo 2022, ia-update ng Google ang patakaran sa Mga produkto at serbisyong pampinansyal para linawin ang saklaw at mga kinakailangan para sa pag-advertise ng negosyo at mga serbisyong may kaugnayan sa cryptocurrency.
Simula Hulyo 7, 2022, puwede nang i-advertise ng mga advertiser na nag-aalok ng Mga Cryptocurrency Exchange at Wallet na nagta-target sa France, Germany, South Korea, at Pilipinas ang mga produkto at serbisyong iyon kapag natutugunan nila ang mga sumusunod na kinakailangan at kapag certified sila ng Google. Ang mga advertiser na nag-aalok ng Mga Cryptocurrency Exchange na nagta-target sa United Arab Emirates, Hong Kong, at Thailand ay puwede ring mag-advertise ng mga produkto at serbisyong iyon kapag natutugunan nila ang mga sumusunod na kinakailangan at kapag certified sila ng Google. Para maging certified ng Google, kakailanganin ng mga advertiser na matugunan ang mga sumusunod na kinakailangan, depende sa bansang tina-target nila:
France (Mga Cryptocurrency Exchange at Wallet)
- Rehistrado dapat ang mga advertiser sa AMF (Autorité des Marchés Financiers) bilang Digital Asset Service Provider (DASP). Dapat ding matugunan ang anupamang lokal na legal na kinakailangan.
Germany (Mga Cryptocurrency Exchange at Wallet)
- Dapat ay may naaangkop na lisensya ang mga advertiser para sa mga ina-advertise na aktibidad, hal., lisensya ng mga serbisyo ng financial brokering, lisensya ng multilateral trading facility, at/o lisensya ng negosyong crypto custody mula sa BaFin (Bundesanstalt für Finanzdienstleistungsaufsicht). Dapat ding matugunan ang anupamang lokal na legal na kinakailangan.
Pilipinas (Mga Cryptocurrency Exchange at Wallet)
- Dapat kumuha ang mga advertiser ng certificate of authority bilang Money Services Business mula sa Bangko Sentral ng Pilipinas (Philippine Central Bank o BSP). Dapat ding matugunan ang anupamang lokal na legal na kinakailangan.
South Korea (Mga Cryptocurrency Exchange at Wallet)
- Matagumpay dapat na nakapag-file ang mga advertiser ng virtual asset service providers (VASP) Report sa Commissioner ng Korea Financial Intelligence Unit (KoFIU). Dapat ding matugunan ang anupamang lokal na legal na kinakailangan.
United Arab Emirates (Mga Cryptocurrency Exchange)
- Lisensyado dapat ang mga advertiser na magpatakbo ng multilateral trading facility ng Financial Services Regulatory Authority (FSRA). Dapat ding matugunan ang anupamang lokal na legal na kinakailangan.
Hong Kong (Mga Cryptocurrency Exchange)
- Dapat “mag-opt in” ang mga advertiser sa licensing regime at nakakuha dapat sila ng type 1 (pag-deal sa mga security) na lisensya at type 7 (pagbibigay ng mga naka-automate na serbisyo sa pag-trade) na lisensya mula sa Securities and Futures Commission (SFC) ng Hong Kong. Dapat ding matugunan ang anupamang lokal na legal na kinakailangan.
Thailand (Mga Cryptocurrency Exchange)
- Dapat kunin ng mga advertiser ang nauugnay na lisensya ng Digital Asset Business mula sa Securities and Exchange Commission (SEC) ng Thailand. Dapat ding matugunan ang anupamang lokal na legal na kinakailangan.
Bilang paalala, inaasahan naming susunod ang lahat ng advertiser sa mga lokal na batas para sa anumang lugar na tina-target ng kanilang mga ad. Malalapat ang patakarang ito sa lahat ng account na nag-a-advertise ng mga produktong pampinansyal na ito. Para sa higit pang detalye, tingnan ang Tungkol sa certification ng mga pinaghihigpitang produktong pampinansyal.
Hindi hahantong ang mga paglabag sa patakarang ito sa agarang pagsususpinde ng account nang walang paunang babala. May ibibigay na babala, hindi bababa sa 7 araw, bago ang anumang pagsususpinde ng iyong account.
(Na-post noong Mayo 2022)