Nagbibigay ang Google ng mga nakasaling bersyon ng aming Help Center, gayunpaman, hindi ginawa ang mga ito para baguhin ang content ng aming mga patakaran. Ang English na bersyon ang opisyal na wikang ginagamit namin para ipatupad ang aming mga patakaran. Para tingnan ang artikulong ito sa ibang wika, gamitin ang dropdown ng wika sa ibaba ng page.
Update: Pansamantalang ipinagpaliban ang update sa patakarang ito para sa mga teknikal na dahilan. Sumangguni sa Log ng Pagbabago para sa mga pagbabago sa patakaran sa hinaharap. (Idinagdag noong Abril 8, 2022)
Pagwawakas sa Mga Pagbubukod sa Mga Ad ng Halalan
Sa Pebrero 2022, ia-update ang Patakaran sa pampolitikang content ng Google Ads para alisin ang mga kasalukuyang pagbubukod sa mga produkto, serbisyo, at balita sa mga patakaran sa Mga Ad ng Halalan sa buong mundo. Sisimulan naming ipatupad ang update sa patakaran sa Pebrero 15, 2022.
Sa update sa patakarang ito, hindi na ibubukod ang mga ad para sa mga produkto, serbisyo, at balita sa mga patakaran sa Mga Ad ng Halalan ng Google. Ang mga advertiser na gustong mag-promote ng mga produkto, serbisyo, at balita sa pamamagitan ng content ng ad na saklaw ng patakaran (hal., nagtatampok ng kasalukuyang kandidato o nanunungkulan) ay mapapailalim sa naaangkop na patakaran sa Mga Ad ng Halalan, at kasama rito ang kinakailangang mag-apply sila para sa pag-verify ng Mga Ad ng Halalan para makapagpagana ng mga ganitong ad.
Hindi hahantong ang mga paglabag sa patakarang ito sa agarang pagsususpinde ng account nang walang paunang babala. Magbibigay ng babala sa loob ng hindi bababa sa 7 araw bago ang anumang pagsususpinde ng iyong account.
Pakisuri ang update na ito sa patakaran para matukoy kung napapailalim sa saklaw ng patakaran ang alinman sa iyong mga ad, at kung oo, tiyaking tatapusin mo ang pag-verify ng Mga Ad ng Halalan kung kwalipikado o aalisin mo ang mga ad na iyon bago ang Pebrero 15, 2022.
Mga Bagong Opsyon sa Paghahatid ng Mga Ad ng Halalan
Kasabay ng pag-aalis ng mga pagbubukod sa mga ad ng halalan, sa Pebrero 15, 2022, papalawakin din namin ang mga opsyon sa paghahatid ng ad. Sa kasalukuyan, maihahatid lang ang Mga Ad ng Halalan sa bansa o rehiyong pinapatungkulan ng content ng ad (hal., sa EU lang maihahatid ang Mga Ad ng Halalan sa EU; sa U.S lang maihahatid ang Mga Ad ng Halalan sa U.S.) Pagkatapos ng pagbabagong ito, magiging kwalipikado ang mga advertiser na nakatapos ng alinman sa pag-verify ng Mga Ad ng Halalan o Pagkakakilanlan ng Advertiser na maghatid ng mga ad sa kanilang tinitirhang bansa o rehiyong saklaw ng patakaran sa Mga Ad ng Halalan patungkol sa ibang bansa o rehiyon. Hindi papahintulutan ang mga advertiser na maghatid ng Mga Ad ng Halalan sa labas ng kanilang tinitirhang bansa o rehiyon. Halimbawa, magiging kwalipikado ang isang na-verify na advertiser sa New Zealand na magpagana sa New Zealand ng ad na nagtatampok ng kandidato o nanunungkulan sa EU, pero hindi siya papahintulutang paganahin ang ad ding iyon sa EU.
Mga ad lang na inihahatid sa tinitirhang bansa o rehiyon ng advertiser ang maaapektuhan ng pagbabagong ito.
Mga Pagbabago sa mga Panrehiyong paghihigpit para sa
Mga Ad ng Halalan at Isyu sa Canada
Sa Pebrero 15, 2022, patuloy na ibubukod ng Mga panrehiyong paghihigpit para sa Mga Ad ng Halalan at Ad ng Isyu sa Canada ang mga ad na pinapagana ng mga organisasyon sa pagbabalita sa Canada para i-promote ang kanilang coverage ng pagbabalita sa halalan, pero hindi na nito ibubukod ang mga organisasyon sa pagbabalita na hindi mula sa Canada.
Hindi hahantong ang mga paglabag sa patakarang ito sa agarang pagsususpinde ng account nang walang paunang babala. Magbibigay ng babala sa loob ng hindi bababa sa 7 araw bago ang anumang pagsususpinde ng iyong account.
Pakisuri ang update na ito sa patakaran para matukoy kung napapailalim sa saklaw ng patakaran ang alinman sa iyong mga ad, at kung oo, tiyaking aalisin mo ang mga ad na iyon bago ang Pebrero 15, 2022.
(Na-post noong Disyembre 2, 2021)