Nagbibigay ang Google ng mga nakasaling bersyon ng aming Help Center, gayunpaman, hindi ginawa ang mga ito para baguhin ang content ng aming mga patakaran. Ang English na bersyon ang opisyal na wikang ginagamit namin para ipatupad ang aming mga patakaran. Para tingnan ang artikulong ito sa ibang wika, gamitin ang dropdown ng wika sa ibaba ng page.
Sa Marso 2021, ia-update ang Patakaran sa pang-adult na content para paghigpitan ang live streaming na may sekswal na pahiwatig, live chat na may sekswal na pahiwatig, mga role playing game na may sekswal na pahiwatig, at pangkalahatang pakikipag-date na may mga element at temang may sekswal na pahiwatig. Pinapayagan pa rin ang mga kategoryang ito ng content, pero ihahatid ang mga ito nang may paghihigpit. Posibleng makapansin ang mga advertiser na nagpo-promote ng ganitong content ng pagbabago sa kanilang mga campaign.
Bukod pa rito, magsasagawa kami ng mga pang-editoryal na pagbabago sa patakaran para maging mas malinaw at mas madaling maunawaan. Walang negatibong epekto sa mga campaign ng advertiser ang mga pagbabagong ito at kasama sa mga pagbabagong ito ang:
- Pagbago sa pamagat ng patakaran para gawing “Sekswal na content.” Gagawing “Sekswal na content” ang lahat ng pagbanggit ng patakaran sa “Pang-adult na content” sa mga patakaran ng Google Ads.
- Paghati sa mga kategoryang “Pang-adult” at “Hindi pampamilya” sa mga mas detalyadong kategorya ng content.
- Pag-update sa mga pamagat, paglalarawan, at halimbawa para sa mga mas detalyadong kategorya.
Sisimulan naming ipatupad ang update sa patakaran sa Marso 29, 2021, hanggang sa umabot sa ganap na pagpapatupad sa loob ng humigit-kumulang apat na linggo.
Ang na-update na Patakaran sa sekswal na content ay magiging:
Sekswal na content
Mga lubos na pinaghihigpitang kategorya
Lubos na pinaghihigpitan ang mga ad na nagtatampok o nagpo-promote ng mga sumusunod na uri ng sekswal na content. Ihahatid lang ang mga ito batay sa mga sumusunod na kundisyon:
- Ang edad ng user, ang mga lokal na batas sa kung saan inihahatid ang ad, at ang mga setting sa SafeSearch ng user.
- Ang mga Query sa paghahanap ng user para sa sekswal na content.
Kahubaran
Mga tao o representasyon ng mga tao na nagpapakita ng mga nakalantad na maselang bahagi ng katawan, kabilang ang mga representasyong naka-blur o naka-censor.
Mga Halimbawa: Nakikitang ari, mga dibdib ng babae, o puwit
Pakikipag-date para makipagtalik
Mga Halimbawa: Hook-up o fling dating, mga swinger dating site
Mga kategoryang may katamtamang paghihigpit
May katamtamang paghihigpit ang mga ad na nagtatampok o nagpo-promote ng mga sumusunod na uri ng kategorya ng sekswal na content. Ihahatid lang ang mga ito batay sa mga sumusunod na kundisyon:
- Ang edad ng user, ang mga lokal na batas sa kung saan inihahatid ang ad, at ang mga setting sa SafeSearch ng user.
Bahagyang kahubaran
Mga Halimbawa: Nakalantad na ibaba o gilid na bahagi ng dibdib ng babae, nakalantad na malaking bahagi ng puwit
Pakikipag-date na may temang sekswal
Mga Halimbawa: Pakikipag-date sa may asawa, pakikipag-date para sa sekswal na fetish
Sekswal na merchandise
Mga Halimbawa: Mga sex toy, lubricant, aphrodisiac, sexual enhancer, lingerie para sa sekswal na fetish
Sekswal na entertainment
Mga Halimbawa: Mga strip club, pang-adult na movie festival, live streaming o live chat na may sekswal na pahiwatig, mga role playing game na may sekswal na pahiwatig
Mga mature na kosmetikong pamamaraan
Mga Halimbawa: Pagpapalaki ng dibdib ng babae, operasyon para sa pagpapalaki ng ari ng lalaki, vaginal laser rejuvenation, mga implant sa puwit, pag-groom ng pubic hair
Mga elemento at temang may sekswal na pahiwatig
Mga Halimbawa: Bastos o sekswal na pananalita, mga larawang nagtatampok ng mga binting nakabukaka, paghawak sa may takip na maseselang bahagi ng katawan, paggaya sa mga posisyon o kilos sa pakikipagtalik, pakikipag-date para sa mga pangkalahatang audience na may koleksyon ng larawang may higit pang sekswal na pahiwatig.
Mga tao o representasyon ng mga tao na nagpapakita ng mga nakalantad na maselang bahagi ng katawan, kabilang ang mga representasyong naka-blur o naka-censor.Paghihigpitan sa ilalim ng “Sekswal na entertainment” ang may sekswal na pahiwatig na live streaming, live chat, at mga role playing game. Paghihigpitan sa ilalim ng “Mga elemento at temang may sekswal na pahiwatig” ang pangkalahatang pakikipag-date na may mga elemento at temang may sekswal na pahiwatig. Kapag nagkabisa na sa Marso 29 ang mga pagbabagong ito sa patakaran, makikita ng mga advertiser na nagpo-promote ng mga ganitong kategorya ng content sa mga ad at destinasyon ang mga sumusunod na epekto:
- Mamarkahan ang mga bagong saklaw na ad bilang Naaprubahan (Limitado) at ihahatid ang mga ito bilang content na “May katamtamang paghihigpit.” “Hindi pampamilya” ang dating tawag dito.
- Dahil pinaghihigpitan ang mga kategoryang ito ng content, hindi ihahatid ang mga ito sa ilang partikular na bansa o sa ilang partikular na platform, network, o format ng ad. Ganito na ang mga kasalukuyang pamantayan at hindi magbabago ang mga ito sa Marso 29.
- Paunti-unti ang pagpapatupad at posibleng hindi kaagad malagyan ng label ang lahat ng ad na saklaw ng patakaran kapag ipinatupad na ang pagbabago.
Pakisuri ang update na ito sa patakaran para matukoy kung napapailalim sa saklaw ng mga pagbabago sa patakaran ang alinman sa iyong mga ad at tandaang sisimulang paghigpitan ang mga saklaw na ad sa Marso 29, 2021. Para maiwasang mapailalim sa katamtamang paghihigpit ang iyong mga ad at destinasyon kapag nagkabisa na ang pagbabago, mainam kung aalisin mo ang anumang sekswal na content sa mga promosyon ng live streaming, live chat, mga role playing game, at pakikipag-date para sa pangkalahatang audience.
Hindi hahantong ang mga paglabag sa patakarang ito sa agarang pagsususpinde ng account nang walang paunang babala. Magbibigay ng babala sa loob ng hindi bababa sa 7 araw bago ang anumang pagsususpinde ng iyong account.
(Na-post noong Enero 28, 2021)