Ipakita ang iyong data sa mga chart

Ang mga chart ay nagbibigay ng graphic na representasyon ng iyong data. Puwede kang gumamit ng mga chart para isalarawan ang mga pagbabago sa iyong mga sukatan sa paglipas ng panahon.

Mga uri ng chart

Iba ang paraan ng pangangasiwa sa data ng bawat uri ng chart. Dapat mong piliin ang uri ng iyong chart batay sa gusto mong malaman mula sa iyong ulat. Narito ang ilang tagubilin kung kailan dapat gamitin ang bawat uri ng chart:

Uri ng chart	Pinakamahusay na gamitin kapag ikaw ay...
Timeline	Naghahambing ng oras (mga petsa). Nagpapakita ang timeline ng mga pagbabago-bago sa iisang sukatan (hal., tinantyang mga kita) sa hanggang dalawang magkaibang hanay ng petsa o maraming sukatan para sa iisang hanay ng petsa.
Bar na chart	Naghahambing ng performance ng maraming kategorya. Ipinapakita ng bar na chart ang paghahambing ng performance ng isang kategorya kumpara sa isa pa.
Pie chart	Naghahambing ng maraming kategorya sa anyo ng mga porsyento. Ipinapakita ng pie chart ang kaugnayan ayon sa percentile ng iba't ibang bahagi kumpara sa kabuuan.

Magpalipat-lipat sa mga uri ng chart

Kapag nagpatakbo ka ng ulat, awtomatiko kaming magpapakita ng default na uri ng chart para sa iyong data. Kung minsan, maraming iba't ibang uri ng chart na angkop sa uri ng impormasyong sinusuri mo.

• Para lumipat sa ibang uri ng chart, i-click ang mga opsyon sa Chart at pumili ng bagong uri ng chart.

Baguhin ang data sa isang chart

Mga Sukatan

Puwede mong baguhin ang mga sukatang ipinapakita sa chart sa isang ulat.

• Para magpakita ng sukatan, i-click ang pangalan ng sukatan sa bahagi sa itaas ng chart. Para ihinto ang pagpapakita ng sukatang iyon, i-click ulit ang pangalan ng sukatan.

Kapag nagpakita ka ng maraming sukatan sa isang chart, gagamit ng ibang kulay ang bagong sukatan.

Tandaan: Kung magpapakita ka ng mahigit sa dalawang sukatan sa isang chart, hindi magkakaroon ng patayong scale ang chart, pero puwede kang mag-hover sa mga data point para makita ang mga value ng mga napiling sukatan.

Serye ng data

Bawat row ng data sa talahanayan ay may kontrol na nagbibigay-daan sa iyong idagdag o alisin ang serye ng data na iyon sa chart. Puwede mong gamitin ang mga kontrol na ito para mabilis na mabago kung aling serye ng data ang ipinapakita sa chart. Halimbawa, kung ang gusto mo lang tingnan ay ang data para sa iyong nangungunang 3 bansa, puwede mong patakbuhin ang ulat sa Mga Bansa at pagkatapos ay i-click ang mga toggle sa tabi ng unang 3 bansa sa talahanayan.

• Para magdagdag ng serye ng data, i-click ang mata sa tabi ng row nito sa talahanayan. Para alisin ang serye ng data na iyon, i-click ulit ang mata .

Tandaan: Hindi available ang mga mata para sa ilang breakdown gaya ng Petsa.