તમારા રિપોર્ટનો ડેટા ફિલ્ટર કરો

મેટ્રિક અને બ્રેકડાઉનની સાથે ફિલ્ટર જોડવાથી, તમારા રિપોર્ટમાં કયો ડેટા બતાવવામાં આવે તે પણ નક્કી કરે છે. તે તમને તમારો રિપોર્ટિંગ ડેટા સમજવામાં, વલણો શોધવામાં અને તમને ખરેખર જેની જરૂર છે તે માહિતી મેળવવામાં સહાય કરી શકે છે. ઉદાહરણ તરીકે, તમે ઉલ્લેખિત તારીખની શ્રેણી પર વિશિષ્ટ જાહેરાત યુનિટ, દેશો અથવા જાહેરાતનાં ફૉર્મેટ પર નજર કરવા માટે ફિલ્ટરનો ઉપયોગ કરી શકો છો. તમે તમારા ડેટાને વધુ રિફાઇન કરવા માટે, તમારા રિપોર્ટમાં એકથી વધારે ફિલ્ટર ઉમેરી શકો છો.

ફિલ્ટર શું કામ કરે છે?

ફિલ્ટર તમારા રિપોર્ટમાંથી બિનજરૂરી અથવા વણજોઈતા ડેટાને છુપાવે છે. જ્યારે તમે કોઈ ફિલ્ટર ઉમેરો, ત્યારે તમે એ નક્કી કરતા હોય છે કે તમે રિપોર્ટમાં શું જોવા માગો છો અને AdSense તેના ફિલ્ટરમાં આપેલા માપદંડથી મેળ ન ખાતી હોય તેવી કોઈપણ વસ્તુને છુપાવશે.

રિપોર્ટમાં ફિલ્ટર ક્યાં હોય છે?

તમારા રિપોર્ટનાં ચાર્ટ વિસ્તારની ઉપર આપેલા ફિલ્ટર બૉક્સમાં ફિલ્ટર ઉમેરી, તેમાંથી કાઢી નાખી અથવા તેની ગોઠવણી કરી શકાય છે. જ્યારે તમે રિપોર્ટમાં કોઈ ફિલ્ટર ઉમેરો ત્યારે તેને તે જ રિપોર્ટમાં આપેલા ચાર્ટ અને કોષ્ટક પર લાગુ કરવામાં આવે છે.

ફિલ્ટર ઉમેરો

1. તમારો રિપોર્ટ જોતી વખતે, ફિલ્ટર પર ક્લિક કરો.
2. ડ્રૉપ-ડાઉન સૂચિમાં બ્રેકડાઉન પર ક્લિક કરો.
3. તમે જેને ફિલ્ટર કરવા માગતા હોય તે આઇટમ પસંદ કરો.
4. લાગુ કરો પર ક્લિક કરો.

ટિપ: તમારે જેમાંથી ફિલ્ટર બનાવવું છે તે આઇટમનું નામ ફિલ્ટર બૉક્સમાં ટાઇપ કરીને તમે તે આઇટમ પણ શોધી શકો છો.

ફિલ્ટર બદલો

1. તમારો રિપોર્ટ જોતી વખતે, તમે બદલવા માગતા હો તે ફિલ્ટર પર ક્લિક કરો.
2. તમે ફિલ્ટરમાં ઉમેરવા અથવા તેમાંથી કાઢી નાખવા માગતા હોય તે આઇટમ પસંદ કરો.
3. લાગુ કરો પર ક્લિક કરો.

ફિલ્ટર કાઢી નાખો

એક જ ફિલ્ટર કાઢી નાખવા માટે, તમે કાઢી નાખવા માગતા હો તે ફિલ્ટરની બાજુમાં કાઢી નાખો પર ક્લિક કરો. રિપોર્ટમાંથી તમામ ફિલ્ટર કાઢી નાખવા માટે, ફિલ્ટર બૉક્સનાં અંતે આપેલા તમામ ફિલ્ટર કાઢી નાખો  પર ક્લિક કરો.