Setting ng pag-optimize ng laki ng ad

Puwede mong hayaan ang Google na awtomatikong i-optimize ang laki ng iyong mga unit ng ad sa mobile. Hindi na kailangang gumawa ng mga bagong unit ng ad o baguhin ang iyong ad code. Magbabago ang laki ng iyong mga kasalukuyang unit ng ad batay sa konteksto at oryentasyon ng device ng user, at puwede itong magpakita ng mas malalaking ad, mga full-width na ad, atbp. Bilang resulta, mas maraming ad ang magiging kwalipikadong punan ang iyong mga unit ng ad, na posibleng magpataas ng kita.

Mga Limitasyon

Gumagana lang ang setting ng pag-optimize na ito sa mga site na na-optimize sa mobile at Accelerated Mobile Page (AMP). Dagdag pa rito, hindi kami makakapag-optimize sa mga sumusunod na sitwasyon:

• Mga naka-iframe na unit ng ad (kasama rito ang mga unit ng ad na inihahatid sa pamamagitan ng mga server ng ad tulad ng Google Ad Manager)
• Mga unit ng ad na nasa parent container na may mga limitadong dimensyon (hal., nakatakdang taas, overflow: hidden, atbp.).
• Unang page view ng isang user, dahil gagamitin namin ang unang page view niya para makuha ang setting ng pag-optimize ng laki ng ad mula sa iyong account. Para sa mga susunod na page view ng user, ilalapat namin ang iyong setting.

I-preview ang mga awtomatikong na-optimize na ad sa iyong site

Puwede mong i-preview ang gawi ng setting sa pag-optimize na ito sa iyong site bago mo ito i-on.

Sa isang mobile device

1. Bisitahin ang iyong site, at idagdag ang #google_responsive_slot_preview sa dulo ng URL ng page mo.
2. I-refresh ang page.
3. I-toggle ang oryentasyon sa pagitan ng landscape at portrait para makakita ng iba't ibang laki ng ad.

Sa desktop gamit ang Google Chrome browser

1. Buksan ang iyong site sa bagong tab, at idagdag ang #google_responsive_slot_preview sa dulo ng URL ng page mo.
2. I-on ang "Device mode." Tingnan ang Simulate Mobile Devices with Device Mode para sa mga tagubilin kung paano ito gawin.
3. Pumili ng mobile device mula sa drop-down na listahan (hal., Pixel 2 o iPhone 6/7/8).
4. I-refresh ang page.
5. I-toggle ang oryentasyon sa pagitan ng landscape at portrait para makakita ng iba't ibang laki ng ad.

Ganito rin ang magiging hakbang sa iba pang browser. Tingnan ang dokumentasyon ng iyong browser para sa higit pang impormasyon.

I-on ang setting ng pag-optimize ng laki ng ad

1. Mag-sign in sa iyong AdSense account.
2. I-click ang Mga Ad.
3. I-click ang Mga pangkalahatang setting.
4. Sa seksyong "Laki ng ad," i-on ang Hayaan ang Google na i-optimize ang laki ng iyong mga mobile ad.

   Pipiliin ng Google ang pinakamahuhusay na laki ng mobile ad para sa iyo, batay sa kung anong laki ang may pinakamahusay na performance sa trapiko mo sa mobile.