Mga patakaran para sa mga unit ng ad na nag-aalok ng mga reward

Ang mga unit ng ad na nag-aalok ng mga reward ay isang mekanismo para patibayin ang ugnayan ng mga publisher at user, na nagbibigay ng benepisyo kapwa sa mga publisher at mga user. Para matiyak ang isang positibong experience para sa mga publisher, user, at advertiser, nagtakda kami sa ibaba ng mga kinakailangan sa katangian at pagpapatupad ng mga unit ng ad na nag-aalok ng mga reward sa pamamagitan ng mga ad na inihahatid ng Google ("Mga Rewarded Ad").

Para sa mga layunin ng mga patakarang ito:

• Ang ibig sabihin ng "mga direktang perang item" ay anumang anyo ng legal tender, o iba pang paraan ng pagbabayad na puwedeng direktang gamitin para bumili ng mga produkto o serbisyo sa totoong buhay.

  Mga Halimbawa: Cash, cryptocurrency, gift card

• Ang ibig sabihin ng "mga hindi direkta o hindi perang item" ay kahit anong may perang halaga pero hindi direktang paraan ng pagbabayad sa totoong buhay, o kahit anong walang perang halaga sa totoong buhay.

  Mga Halimbawa: Mga diskwento, mga loyalty reward o point, libreng shipping ng produkto, libreng trial ng produkto o serbisyo, extra na buhay ng character sa laro, skin ng character sa laro

• Ang ibig sabihin ng "hindi maililipat" ay isang reward na mare-redeem at magagamit lang ng user na nakatanggap nito, at hindi direktang mako-convert sa mga direktang perang item o mga item na maililipat sa third party.

  Mga Halimbawa: Code ng diskwento, loyalty points o isang item sa laro na mare-redeem at magagamit lang ng isang partikular na user sa pamamagitan ng naka-log in na account niya, at hindi puwedeng direktang i-convert sa cash o gamitin para bumili ng anumang item na maililipat sa ibang tao

Mga kinakailangang reward

1. Hindi puwedeng mag-alok ng mga direktang perang item bilang mga reward sa anumang sitwasyon.
2. Puwedeng ialok bilang reward ang mga hindi direkta o hindi perang item, sa kundisyon na:
   • Mare-redeem at magagamit lang ang reward para sa isang item o serbisyo na nasa platform, website, o app ng publisher;
   • Hindi maililipat ang reward (halimbawa, hindi pinapayagan ang mga pisikal na item o mga loyalty point na puwedeng ilipat sa ibang tao); at
   • Ang mga reward na diskwento o voucher para sa mga pisikal na item ay hindi dapat lumampas sa 25% ng kabuuang halaga ng item.
3. Pinapayagan ang mga random na reward, sa kundisyon na:
   • Inihayag sa user ang pagkakataong makatanggap ng mga random na reward bago ipakita ang Mga Rewarded Ad (tulad ng pagsasaad ng "panoorin ang ad na ito ngayon para sa pagkakataong makatanggap ng random na reward");
   • Madaling ma-access ng user ang mga detalye sa lahat ng posibleng reward (tulad ng pagsasaad ng mga posibleng reward sa paghahayag, o pag-hover, o sa pamamagitan ng pagsasama ng link sa isang page na may mga detalye). Kasama rito ang pagsasabi kung posibleng hindi makatanggap ng reward bilang resulta; at
   • Ang pagkakataong makatanggap ng reward na mas mataas sa 0.

Mga kinakailangan sa pagpapatupad

1. Dapat magbigay ang mga publisher ng malinaw, tumpak, at kitang-kitang paghahayag ng (mga) kinakailangang pagkilos at (mga) iniaalok na reward bago ang bawat pagkakataon na ipakita ang Mga Reward Ad.
   • Puwedeng gumamit ng mga icon para ilarawan ang (mga) pagkilos o (mga) reward, hangga't malinaw at talagang mauunawaan ng mga user ang mga icon na iyon.
   • Kung ipinapakita ang Mga Rewarded Ad sa isang bundle, o kailangang manood ang mga user ng isang takdang bilang ng Mga Rewarded Ad para makakuha ng reward, dapat na malinaw na ihayag ang mga detalyeng iyon sa user (tulad ng pagsasaad ng "manood ng 3 ad ngayon para makatanggap ng 100 gintong barya").
2. Dapat lang ihatid ang Mga Rewarded Ad, maliban sa mga ipinatupad sa pamamagitan ng format na may reward na interstitial, pagkatapos mag-opt in nang tiyak at malinaw ang isang user (tulad ng pag-tap sa isang button na kumakatawan sa "oo" o "tanggapin"). Bukod pa rito:
   • Hindi dapat obligahin ng Mga Rewarded Ad ang mga user na makipag-interact dito (halimbawa, dapat na puwedeng laktawan o i-dismiss ang mga ito). 
   • Ang Mga Rewarded Ad na ipinatupad sa pamamagitan ng format na may reward na interstitial ay dapat magpakita ng introductory na screen na naglalaman ng opsyong kumakatawan sa "hindi" o "huwag tanggapin," na may sapat na oras para mag-opt out ang user. Hindi dapat nakatago, natatakpan, o hindi gumagana ang opsyong ito.
   • Hindi dapat makasagabal o makagambala ang paglaktaw sa Rewarded Ad o pagpili sa opsyong "hindi" o "huwag tanggapin" sa normal na paggamit ng platform, website, o app.
   • Dapat hindi magsama ang mga publisher ng anumang text o icon, maliban sa paglalarawan ng iniaalok na (mga) reward, para linlangin o bigyan ng insentibo ang mga user para sa isang partikular na pili (tulad ng pagsasaad ng "panoorin ang ad na ito para suportahan ang aming negosyo").
3. Dapat ihatid ng mga publisher ang (mga) ipinangakong reward sa user pagkatapos makumpleto ang (mga) kinakailangang pagkilos.
4. Ang mga publisher ang ganap at ang tanging responsable sa pagbibigay ng mga reward, at hindi nila dapat isaad o ipahiwatig na na-verify o ineendorso ng Google ang mga reward.