Pamahalaan ang mga user ng mga pagbabayad sa iyong AdSense account

Puwedeng magdagdag ng mga user ng mga pagbabayad ang mga admin ng account ng negosyo at puwede nilang itakda ang kanilang mga pahintulot at kagustuhan sa email. #businessaccount #paymentsprofile

Kung nakarehistro ka bilang negosyo, puwede kang magdagdag ng ibang tao sa isang profile sa mga pagbabayad. Para sa bawat taong idaragdag mo, ikaw ang magpapasya kung sila ay puwede o hindi puwedeng mag-imbita ng iba pang user, bumili o mag-sign up para sa mga bayad na serbisyo ng Google, tumingin sa iyong history ng pagbabayad, o gumawa ng mga pagbabago sa profile.

Tandaan: Hindi available ang feature na ito para sa mga indibidwal na account.

Magdagdag ng bagong user ng mga pagbabayad

Kung isa kang admin o may-ari ng profile sa mga pagbabayad ng negosyo, sundin ang mga hakbang na ito para magdagdag ng user sa profile sa mga pagbabayad:

1. Mag-sign in sa iyong AdSense account.
2. I-click ang Mga Pagbabayad.
3. I-click ang Pamahalaan ang mga setting.
4. I-click ang Pamahalaan ang mga user ng mga pagbabayad.
5. I-click ang +Magdagdag ng bagong user.
6. Ilagay ang impormasyon ng user:
   • Mga detalye sa pakikipag-ugnayan: Ilagay ang kanyang pangalan, email address, at opsyonal, ang kanyang numero ng telepono.
   • Mga Pahintulot: Pagpasyahan kung ano ang magagawa niya sa pamamagitan ng pagtatakda ng antas ng mga pahintulot niya.
   • Mga kagustuhan sa email: Piliin kung anong mga email sa pagbabayad ang matatanggap niya.
   • Pangunahing contact: Piliin kung gusto mo siyang maging pangunahing contact para sa iyong profile. Sa taong ito makikipag-ugnayan ang Google tungkol sa anumang tanong na nauugnay sa mga pagbabayad.
7. I-click ang Imbitahan. Lalabas ang iyong contact bilang "Nakabinbin" hanggang sa tanggapin niya ang imbitasyon mo.

   Tandaang mag-e-expire ang iyong imbitasyon pagkalipas ng dalawang linggo. Para muling magpadala ng imbitasyon, piliin ang user na gusto mong muling imbitahan at i-click ang Muling ipadala ang imbitasyon.

Mga Pahintulot

Kapag may idinagdag ka sa iyong profile sa mga pagbabayad, maaari mong itakda ang antas ng pahintulot niya depende kung paano mo gustong ipagamit sa kanya ang impormasyon sa mga pagbabayad.

• Magagawa ng mga admin na i-edit ang lahat ng nasa profile, pamahalaan ang mga user sa profile, at gamitin ang profile para mag-sign up para sa iba pang serbisyo ng Google.
• Magagawa ng mga user na may ganap na access na i-edit ang anumang nasa profile at gamitin ang profile para mag-sign up para sa iba pang serbisyo ng Google.
• Matitingnan ng mga read-only na user ang profile ngunit hindi sila makakapag-edit.
• Makakatanggap ang mga email-only na user ng mga update sa email para sa mga pagbabayad o mga pagbabago sa profile, ngunit hindi nila matitingnan ang profile.

Mga kagustuhan sa email

Puwede mong isaayos ang mga setting ng email para sa bawat taong idaragdag mo sa iyong profile. 

• Email para sa lahat ng pagbabayad: Kasama sa email para sa lahat ng pagbabayad ang mga pang-administratibong email pati na rin ang mga resibo, invoice, buwanang statement, at iba pang mensahe kaugnay ng transaksyon.
• Pang-administrator lang na email sa mga pagbabayad: Kasama sa pang-administrator na email ang mga mensahe sa pamamahala sa account tungkol sa mga form ng buwis, pagsususpinde ng customer, update sa Mga Tuntunin ng Serbisyo, at pagsasara ng account.

Mag-alis ng user ng mga pagbabayad

Para sa mga profile ng negosyo, puwede kang mag-alis ng sinumang user kung mayroon kang mga pang-administrator na pahintulot. Para mag-alis ng user, sundin ang mga hakbang na ito:

1. Mag-sign in sa iyong AdSense account.
2. I-click ang Mga Pagbabayad.
3. I-click ang Pamahalaan ang mga setting.
4. I-click ang Pamahalaan ang mga user ng mga pagbabayad.
5. I-click ang pababang arrow  sa tabi ng user na gusto mong alisin.
6. I-click ang Alisin.