Kino-convert namin ang mga pagbabayad ng mga advertiser mula sa kanilang currency papunta sa currency ng pagbabayad mo gamit ang kasalukuyang rate sa market mula sa araw bago ipinakita ang mga ad. Kinukuha namin ang aming mga rate mula sa malalaking bangko at iba pang source ng rate na kinikilala sa industriya.
Halimbawa: Sabihin nating binabayaran ka sa euros, at bumili ang isang advertiser ng mga ad sa iyong site gamit ang U.S. dollars noong Agosto 15. Kakalkulahin namin ang iyong kita gamit ang exchange rate mula dollar papuntang euro mula sa pagtatapos ng Agosto 14.
Tandaan: Kung ang currency ng iyong bank account ay iba sa currency ng pagbabayad mo, posibleng kapag binayaran ka, ilalapat ng iyong bangko ang sarili nitong conversion ng currency (gamit ang sarili nitong exchange rate) o tanggihan pa nga ang bayad sa iyo ng AdSense. Alinman sa mga ito ang sitwasyon, dapat kang direktang makipag-ugnayan sa iyong bangko para sa higit pang impormasyon.
Ang exchange rate para sa mga ulat
Kino-convert namin ang mga currency sa mga ulat sa parehong paraan. Ibig sabihin, dapat ipakita ng mga ulat sa iyong currency ng pagbabayad ang halagang ibabayad sa iyo. Ipinapakita ng mga ulat na nasa ibang currency ang halagang ibabayad sana sa iyo kung babayaran ka sa currency na iyon.
Tandaan: Kapag tumitingin ng mga ulat na iba ang currency kaysa sa iyong currency sa pagbabayad, posibleng hindi tumugma ang mga iniulat na halaga (batay sa mga pang-araw-araw na exchange rate) sa sarili mong mga kalkulasyon, kung ipinapalit mo ang iyong kita sa currency na iyon gamit ang mas bagong exchange rate.
