Puwede mong i-update ang iyong pangalan, email, at numero ng telepono sa AdSense account mo.
Para baguhin ang iyong personal na impormasyon sa pakikipag-ugnayan, sundin ang mga hakbang na ito:
- Mag-sign in sa iyong AdSense account.
- I-click ang Account.
- I-click ang Mga Setting, pagkatapos ay Mga personal na setting.
- Sa seksyong "Mga detalye sa pakikipag-ugnayan," gawin ang mga gustong pagbabago.
Tandaan: Puwedeng iba ang iyong email sa pakikipag-ugnayan sa email mo sa pag-log in at hindi kailangang Google Account ito.
- I-click ang I-save.
Kung babaguhin mo ang iyong email sa pakikipag-ugnayan, magpapadala kami ng email sa pag-verify sa bago mong email address.
- I-click ang link ng pagpapatunay sa email.
Mare-redirect ka pabalik sa iyong AdSense account, kung saan makikita mo ang na-update na impormasyon sa pakikipag-ugnayan. Hindi nito ia-update ang email na ginagamit mo sa pag-sign in sa iyong AdSense account.
Pagkatapos, gagamitin namin ang impormasyon sa pakikipag-ugnayan na ito kapag kailangan naming makipag-ugnayan sa iyo.
Kung nakatanggap ka ng email na nagpapa-verify ng email sa pakikipag-ugnayan para sa iyong account at hindi ikaw ang gumawa ng kahilingang ito, mag-sign in sa iyong AdSense account at suriin ang mga detalye mo sa pakikipag-ugnayan. Tiyaking hindi mo ibabahagi ang iyong mga detalye sa pag-sign in sa Google Account.
