તમારા એકાઉન્ટમાં એવી થોડી જગ્યાઓ છે જ્યાં તમને "મર્યાદિત જાહેરાત સેવા" કે "મર્યાદિત જાહેરાતો" જોવા મળી શકે છે. ભલે તે બન્ને સાંભળવામાં એકસરખું લાગતું હોય, પરંતુ તેમની અસરકારકતામાં ફરક છે: આમાંની એક સુવિધા તમારી સાઇટ કે ઍપ પર બતાવવામાં આવતી જાહેરાતોની સંખ્યાને મર્યાદિત કરે છે, જ્યારે કે અન્ય સુવિધા જાહેરાતો બતાવવા માટે કયા ડેટાનો ઉપયોગ કરવામાં આવશે, તેને મર્યાદિત કરે છે. આ લેખમાં આ બન્ને શબ્દ વચ્ચેના તફાવતનું વર્ણન કરવામાં આવ્યું છે.
મર્યાદિત જાહેરાત સેવા
તમારા એકાઉન્ટ પર બતાવવામાં આવી શકે, તે જાહેરાતોની સંખ્યા પર Google ક્યારેક કોઈ મર્યાદા લાગુ કરી શકે છે. અમે તમને જાણીએ અને તમારા ટ્રાફિકની ક્વૉલિટીનું વિશ્લેષણ કરીએ તે દરમિયાન જાહેરાત સેવા પર હંગામી રીતે લાગુ થતી આ કોઈ મર્યાદા હોઈ શકે છે અથવા અમને તમારા એકાઉન્ટમાં અમાન્ય ટ્રાફિક વિશે ચિંતાજનક બાબતો જાણવા મળી હોવાને કારણે આમ થયું હોઈ શકે છે.
જો તમારી જાહેરાતની સેવા મર્યાદિત કરવામાં આવી હોય, તો તમારા એકાઉન્ટના પૉલિસી કેન્દ્રમાં તમને સૂચિત કરવામાં આવશે. તમને "મર્યાદિત જાહેરાત સેવા" ધરાવતું જાહેરાત સેવાનું કોઈ સ્ટેટસ જોવા મળશે.
મર્યાદિત જાહેરાતો
મર્યાદિત જાહેરાતો (LTD)ની સેવા, મર્યાદિત રીતે તમને જાહેરાતો બતાવવાની મંજૂરી આપે છે. જાહેરાતો મનગમતી બનાવવા માટે જરૂરી વ્યક્તિગત ડેટાનું એકત્રીકરણ, શેરિંગ અને ઉપયોગ મર્યાદિત જાહેરાતોને કારણે બંધ થઈ જાય છે. મર્યાદિત જાહેરાતો વિશે વધુ જાણો.